04 شىلدە, 2020 news
daily express
قىتاي اسكەري زىمىران سىناقتارىنىڭ قورقىنىشتى كورىنىستەرىمەن ءۇندىستانعا ەسكەرتۋ جاسادى. بۇل تۋرالى قامشى ءتىلشىسى daily express گازەتىنە سىلتەمە جاساپ حابارلايدى.
ۇندىستان پرەمەر-مينيسترىنىڭ شەكاراداعى داۋلى ايماققا ساپارىنان كەيىن بەيجىڭ قىتاي ارمياسىنىڭ كۇشىن كورسەتەتىن جاڭا اسكەري ۇگىت-ناسيحات ۆيدەولارىن شىعارۋ ارقىلى قورقىنىشتى ەسكەرتۋ جىبەردى.
بەيجىڭ بۇگىن اسكەري ۇگىت-ناسيحاتتىڭ جاڭا بەينەسىن شىعاردى. وندا قىتاي قارۋلى كۇشتەرى تۇنگى اسپاندى زىمىراندارمەن جارقىراتتى. جاڭا بەينەباياننىڭ ءتۇسىرىلۋ ۋاقىتى ءۇندىستان پرەمەر-مينيسترى نارەندرا ءموديدىڭ لاداح داۋلى شەكارالاس ايماعىنا بارعاننان بىرنەشە ساعات وتكەن سوڭ بولعان. لاداحتا ونداعان اسكەردىڭ ءومىرىن قيعان قىتاي مەن ءۇندىستان اراسىنداعى شەكارالىق قاقتىعىستار ورىن العان.
قىتايدىڭ مەملەكەتتىك مەدياسى "global times" جاريالاعان ەڭ سوڭعى ۆيدەو شىڭجاڭعا جاقىن جەردە ءتۇننىڭ ورتاسىندا ء"تىرى جاتتىعۋدى" كورسەتتى.
twitter-دە جاريالانعان ۆيدەودا "قىتايدىڭ # شىڭجاڭداعى #حالىقتى ازات ەتۋ ارمياسى ساربازدارىنىڭ قارۋلى جاتتىعۋلارىن كورىڭىز" دەپ جازىلعان.
ۆيدەودا زىمىراندار, تانكتەر مەن اسكەرلەردىڭ بارلىعى ۇندىستانمەن شەكاراداعى شيەلەنىس جاعدايىندا قاقتىعىستارعا دايىندالىپ جاتقانىن كورۋگە بولادى.
ودان ءسال ەرتەرەك ؛ۇندىستان پرەمەر-مينيسترى مودي داۋلى شەكارا ايماعىنا ساپارىندا جارالانعان اسكەريلەرگە ۇندەۋ تاستاعان.
ۇندىستان پرەمەر-مينيسترى شەكاراداعى ساربازدارعا ء"ۇندىستاننىڭ جاۋلارى سىزدەردەگى وت پەن قاھاردى كوردى. سىزدەردىڭ باتىلدىقتارىڭىز بارىنەن جوعارى. سىزدەر جانە سىزدەردىڭ وتانداستارىڭىز كورسەتكەن ەرلىك الەمگە ءۇندىستاننىڭ كۇشىن كورسەتتى" جانە "ەكسپانسيونيزم عاسىرى اياقتالدى" ؛دەگەن بولاتىن.
ايتا كەتەيىك, ماۋسىم ايىنىڭ ورتاسىندا بولعان شەكارالىق قاقتىعىستا كەمىندە 20 ءۇندىستاندىق اسكەري قازا تاۋىپ, كەم دەگەندە 76 ادام جارالانعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر