ااك تاعايىنداۋ مەن مۇگەدەكتىك مەرزىمىن ۇزارتۋ شارتتارى جەڭىلدەتىلدى

قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى بيىلعى جىلدىڭ ii توقسانىندا اتاۋلى الەۋمەتتىك كومەك الۋشىلارعا تولەمدەردى iii توقساندا ۇزارتۋدى كوزدەيتىن بۇيرىق ازىرلەدى جانە قابىلدادى. سونىمەن قاتار, قۇجاتتا مۇگەدەكتىك مەرزىمىن 3 ايعا اۆتوماتتى تۇردە ۇزارتۋ قاراستىرىلعان.

جوعارىدا كورسەتىلگەن شارالار ازاماتتاردىڭ كوروناۆيرۋستىق ينفەكسيانى جۇقتىرۋ ءقاۋپىن ازايتۋ ماقساتىندا مەملەكەتتىك ينستانسيالاردا ادامداردىڭ جاپپاي جينالۋىنىڭ الدىن الۋعا باعىتتالعان.

بىرىنشى كەزەكتە ااك وتباسى قۇرامى, تۇرعىلىقتى مەكەنجايى جانە تابىس دەڭگەيى وزگەرمەگەن وتباسىلارعا تاعايىندالادى. الەۋمەتتىك كومەكتى قايتا تاعايىنداۋ ءۇشىن دەرەكتەر ناقتىلاناتىن بولادى, اتاپ ايتقاندا تۇرعىلىقتى جەرى بويىنشا تىركەۋ (تىركەلۋ), جىلجىمايتىن مۇلىك, كولىك, كىرىستەر جانە باسقالاردىڭ بار بولۋى. ەگەر دە وتباسى قۇرامى وزگەرمەگەن جاعدايدا, وتىنىشتەر قولدا بار دەرەكتەر نەگىزىندە قۇرىلادى. بارلىق اقپارات, سونداي-اق حابارلامالار ەلەكتروندىق پوشتا نەمەسە مەسسەندجەرلەر ارقىلى جىبەرىلەدى.

ii توقساندا اتاۋلى الەۋمەتتىك كومەك الماعان ازاماتتارعا ااك-تى العاش رەت تاعايىنداۋ ءۇشىن egov.kz پورتالى ارقىلى ءوتىنىش جىبەرۋ قاجەت. بۇدان ءارى جۇمىسپەن قامتۋ ورتالىقتارىنىڭ قىزمەتكەرلەرى قۇجاتتاردى مەملەكەتتىك ورگانداردىڭ اقپاراتتىق بازالارىندا تەكسەرەدى جانە ناتيجەسى تۋرالى ەلەكتروندىق پوشتا نەمەسە مەسسەندجەرلەر ارقىلى حابارلايتىن بولادى.

بۇل رەتتە ۋچاسكەلىك كوميسسيالار كوشپەلى تەكسەرۋلەر جۇرگىزبەيدى. بارلىق قاجەتتى قۇجاتتار ازاماتتاردان ەلەكتروندىق پوشتا ارقىلى نەمەسە مەسسەندجەرلەر ارقىلى سۇرالادى.

2020 جىلعى ii توقسانداعى جيىنتىق تابىستى ەسەپتەۋ كەزىندە تاۋەسلىز جەكە جۇمىسكەرلەردىڭ توتەنشە جاعداي رەجيمىمەن قويىلعان شەكتەۋلەرىنە بايلانىستى تابىسىنان ايرىلعان جاعدايدا ءبىرىڭعاي جيىنتىق تولەمدى جانە الەۋمەتتىك تولەمدى تولەۋگە بايلانىستى ايلىق ەسەپتىك كورسەتكىشتىڭ 25 ەسەلەنگەن مولشەرىندەگى كىرىسى ەسكەرىلمەيدى.

بۇدان باسقا, ازىق-تۇلىك جانە تۇرمىستىق جيناقتاردى ساتىپ الۋعا جانە تج كەزەڭىندە كوممۋنالدىق قىزمەتتەردى تولەۋگە جۇمسالعان شىعىنداردى وتەۋگە بولىنگەن اقشالاي قاراجاتتىڭ مولشەرى ەسەپكە الىنبايدى.

مۇگەدەكتىك, جالپى جانە كاسىپتىك ەڭبەك ەتۋ قابىلەتىنەن ايىرىلۋ دارەجەسى, سونداي-اق جەكە وڭالتۋ باعدارلاماسى, بۇدان بۇرىنعى سياقتى اۆتوماتتى تۇردە ۇزارتىلادى. بۇل شارا قايتا كۋالاندىرۋ مەرزىمى شەكتەۋ شارالارى كەزەڭىنە كەلگەن ازاماتتارعا قاتىستى بولادى.

مۇگەدەكتىكتى العاش رەت بەلگىلەگەن جاعدايدا egov.kz پورتالدا «؛ەلەكتروندىق وتىنىشتەر»؛ بولىمىندە قۇجاتتاردىڭ سكانەرلەنگەن كوشىرمەلەرىمەن قوسا ءوتىنىم بەرۋ قاجەت.

16 جانە 18 جاسقا تولعان مۇگەدەك بالالارعا قاتىستى سىرتتاي قايتا كۋالاندىرۋ قاراستىرىلعان. ولارعا مۇگەدەكتىكتى قولدا بار قۇجاتتار نەگىزىندە جانە الدىڭعى ساۋالناماعا سايكەس مۇگەدەكتىك دارەجەسىن ەسكەرە وتىرىپ بەلگىلەيدى.

مەديسينالىق-الەۋمەتتىك ساراپتاما ءبولىمىنىڭ ساراپتامالىق قورىتىندىسىنا شاعىم تۇسكەن جاعدايدا ساراپتاما ءماس اكتىسى مەن ۇسىنىلعان قۇجاتتار نەگىزىندە سىرتتاي جۇرگىزىلەدى.

ايتا كەتەيىك, i توقساندا اتاۋلى الەۋمەتتىك كومەك الۋشىلارعا توتەنشە جاعداي رەجيمىنىڭ سول كەزدەگى قولدانىلۋىنا بايلانىستى تولەمدەر تاعايىنداۋ مەرزىمىن ii توقسانعا ۇزارتقان بولاتىن. ii توقساندا مەملەكەتتىك ينستانسيالارعا جۇگىنبەي, 561 مىڭ قازاقستاندىق ااك-تى اۆتوماتتى تۇردە الدى.

سول ۋاقىتتا مەديسينالىق-الەۋمەتتىك ساراپتاما جۇرگىزۋ سىرتتاي ەلەكتروندىق ءوتىنىش نەگىزىندە رەتتەلدى. كارانتين ەنگىزىلگەن ساتتەن باستاپ 5 مىڭعا جۋىق سىرتتاي كۋالاندىرۋ جۇرگىزىلدى.

وسى ماسەلەلەر بويىنشا كونسۋلتاسيالاردى call-ورتالىقتان 1411 ءنومىرى بويىنشا الۋعا بولادى.