قازاقستاننىڭ ەكس-پرەزيدەنتى نۇرسۇلتان نازارباەۆ
"نۇرسۇلتان نازارباەۆتىڭ قانىنان كوروناۆيرۋسقا قاراسى ۆاكسينا جاسالادى" دەگەن اقپارات تاراتقان "پانوراما" دەيتىن رەسەيلىك ساتيرالىق سايت قازاقستاندا بۇعاتتالىپ قالدى. ءقازىر ەل اۋماعىنان بۇل سايت اشىلماي تۇر.
قازتاگ اگەنتتىگىنىڭ جازۋىنشا, سايتتى تەك vpn قۇرالدارى ارقىلى اشۋعا بولادى.
"پانوراما" سايتى قازاقستانننىڭ ەكس-پرەزيدەنتى نازارباەۆتىڭ ؛قانىنان كوروناۆيرۋسقا قاراسى ۆاكسينا جاسالادى دەگەن اقپاراتتى 2 شىلدە كۇنى جاريالاعان.
ال كەشە, 3 شىلدە قازاقستان اقپارات جانە قوعامدىق دامۋ مينيسترلىگى ساتيرالىق سايت جاريالاعان اقپاراتتى جوققا ؛شىعارعان.
قازاقستاندى 30 جىلعا جۋىق ۇزدىكسىز بيلەگەن 80 جاستاعى نۇرسۇلتان نازارباەۆ 18 ماۋسىمدا كوروناۆيرۋس جۇقتىرعان. ارادا 14 كۇن وتكەن سوڭ, 2 شىلدەدە ونىڭ جازىلىپ شاققانى حابارلاندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر