ءاليا نازارباەۆا: اقىن الماس احمەتبەكتىڭ ولەڭدەرى تەرەڭ ويلى وبراز بەن شىنايى سەزىمگە تۇنىپ تۇر

04 شىلدە, 2020 news

اليا نازارباەۆا: اقىن الماس احمەتبەكتىڭ ولەڭدەرى تەرەڭ ويلى وبراز بەن شىنايى سەزىمگە تۇنىپ تۇر

اقىن الماس احمەتبەك

قوعام قايراتكەرى, قازاقستاننىڭ تۇڭعىش پرەزيدەنتىنىڭ كەنجە قىزى ءاليا نازارباەۆا بەلگىلى اقىن ؛الماس احمەتبەكتىڭ شىعارماشىلىعىن جوعارى باعالاپ, ونىڭ تۋىندىلارى ورىس تىلىنە اۋدىراتىنىن ايتا وتىرىپ, اقىنعا ەلگە سىڭىرگەن ەڭبەگى ءۇشىن العىس ءبىلدىردى.

"مەن بۇرىنىراق جاريالاعان "قازاق ەلى &ndash؛ ءار قازاقتىڭ جالعىزى" ولەڭىن بۇگىنگى زامانىمىزدىڭ الىپ اقىنى الماس احمەتبەكۇلى جازعان. ءبىزدىڭ قور پوەتيكالىق تۋىندىلاردى ورىس تىلىنە اۋدارۋمەن اينالىسادى. مەن ول كىسىگە حالقىنا سىڭىرگەن ەڭبەگى مەن ماحابباتى ءۇشىن شىن پەيىلىممەن العىسىمدى جەتكىزەمىن. ءدال وسىنداي شىعارمالار ادامداردىڭ اقىلى مەن سەزىمىن وياتادى, ولاردىڭ بويىنا وتانسۇيگىشتىكتى دارىتىپ, ويلانۋعا جەتەلەيدى. الماس احمەتبەكۇلىنىڭ ەسىمى پوەتيكالىق الەمدە ەرەكشە ورىنعا يە. ونىڭ ليريكالىق ولەڭدەرى تەرەڭ ويلى وبراز بەن شىنايى سەزىمگە تۇنىپ تۇر" دەپ جازدى ءاليا نازارباەۆا ينستاگرامداعى پاراقشاسىندا.

سونداي-اق ول اقىننىڭ شىعارمالارىنا توقتالىپ, "كوك تۋدىڭ جەلبىرەگەنى" ولەڭى ۇلتتىق رۋحتى كوتەرەر تۋىندىعا اينالعانىن اتاپ ءوتتى.

"الماس احمەتبەكۇلىنىڭ ولەڭدەرىندەگى ەرەكشەلىك &ndash؛ كوركەم-ادەبي وي حالىقتىڭ قاراپايىم اۋىزەكى ءتىلى ارقىلى شەبەر ورىلگەن. ءبىر سوزبەن ايتقاندا, ونىڭ شىعارماشىلىعىندا ءتىل, وبراز, بوياۋ مەن يدەيا ءمىنسىز قابىسادى. ونىڭ ەرتەرەكتە جازىلعان "تۋعان جەرىم &ndash؛ بالالىعىم, ء"ساۋىردىڭ بۇلتى", "اپتاپ" جانە تاعى باسقا ولەڭدەرى ەرەكشە اتاپ وتۋگە تۇرارلىق. ال "بوزىنگەن" ولەڭى دالا داۋىسى دەگەن قۇرمەتكە لايىق. قازاقستان تاۋەلسىزدىككە قول جەتكىزگەن ساتتە الماس احمەتبەكۇلى العاشقىلاردىڭ ءبىرى بولىپ وتانىنا ورالدى. ەلىمىزدىڭ ەگەمەندىگى, باۋىرلارىمىزدىڭ اتامەكەنىنە كەلۋى, وسكەلەڭ ۇرپاقتىڭ بويىنداعى جىگەر اقىن شىعارماشىلىعىنا جاڭا سەرپىن بەردى. ول قوعامدىق جۇمىس پەن ادەبي شىعارماشىلىققا بەلسەنە ارالاستى. وسى كەزدە پاتريوتتىق رۋحتاعى "كوك تۋدىڭ جەلبىرەگەنى" ولەڭى دۇنيەگە كەلدى. اقىن ءارى كومپوزيتور ەرمۇرات زەيىپحانۇلى ولەڭگە اۋەن جازدى. بۇگىندە بۇل ءان بارلىق سالتاناتتى جيىنداردا, مەرەكەلەردە, اسكەري بولىمدەردە, وقۋ ورىندارىندا شىرقالىپ ءجۇر. وتان ءۇشىن قىزمەت قىلىپ جۇرگەندەردىڭ ەسىمىن ءاردايىم ارداقتاۋعا ءتيىسپىز" دەلىنگەن قوعام قايراتكەرىنىڭ جازباسىندا.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر