03 شىلدە, 2020 news

نيۋ-يورك تايمس: قازاقcتان كوروناۆيرۋستىڭ كوبەيۋى بويىنشا الەمنىڭ الدىنا شىقتى

نيۋ-يورك تايمc ؛ستاتيستيكاسى قازاقستان كوروناۆيرۋستىڭ تارالۋى بويىنشا الەمنىڭ الدىنا شىققانىن كورسەتتى. بۇل تۋرالى قامشى ءتىلشىسى حابارلايدى.

نيۋ-يورك تايمس مالىمەتتەر بازاسىنا سايكەس, سوڭعى ەكى اپتادا كوپتەگەن ەلدەردە كوروناۆيرۋسپەن اۋىرعانداردىڭ كوبەيگەنى تۋرالى حابارلانعان. بۇكىل الەمدە بۇرىن-سوڭدى بولماعان جاڭا جاعدايلار تىركەلگەن. لاتىن امەريكاسىندا, افريكادا, ازيادا جانە تاياۋ شىعىستا ەڭ قارقىندى ءوسۋ پايدا بولعان.

نيۋ-يورك تايمس جاريالاعان كارتادان كوروناۆيرۋستىڭ تارالۋ قارقىنى بويىنشا قازاقستان الەمنىڭ الدىنا شىققانىن بايقاۋعا بولادى. باسىلىمنىڭ ستاتيستيكاسى الەم ەلدەرىن "كوروناۆيرۋس كوبەيىپ جاتقان ەلدەر", "ۆيرۋستىڭ تارالۋى تۇراقتى ەلدەر" جانە "كوروناۆيرۋس ازايىپ جاتقان ەلدەر" دەپ ءۇش توپقا بولگەن. قازاقستان كوۆيد-19 ەڭ قارقىندى كوبەيىپ جاتقان ەلدەردىڭ كوش باسىندا تۇر. باسىلىم جاريالاعان كارتادا كوروناۆيرۋس جاعدايلارى ازايىپ جاتقان ەلدەر كوك تۇسكە, ۆيرۋستىڭ تارالۋى تۇراقتى ەلدەر سارى تۇسكە, ال, كوۆيد-19 كوبەيىپ جاتقان ەلدەر قىزىل تۇسكە بويالعان. قىزىل ءتۇستىڭ سولعىن نەمەسە قانىق بولۋى سول ەلدەگى كوروناۆيرۋستىڭ كوبەيۋ قارقىنىنىڭ باياۋ نەمەسە تەز ەكەنىن كورسەتكەن. ال, قازاقستان كارتادا قانىق قىزىل تۇسپەن بويالعان ەل بولىپ تۇر. ول الەم بويىنشا قازاقستاندا كوروناۆيرۋستىڭ ەڭ جىلدام تارالىپ جاتقانىن بىلدىرەدى. قازاقستاننان كەيىن اۆستارليا مەملەكەتىنىڭ قىزعىلت تۇسكە بويالعانىن بايقاۋعا بولادى. ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر