• usd 468.56

  • eur 497.56

  • rub 7.3

  • cny 67.18

28 ناۋرىز, 13:14:21
الماتى
+35°

قازاقستاننىڭ ەكس-پرەزيدەنتى نۇرسۇلتان نازارباەۆ

قازاقستاننىڭ ەكس-پرەزيدەنتى نۇرسۇلتان نازارباەۆ ءوزىنىڭ كوروناۆيرۋستان جازىلىپ شىققانىن ايتىپ, حالىققا ۇندەۋ جولدادى. ءبىرقاتار باق-تا جاريالانعان نازارباەۆتىڭ ۇندەۋى ءوزى اۋىرىپ جاتقان كەزدە تىلەكتەس بولعاندارعا العىس ايتۋىمەن باستالعان. ؛

"بىرقاتار شەت مەملەكەتتەر مەن ۇكىمەتتەر باسشىلارىنىڭ, كورنەكتى ساياساتكەرلەر مەن قوعام قايراتكەرلەرىنىڭ شىنايى جاناشىرلىعىن تانىتىپ, ماعان مورالدىق قولداۋ كورسەتكەنى كوڭىلىمدى تەبىرەنتتى. بارشاسى قالتقىسىز نيەتتەستىگىن جەتكىزىپ, سەرگەكتىك تىلەپ, تەزىرەك ساۋىعىپ كەتۋىمە تىلەكتەستىگىن جولدادى, سول ءۇشىن بارىنە زور ريزاشىلىعىمدى بىلدىرەمىن" دەپ العىس ايتقان نازارباەۆ. ؛

ول ۇندەۋىندە ءوزىنىڭ كوروناۆيرۋستان قالاي جازالىپ شىققانى تۋرالى دا ايتقان. ؛

"دارىگەرلەردىڭ كۇش-جىگەرى جانە ولاردىڭ تالاپتارىن مۇلتىكسىز ورىنداۋدىڭ, سونداي-اق بارشانىڭ قولداۋى مەن جىلى سوزدەرىنىڭ ارقاسىندا مەن سىرقاتتان ساۋىعىپ شىقتىم, ءقازىر ءوزىمدى جاقسى سەزىنەمىن, تولىققاندى جۇمىسقا كىرىسكەلى وتىرمىن" دەيدى نازارباەۆ.

ەكس-پرەزيدەنت ءوزى قازاقستاندى باسقارىپ تۇرعان كەزدە قۇرىلعان ۇلتتىق قوردى "الەمدىك ەكى بىردەي داعدارىستى جەڭىپ شىعۋعا سەپتىگىن تيگىزدى" دەي كەلە قور قاراجاتىنىڭ پاندەمياعا قارسى جۇمىستارعا دا پايداسى ءتيىپ جاتقانىن ايتقان.

"بۇل بىزگە الەمدىك ەكى بىردەي داعدارىستى جەڭىپ شىعۋعا سەپتىگىن تيگىزدى جانە سول قاراجات ءقازىر ۇكىمەتكە پاندەمياعا قارسى اۋقىمدى جۇمىس پەن تۇرمىسى تومەندەرگە قولداۋ كورسەتۋ بارىسىندا كومەگىن تيگىزۋدە. ەگەر الداعى ۋاقىتتا ونى اقىلمەن, ۇنەمدەپ پايدالانا بىلسەك, وزگە سىن-قاتەرلەردى دە ءتيىمدى ەڭسەرە الامىز. قازاقستاننىڭ باسقا ەلدەر الدىندا قارىزى ەڭ تومەن مەملەكەتتىڭ ءبىرى ەكەنى دە ءبىزدىڭ ارتىقشىلىعىمىز" دەيدى ول. ؛

ەكس-پرەزيدەنت ءوز ۇندەۋىندە حالىقتى ءتىرتىپ ساقتاۋعا شاقىرادى.

"قاجەتتى گيگيەنا تالاپتارىن ورىنداپ, تەزىرەك ۆاكسينا پايدا بولارىنا ۇمىتتەنە وتىرىپ, اۋرۋ جۇقتىرۋدان بارىنشا ۇزاعىراق ۋاقىت ساۋ بولۋعا تىرىسقان ءجون. ءتارتىپ ساقتاپ, ءوز دەنساۋلىعىمىزدى, تۋعان-تۋىستار مەن جاقىنداردىڭ اماندىعىن ويلاۋىمىز قاجەت, دارىگەرلەرگە سەنۋ كەرەك" دەيدى ول. ؛

ۇندەۋىنىڭ سوڭىندا نازارباەۆ ادەتتەگىدەي ۇراندى سوزدەر ايتقان.

"حالقىمىز باسقا تۇسكەن قيىندىقتى ءوزىنىڭ قايرات-جىگەرى, ۇيىمشىلدىعى, بولاشاققا دەگەن ۇمتىلىسى ارقىلى بۇكىل حالىقارالىق قوعامداستىقپەن بىرگە لايىقتى تۇردە ەڭسەرىپ, امان-ەسەن شىعارىنا سەنىمدىمىن. ءبىز تاعى دا جەڭىمپاز بولامىز. ەلىمىزدىڭ جاقسى كۇندەرى الدا. ءبىز بىرگەمىز! ءبىز جەڭەمىز! ءبىزدىڭ ۇرانىمىز وسى. بارلىق وتانداستارىمىزعا مىقتى دەنساۋلىق پەن يگىلىك, ەلىمىزگە باق-بەرەكە تىلەيمىن" دەيدى ەكس-پرەزيدەنت. ؛

قازاقستاندى 30 جىلعا جۋىق ۇزدىكسىز بيلەپ, بىلتىر ءوز ەركىمەن پرەزيدەنتتىكتەن كەتكەن نۇرسۇلتان نازارباەۆتىڭ كوروناۆيرۋس جۇقتىرعانى 18 ماۋسىمدا حابارلانعان. تۋرا 14 كۇن وتكەن سوڭ, 2 شىلدە ەكس-پرەزيدەنتتىڭ ىندەتتەن ايىققانى بەلگىلى بولدى. ؛

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر