• usd 468.56

  • eur 497.56

  • rub 7.3

  • cny 67.18

29 ناۋرىز, 03:44:26
الماتى
+35°

كەشە, شىلدەنىڭ ء1-ى كۇنى قازاقستاندا يسلام ءدىنىن ناسيحاتتاپ جۇرگەن بەلگىلى ۋاعىزشى ءابدۋعاپپار سمانوۆ قايتىس بولدى. ؛ەلدە كوروناۆيرۋس ءورشىپ تۇرعانىنا قاراماستان, مارقۇمنىڭ تۋعان جەرى ؛&ndash؛ تۇركىستان وبلىسى سارىاعاش اۋدانىندا وتكەن جانازا راسىمىنە مىڭداعان ادام جينالعان. ؛

جانازادا تۇسىرىلگەن ۆيدەولار الەۋمەتتىك جەلىدە قىزۋ تالقىلانىپ جاتىر. جەلى قولدانۋشىلارىنىڭ كوبى ەلدە ەپيدەميولوگيالىق جاعداي ۋشىعىپ تۇرعانىنا قاراماستان, مىڭداعان ادامنىڭ ءدىني راسىمگە بارعانىنا نارازى. ولاردىڭ ءبىرازى توپتالىپ جينالعان جۇرتقا ەشقانداي شارا قولدانباعان جەرگىلىكتى بيلىككە قارسى پىكىر جازىپ جاتىر. ؛

قامشى ءتىلشىسى جەلىدەگى جۇرتتىڭ جازعاندارىنا شولۋ جاساپ, وسى ماسەلە بويىنشا سارىاعاش اۋدانى اكىمدىگىنە جانە قازاقستان مۇسىلماندارى ءدىني باسقارماسىنا (قمدب) حابارلاسىپ كوردى.

قمدب-نىڭ ءباسپاسوز حاتشىسى اعابەك قوناربايۇلى قامشى ءتىلشىسىنىڭ "ەلدە ىندەت ءورشىپ تۇرعاندا ءدىني راسىمگە كوپ ادامنىڭ جينالۋى دۇرىس پا؟" دەگەن سۇراعىنا ءمۇفتيات مالىمدەمەسىمەن جاۋاپ بەردى. ؛

قمدب-نىڭ سايتىنا بۇگىن جاريالانعان مالىمدەمەدە جانازاعا جالپى سانى 30 كىسىدەن ارتىق جينالماۋ, ؛تەك وتباسى جانە جاقىن تۋمالارىنىڭ قاتىسۋى تۋرالى ايتىلعان.

"جانازادا سانيتارلىق تالاپتار ساقتالدى"

سارىاعاش اۋدانى اكىمىنىڭ ءباسپاسوز حاتشىسى قايرات دۇيسەنباەۆ ء"دىني راسىمدە بارلىق سانيتارلىق تالاپتار ساقتالدى" دەپ وتىر. ونىڭ سوزىنشە, جانازاعا ەكى مىڭعا جۋىق ادام جينالعان.

&ndash؛ جانازا ءراسىمى مارقۇم بولعان "سارىاعاش-مەدرەسە" كوللەدجنىڭ ديرەكتورى ءابدۋعاپپار سمانوۆتىڭ ىنتىماق اۋىلىنداعى ءوز ۇيىندە ءوتتى. وعان 2000-عا جۋىق ادام قاتىستى. جينالعان ادامداردىڭ قاۋىپسىزدىگى ءۇشىن ديزينفەكسيالىق تۋنەل قويىلىپ, مەديسينالىق ماسكا تاراتىلدى. اۋداندىق پوليسيا ءبولىمنىڭ 20 قىزمەتكەرى ءتارتىپتى قاداعالادى. اۋدان اكىمدىگى قىزمەتكەرلەرى جانە اۋداندىق سانيتارلىق ەپيدەميولوگيا قىزمەتكەرلەرى ؛تاراپىنان قاۋىپىزدىكتى جانە ارقاشىقتىقتى ساقتاۋ تۋرالى ءتۇسىندىرۋ جۇمىستارى جۇرگىزىلدى, ؛&ndash؛ دەيدى دۇيسەنباەۆ.

اكىمدىك وكىلى "بارلىق سانيتارلىق تالاپتار ساقتالدى" دەسە دە, جەلىدە تاراعان ۆيدەودان مىڭداعان ادامنىڭ بىر-بىرىنە وتە جاقىن ءجۇرىپ, تابىت كوتەرۋگە تالاسىپ بارا جاتقانى بايقالادى. كەيبىر ادامداردا اكىمدىك وكىلى ايتقان مەديسينالىق ماسكا دا جوق. ؛

"پرەزيدەنت توقاەۆ قالاي كارانتين جاريالاماق ەندى؟"

جەلى قولدانۋشىسى سەرىك كەرەي "تۇركىستان وبلىسىنىڭ اكىمى جۇمىستان كەتسىن. ؛قمدب باسشىسى قىزمەتتەن كەتسىن! نە ماسقارا بۇل؟ نە قاستىق بۇل حالىققا؟ ولگەننىڭ ارتىنان ءولۋ كەرەك پە؟ پرەزيدەنت توقاەۆ قالاي كارانتين جاريالاماق ەندى؟ بىزدە تەك قىتايدىڭ ۆيرۋسى ەمەس, ارابتىڭ ۆيرۋسى سۇمدىق تاراعاننىڭ كورىنىسى. بيلىك, دىنمەن ويناپ, وتقا كۇيەسىڭدەر! وسى جانازدان سوڭ قانشاما ادام ومىرمەن قوش ايتۋى مۇمكىن؟" دەپ جازدى. ؛

جەلى بەلسەندىسى اقنازار ءابدۋعاپپارۇلى دا مىڭداعان ادامنىڭ جانازاعا جينالۋىنا مۇمكىندىك بەرىپ قويعان اۋدان اكىمدىگىنە نارازى. ؛
 ؛
ول "وسىندا جۇرگەندەردىڭ تەڭ جارتىسى "بيلىك كوروناۆيرۋستى ادەيى تاراتىپ وتىر" دەگەن پىكىر يەلەرى ەكەندىگىنە كەپىلدىك بەرەمىن. نەمەسە كوروناۆيرۋستىڭ بارىنا سەنبەيتىن, نە بەلگىلى تۇلعانىڭ ءولىمىن وزدەرىنىڭ باس اماندىعىنان جوعارى قوياتىن ادامدار. سارىاعاش اكىمدىگى, جانازاسىن شىعارىپ وتىرعان جاماعاتى نەگە پاندەميا كەزىندە وسىنداي جيىنعا, ادامداردىڭ توپ بولىپ جينالىپ الۋىنا مۇمكىندىك بەرىپ قويدى. وسى جەردەن 100-200 ادام ۆيرۋس جۇقتىرىپ السا كىم جاۋاپكەرشىلىكتى الادى؟" دەپ جازدى facebook-تاعى پاراقشاسىندا.
 ؛
"توقتاۋ ايتار كوسەم قايدا؟ اقىل ايتار اقساقال قايدا؟"
 ؛
جەلىدە كوروناۆيرۋس ءورشىپ تۇرعانىنا قاراماستان جانازا راسىمىنە بارعانداردى كىنالىپ جاتقاندار كوپ.
 ؛
جۋرناليست سەرىك ابباس-شاح ء"قاۋىپتى ىندەت ءورشىپ تۇرعان كەزدە بىر-بىرىنە دەرت جۇقتىراتىن سەزبەي مە, مىنا جۇرت؟ ءبىر ادامدى جوقتايمىن دەپ كوپ ادامدى جوعالتىپ الاتىندارىن تۇسىنبەي مە بۇلار؟ سابىر دەگەن بار ەمەس پە؟ توقتاۋ ايتار كوسەم قايدا؟ اقىل ايتار اقساقال قايدا؟" دەپ جازعان.
 ؛
بلوگەر سامات نۇرتازا دا "ەرتەڭ سارىاعاش اۋدانىندا ۆيرۋس ءورشىپ كەتسە, كىم كىنالى بولادى؟ ساقتىق شارالارىن ساقتاماي شىعىپ, ەرتەڭ اۋىرىپ جاتساڭىزدار كىمنەن كورەسىزدەر؟ بيلىكتەن؟ مينزدراۆتان؟ اكىمشىلىكتەن؟" دەپ جانازاعا بارعاندارعا قاراتا سۇراق قويعان.
 ؛ ؛
دىني احۋالعا الاڭداۋ

جەلى بەلسەندىسى قۋانىش ەدىلحانتەگى ۋاعىزشى سمانوۆتىڭ جانازاسىنا كوپ ادامنىڭ جينالعانىنا قايران قالىپ, ەلدەگى ءدىني احۋالدى سىنعا العان. ؛

"سمانوۆتى اقتىق ساپارعا شىعارىپ سالۋعا كەلگەندەردىڭ سانىن كورىپ شوك بولىپ وتىرمىن. مىنە, ءدىن مەملەكەتتەن بولەك, ولار ءبىر-بىرىنىڭ ىشكى ىسىنە ارالاسۋعا بولمايدى دەپ الىپ, نەشەتۇرلى سەكتالارعا جول بەرۋدىڭ اقىرى وسىلاي بولىپتى, دىنمەن ۋلانعاندار سانى اسا ءقاۋىپتى دەڭگەيگە جەتىپتى. ونىڭ ۇستىنە تەلەارنا اشىپ بەرىپ, ءسالافيزمدى اشىقتان-اشىق ناسيحاتتاۋ, وعان ۋاحاببيتتىك باعىتتاعى بىرەۋلەردى باسشى قىلىپ قويۋ دا ءوز "جەمىسىن" بەرىپتى" دەپ جازدى ول. ؛

ەدىلحانتەگىدەن بولەك, جەلى بەلسەندىسى ءتورتۋىل شوقان دا كارانتينگە قاراماستان ۋاعىزشىنىڭ جانازاسىنا جينالعانداردىڭ كوپتىگىنە نازار اۋدارىپ, ەلدەگى ءدىني احۋالعا الاڭداپ وتىر. ؛
 ؛
"پرەزيدەنتىنىڭ كارانتينگە قاتىستى "توي, قاتىم, جانازا ت.ب مەرەكە-جيىندارعا جينالماۋ" جارلىعىنا ءاتۇستى قاراۋ ؛&ndash؛ سول بيلىكتىڭ وزىنە, ت.ب كلاندىق توپتارعا كورسەتىلگەن ەمەۋرىن ەمەس پە؟ وزدەرىن مۇسىلمان سانايتىن "ون مىقتىنىڭ", ءبىر سارىاعاش قالاسىنىڭ وزىنەن ون مىڭ ادام جيناۋىنا قالاي قارايسىزدار؟ اس-سولياتقا (جانازا) جينالعان توپ اراسىنان "اللاحۋاكپار" دەگەن ۇراندى ەستىدىڭدەر مە؟ وسى "نەمكەتتىلىكتەرىڭ" باستارىڭا پروبلەما بولادى. "قاشان ايتتىڭ؟" دەمەڭدەر" دەپ جازدى ول. ؛ ؛

ابدۋعاپپار سمانوۆ &ndash؛ قازاقستانداعى ءدىني ورتادا وتە تانىمال ۋاعىزشى. ول ؛1970 جىلى 22 اقپاندا دۇنيەگە كەلگەن. 1994 جىلدان باستاپ "تاياقتى ەشان" مەشىتىندە باس يمام بولعان. 2010 جىلدان باستاپ "سارىاعاش-مەدرەسە" كوللەدجىندە قىزمەت اتقاردى. سمانوۆتىڭ ايتقان ۋاعىزدارى الەۋمەتتىك جەلىدە, قوعامدا قىزۋ تالقىلانىپ, ءجيى سىنعا ۇشىرايتىن.

ميات كاشىباي

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر