• usd 468.56

  • eur 497.56

  • rub 7.3

  • cny 67.18

29 ناۋرىز, 19:11:28
الماتى
+35°

قامشى رەداكسياسىنا "كۇيەۋىمنەن ءزابىر كورىپ, ادىلدىككە جەتە الماي ءجۇرمىن" دەگەن گۇلميرا بالتاباەۆا اتتى كەلىنشەك حابارلاستى. كەلىنشەك كۇيەۋىنىڭ الدەنەشە رەت قول كوتەرگەنىن دالەلدەيتىن ايعاقتارى جەتكىلىكتى ەكەنىنە قاراماستان قۇزىرلى ورىندار ءتيىستى ارەكەت جاساماي وتىرعانىنا كۇيىنەدى.

گۇلميرا بالتاباەۆا &ndash؛ ەكى بالانىڭ اناسى. ەكى رەت نەكەدە بولعان. ەكى پەرزەنتى دە العاشقى نەكەسىنەن. كەلىنشەك, العاشقى كۇيەۋىنىڭ دە قول كوتەرگەنىن ايتتى.

&ndash؛ ءبىرىنشى كۇيەۋىممەن 9 جىلداي ءبىر شاڭىراق استىندا ءومىر ءسۇردىم. ؛ باستاپقىدا ءبارى جاقسى بولىپ, ءتاتۋ-تاتتى تۇردىق. كەيىنگى ۋاقىتتا ەنەمىز ورتامىزعا ءتۇسىپ, ارامىز سۋي باستادى. ؛ونىڭ ۇستىنە كۇيەۋىمنىڭ ماعان دەگەن قارىم-قاتىناسى وزگەرىپ, ۇيگە قونبايتىن بولىپ ءجۇردى. ودان قالدى ۇرىپ-سوعاتىن. بىردە شىداماي بالالارىمدى الىپ, اتا-اناما كەتىپ قالدىم. سول ۋاقىتتا ول باسقا ايەلگە ۇيلەنىپ الىپتى. ونى ەستىپ اجىراسىپ, كەيىن بارمادىم, ؛&ndash؛ دەگەن كەلىنشەك ەكىنشى قارىم-قاتىناسىنداعى جاراسىمدى ساتتەر العاشقىدان دا قىسقا بولدى دەيدى.

&ndash؛ الماتى قالاسىنداعى اسكەري دەپارتامەنتتە جۇمىس ىستەپ, قىزىم ەكەۋمىز ؛اقساي-5-تەگى وتباسىلىق جاتاقحانادا تۇردىق. ال ۇلىم اتا-اجەسىنىڭ قولىندا بولدى. بىردە شاعىن كافەدە ءبىر ەر اداممەن تانىستىم. ؛بىر-ەكى اپتاداي سويلەسىپ جۇردىك. ارتىنان بىرگە ازاماتتىق ؛نەكەدە تۇرىپ جۇردىك. ؛باستاپقىدا قىزىما جىلى قاراپ, بىزگە قامقور بولىپ ءجۇردى. وكىنىشكە قاراي, ارامىزداعى جاقسى قارىم-قاتىناس ءبىر ايعا عانا سوزىلدى. ۇزاماي ول دا ۇرا باستادى. ؛بىردە قۇربىمنىڭ تۋعان كۇنىنەن شىعىپ, جاتاقحاناعا كەلە جاتسام, باس سالىپ, ەسىك الدىندا ساباي باستادى. سول كەزدە ونىڭ مۇنداي ادەتىن العاش رەت بايقادىم. ؛ ايتەۋىر, كورشى-قولاڭ ارەڭ دەگەندە اجىراتىپ الدى. سول كۇنى-اق پوليسياعا ارىزدانعانمىن. ءبىراق ەرتەسىنە ساۋىققان سوڭ بار كىناسىن مويىنداپ, "ەندى ىشىمدىكتى تاتىپ المايمىن, ۇرمايمىن" دەپ ۋادە بەردى. ايتقان ۋادەسىنە سەنگەندىكتەن كەشىردىم, &ndash؛ دەيدى گۇلميرا بالتاباەۆا.

الايدا مۇنىسىنىڭ قاتە بولعانىن ارتىنان تۇسىنگەن

&ndash؛ كوپ وتپەي كۇيەۋىم ؛اشۋىنا تيسەم, ءسوزىم, نە قىلىقتارىم ۇناماي قالسا, بىردەن تاياقتاۋعا قايتا كوشتى. جۇرگەن جەرىمىز ايقاي مەن ۇرىس بولعاندىقتان, جاتاقحانادا تۇرا المادىم. پاتەر جالداپ بولەك تۇرۋعا تۋرا كەلدى. تاتۋلاسقان كەزىمىزدە جىگىتىم كومەكتەسىپ, قارايلاسىپ تۇرعان كەزدەر دە بولدى. ءبىراق ءجيى جانجالداساتىنبىز. ؛مەن تىكەلەي قۇجاتپەن جۇمىس جاساعاندىقتان, كۇندەلىكتى ءتۇرلى حاتتار كەلىپ, ەر ادامدار جۇمىس بابىمەن ءجيى حابارلاساتىن. ؛ۇيالى تەلەفوندارىمىزدى الىپ, قايتاردا عانا بەرەتىن. ول مۇنى جاقسى بىلگەنىمەن ؛ۇنەمى قىزعاناتىن, ؛سەنىمسىزدىك تانىتاتىن. تاياق جەگەننەن جۇمىسقا ءۇستى-باسىم كوكپەڭبەك بولىپ بارعان كەزدەرىم دە بولدى. بىردە ؛تاڭنان كەشكى التىعا دەيىن ۇيدە قاماپ, تەلەفونىمدى بەرمەي, شاشىمنان سۇيرەپ, كۇنى بويى ءۇرىپ-سوقتى. ؛تىپتى بەتىمنىڭ ساۋ جەرى قالعان جوق شىعار. قاشىپ كەتپەك بولعان ارەكەتتەرىم ءساتسىز اياقتالىپ جاتتى. ؛وسى قىستا ؛ كەش باتا ۇيدەن قاشىپ شىعىپ, اۋىل ماڭىنداعى بوتەن ۇيدە جان ساۋعالادىم. سول جەردەن جەدەل جاردەم مەن پوليسيا شاقىرىپ, اناما حابارلاستىم. ەرتەسىنە ەسىمدى جيسام, اۋرۋحانادامىن, انام ءحالىمدى كورىپ, جىلاپ وتىر. سودان 15 كۇندەي اۋرۋحانادا جاتىپ, جاڭا جىل قارساڭىندا جازىلىپ, وز-وزىمە كەلدىم. ءىستى بۇلاي قالدىرۋعا بولمايتىنىن ءتۇسىنىپ, سوتقا ارىزداندىم, ؛&ndash؛ دەيدى كەلىنشەك.

گۇلميرا بالتاباەۆا سوت تىم جەڭىل جازا تاعايىندادى دەپ سانايدى.

&ndash؛ الماتى قالاسى الاتاۋ اۋدانىنىڭ سوتى ساراپتاما ناتيجەسىن "اۋىرلىق دارەجەسى جەڭىل" دەپ تانىپتى. ال, مەندە العان جاراقاتىم اۋىر بولعانىن دالەلدەيتىندەي فوتو تۇرىندەگى ايعاق جەتەدى. وسى ناۋرىزدا سوت بولدى. سوندا ماعان جاسالعان ىستەرىن ءتىزىپ ايتتىم. سوت بارلىق ءسوزىمدى ەستىسە دە ەشكىم مەنى تىڭداعان جوق. ؛پروكۋرور ءىستى قاراپ, جازا رەتىندە ونى 15 تاۋلىككە قاماۋعا نەمەسە 3 ايعا ماعان جاقىنداۋعا تىيىم سالۋعا بولاتىنىن ايتتى. 15 كۇن تۇرمەگە وتىرىپ شىقسا ول مەنىڭ مازامدى قايتادان الاتىنىن ءبىلدىم دە امالسىزدان جازانىڭ ەكىنشى ءتۇرىن تاڭدادىم. ؛ ول سوعان قاراماستان ءساۋىر ايىندا مەنى قايتادان تاۋىپ الىپ, قوقان-لوققى كورسەتىپ, تەرەزەمدى سىندىردى. ۇيگە كەلگەن پوليسەي ەسىك الدىندا سۇيەنىپ تۇرىپ مەنى تىڭدادى دا, سىنعان ەسىك-تەرەزەنى تىم بولماسا سۋرەتكە دە تۇسىرمەي كەتىپ قالدى. ؛كەلەسى كۇنى پوليسيا بولىمشەسىنە بارعانىمدا "كارانتين" دەپ قابىلداماي قويدى. كەيىن ونىڭ 10 كۇنگە قاماۋعا الىنعانىن ءبىلدىم. ءقازىر كۇيەۋىمنىڭ قايدا ەكەنىن بىلمەيمىن. كۇنىم قورقىنىشپەن ءوتىپ جاتىر. ۇنەمى سىرتىمنان اڭدىپ جۇرگەندەي بولادى دا تۇرادى. كوشەدە كەزىگىپ قالساق, قاشىپ قۇتىلا المايتىنىمدى بىلەم. ول ءتىپتى اشۋلىقپەن ابايسىزدا ادامدى جازىم ەتىپ قويۋىدا عاجاپ ەمەس, ؛&ndash؛ دەيدى گۇلميرا بالتاباەۆا.

كەلىنشەك قاس قىلعانداي ەندى كوروناۆيرۋسپەن اۋىرىپ قالعانىن ايتىپ, جاعدايىنىڭ نە بولارىن بىلمەي دال.

&ndash؛ وتكەن بەيسەنبىدە بۋىندارىم, اياقتارىم اۋىرىپ باستادى. قاتتى قينالىپ جاتسام, بانكتەن نەسيەڭدى تولە دەپ كۇندە حابارلاسادى. ءوزىم جۇما كۇنى سوڭعى رەت جۇمىسقا بارعانمىن. جۇمىستان كەلگەن سوڭ اياق استىنان ىستىعىم كوتەرىلدى. كەشكى ؛19:00-دە شاقىرعان جەدەل-جاردەمىم تۇنگى 23:30-دە ءبىر-اق كەلدى. ءۇش ساعات كۇتكەن دارىگەرلەرىم ءدارى بەرىپ, ەش شارا قولدانبادى. تەك ورىن بوساعاندا اۋرۋحاناعا جاتقىزامىز دەدى. اۋىرىپ 1 اپتا ۇيدە جاتتىم. 2 شىلدەدە جاعدايىم ناشارلاپ اۋرۋحاناعا ءتۇستىم. ءقازىر وزدىگىمنەن دەم الا المايمىن. كوروناۆيرۋسقا تاپسىرعان اناليز ناتيجەسى وڭ شىقتى. ءارى قاراي جاعدايىم قالاي بولارىن بىلمەيمىن, ؛&ndash؛ دەيدى كەلىنشەك.

نۇرسۇلۋ تەمىرحانقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر