وڭداسىن ورازالين: مەن اقتوبەلىك دارىگەرلەردىڭ تاجىريبەسى مەن بىلىكتىلىگىنە سەنەمىن

بۇگىن وبلىس اكىمى وڭداسىن ورازالين وڭىردەگى اق حالاتتىلارمەن كەزدەستى. جيىنعا وبلىس اكىمىنىڭ ورىنباسارلارى, دەنساۋلىق ساقتاۋ باسقارماسىنىڭ باسشىلىعى, جانە مەديسينالىق مەكەمەلەردىڭ باس دارىگەرلەرى قاتىستى.

كەزدەسۋ بارىسىندا covid-19, پنەۆمونياعا شالدىعۋشىلاردى ەمدەۋگە قاتىستى ماسەلەلەر تالقىلاندى.

&ndash؛ ءبىزدىڭ جاعدايىمىزدى سىرتتان كەلىپ ەشكىم شەشپەيدى. ءوز كۇشىمىزگە سەنۋىمىز كەرەك. بۇعان دەيىن دە ايتقانداي مەن اق حالاتتىلاردىڭ جاۋاپكەرشىلىگى مەن بىلىكتىلىگىنە, تاجىريبەسىنە سەنەمىن. قولىمىزدان كەلگەنشە بار جاعدايدى جاسايمىز &ndash؛ دەدى ايماق باسشىسى

بۇعان دەيىن دارىگەرلەردىڭ ۇسىنىسىمەن ورتا ەسەپپەن 100-200 ورىنعا ارنالعان كۇندىزگى ستاسيونار جۇمىس جاساۋدى باستاعان. وبلىستا ناۋقاستاردى قابىلداۋعا ارنالعان ورىندار سانى جەتكىلىكتى. جاقىندا قوسىمشا «؛دارۋ»؛, ەمدەۋ مەكەمەسىنەن 150 ورىن اشىلىپ, ناۋقاستاردى قابىلداۋ جۇمىستارى جۇرگىزىلمەك. «؛اقبوبەك»؛ ەمدەۋ مەكەمەسىنىڭ تالاپقا ساي كەلەتىندىگى تەكسەرىلۋدە.

وبلىستىق تۋبەركۋلەزگە قارسى ديسپانسەردە ءۇش, تەمىر جول اۋرۋحاناسىندا ءتورت جاساندى جەلدەتۋ اپپاراتى (يۆل) بار. جالپى وبلىستا 125 اپپارات بار. تاعى ء50-ىن الدىرتۋ ۇستىندە. ونىڭ 30 بۇگىن بەرىلەدى. باس دارىگەرلەرى وسى قۇرىلعىنىڭ سانىن ارتتىرۋ قاجەتتىگى تۋرالى ۇسىنىستارىن ءبىلدىردى. سونىمەن قاتار, ناۋقاستارعا قىزمەت كورسەتۋدە دارىگەر سانىنىڭ جەتىسپەۋشىلىگىنە بايلانىستى, اۋداندىق اق حالاتتىلار مەن مەديسينا ماماندىعىندا ءبىلىم الاتىن ستۋدەنتتەر جۇمىلدىرىلاتىن بولادى. ياعني, م.وسپانوۆ اتىنداعى مەديسينالىق اكادەمياسىنىڭ 112 رەزيدەنتى مەن 165 وقىتۋشىلىق-پروفەسسورلىق قۇرامى تارتىلدى.

جەدەل جاردەم قىزمەتى مەن پروۆيزورلارعا قوسىمشا كومەككە اقتوبە مەديسينالىق كوللەدجىنىڭ ستۋدەنتتەرى قول ۇشىن سوزادى. ءوڭىر باسشىسى دارىگەرلەردىڭ جانقيارلىق ەڭبەكتەرىنە العىس ءبىلدىرىپ, قيىن كەزەڭدى بىرگە جەڭەتىندەرىنە سەنىم ءبىلدىردى. جانە جوعارىدا اتالعان ۇسىنىستارعا قارجىلىق تۇرعىدان قولداۋ كورسەتىلەتىندىگىن جەتكىزدى.