جامبىل وبلىسىنىڭ اكىمى بەردىبەك ساپارباەۆتىڭ توراعالىعىمەن وتكەن جامبىل وبلىسىنىڭ جەدەل شتابىنىڭ كەزەكتى وتىرىسىندا تاياۋ ۋاقىتتا شەكتەۋ شارالارىن كۇشەيتۋ تۋرالى شەشىم قابىلداندى. شەكتەۋ شارالارىن كۇشەيتۋ تۋرالى شەشىم كوروناۆيرۋسپەن اۋىرعان ناۋقاستار سانىنىڭ وسۋىنە بايلانىستى بولىپ وتىر, دەپ حابارلادى قازاقپارات.

باسقوسۋدا تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ باسشىسى بەرىك جارقىنبەكوۆ بايانداما جاسادى.

"وكىنىشكە وراي, ستاتيستيكا كوڭىل كونشىتپەيدى. ەگەر 15-21 ماۋسىم ارالىعىندا وڭىردە 317 جاعداي انىقتالسا, 22-28 ماۋسىم ارالىعىندا ول &ndash؛ ء473-تى قۇراعان. ونىڭ 60 پايىزى تاراز قالاسىندا تىركەلگەن", - دەدى بەرىك جارقىنبەكوۆ. سونداي-اق, ونىڭ ايتۋىنشا, كورسەتكىشتىڭ ناشارلاۋىنا كارانتيندىك شارالاردى جەڭىلدەتۋ جانە ەپيدەمياعا قارسى شارالار الگوريتمدەرىنىڭ ساقتالماۋى اسەر ەتكەن.

"ەپيدەميولوگيالىق توپتاردىڭ جۇكتەمەسىنىڭ اۋىرلىعىن ەسكەرە وتىرىپ, تۇرعىندارعا مەديسينا قىزمەتكەرلەرى مەن ەپيدەميولوگتار جەتكەنگە دەيىن بارلىق ساقتىق شارالارىن ساقتاۋدى ۇسىنامىز. اتاپ ايتساق, ءوزىن-وزى وقشاۋلاۋ, تەمپەراتۋرانى ولشەۋ, دەنساۋلىق جاعدايىن باقىلاۋ, قاجەت بولعان جاعدايدا ۋچاسكەلىك دارىگەردى شاقىرتۋ, جۇمىسقا شىقپاۋ كەرەك", - دەدى بەرىك جارقىنبەكوۆ.

دەپارتامەنت باسشىسى بارلىق ەڭبەك ۇجىمدارىنىڭ كىرە بەرىستەرىندە قىزمەتكەرلەردىڭ دەنە تەمپەراتۋراسىن ولشەۋدى, اۋرۋ بەلگىلەرى بار قىزمەتكەرلەردى جۇمىسقا جىبەرمەۋدى, سانيتاريالىق-ەپيدەميولوگيالىق تالاپتاردى ساقتاۋعا جاۋاپتى ادامدى ايقىنداۋدى, جۇمىس كۇنى ىشىندە قولعاپتار مەن ماسكالاردى پايدالانۋدى, ءبىر بولمەدە كەمىندە ءبىر مەتر قاشىقتىقتى ساقتاۋدى, قىزمەتكەرلەردى جۇمىسقا جانە جۇمىستان ۇيگە قىزمەتتىك اۆتوكولىكپەن ورتالىقتاندىرىلعان جەتكىزۋدى قامتاماسىز ەتۋدى ۇسىندى.

ال, وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ تۇرعىندار بارلىق ماسەلەلەر بويىنشا تاۋلىك بويى جۇمىس جاسايتىن 1302, 103 بايلانىس ورتالىقتارىنا جۇگىنە الاتىندىعىن جەتكىزدى. سونىمەن قاتار, ارنايى قۇرىلعان ءموبيلدى توپتار سيمپتومسىز ناۋقاستاردى, بايلانىستا بولعان ادامداردى, ستاسيوناردان كەيىن امبۋلاتوريالىق ەمدەۋگە جىبەرىلگەن جانە سوزىلمالى اۋرۋلارى بار ناۋقاستاردى باقىلايتىن بولادى.

وبلىس اكىمى بەردىبەك ساپارباەۆ ءقازىر ناقتى شارالار قابىلداپ, كوروناۆيرۋستىڭ پاندەمياسىنىڭ سوزىلۋ جاعدايىنا دايىندىقتى بۇگىننەن باستاۋ قاجەتتىگىن باسا ايتتى.

&mdash؛ ؛قازىرگى تاڭدا ءدارىحانالاردا ۆيرۋسقا قارسى جانە دەنە قىزۋىن تۇسىرەتىن دارىلەردىڭ جەتىسپەۋشىلىگى وزەكتى بولىپ تۇر. مۇنداي جاعداي بۇكىل وبلىس بويىنشا بايقالۋدا. بۇل ماسەلەنى شەشۋ ءۇشىن جاۋاپتى ۆەدومستۆولار سالالىق مينيسترلىكپەن, "سك-فارماسيا" كومپانياسىنىڭ وكىلدەرىمەن بىرلەسىپ جۇمىس ىستەۋى ءتيىس. حالىق اراسىندا ءتۇسىندىرۋ جۇمىستارىن جۇرگىزىپ, جوق پرەپاراتتاردىڭ انالوگتارى تۋرالى حاباردار ەتۋ كەرەك. ماسكامەن قامتاماسىز ەتۋ ماسەلەسى دە كۇن تارتىبىنەن تۇسپەيدى. مويىنقۇم, سارىسۋ جانە ت.رىسقۇلوۆ اۋداندارىندا ماسكالاردىڭ بەلگىلەنگەن باعادان قىمباتقا ساتىلىپ جاتقاندىعى انىقتالعان. اكىمدەرگە بۇل سەكىلدى ماسەلەلەردى جەدەل شەشۋدى تاپسىرامىن, - دەدى ايماق باسشىسى.

بەردىبەك ساپارباەۆ كوروناۆيرۋستىڭ الدىن الۋ بويىنشا اقپاراتتىق جۇمىستى كۇشەيتۋ قاجەتتىگىن اتاپ ءوتتى.

مەملەكەت باسشىسى قاسىم-جومارت توقاەۆ اۋرۋعا شالدىققان كەزدەگى ارەكەتتەردىڭ الگوريتمى تۋرالى حالىقتى ۋاقتىلى جانە ساپالى اقپاراتپەن قامتاماسىز ەتۋدى تاپسىردى. دارىگەرلەر كەڭەستەرىن ونلاين رەجيمدە, call-ورتالىقتار جانە بۇقارالىق اقپارات قۇرالدارى ارقىلى بەرۋىن ۇيىمداستىرۋ قاجەت, - دەدى وبلىس اكىمى.

سونداي-اق, مەديسينا قىزمەتكەرلەرىنىڭ جەتىسپەۋشىلىگىنە بايلانىستى رەزيدەنتۋرادا وقيتىن ستۋدەنتتەردى, زەينەت جاسىنداعى دارىگەرلەردى تارتۋ ماسەلەلەرى سارالاندى. مارات جۇمانقۇلوۆ بۇل باعىتتاعى جۇمىستار ءقازىردىڭ وزىندە جۇرگىزىلىپ جاتقاندىعىن ايتتى.

توسەك سانىن كوبەيتۋ بويىنشا دا شارالار قابىلداناتىن بولادى. ءبىز احۋالدى باقىلاۋدا ۇستاپ, كەز كەلگەن جاعدايعا دايىن بولۋىمىز كەرەك. ادامدار جەدەل جاردەم جۇمىسىنا جانە اۋرۋحانالاردا ورىنداردىڭ جوقتىعىنا قاتىستى شاعىمدانۋدا. مۇندايعا جول بەرمەۋ كەرەك. ءاربىر ازامات ساپالى مەديسينالىق قىزمەتپەن قامتىلۋى ءتيىس. بۇل ورايدا ەپيدەميولوگيالىق احۋالى قالىپتى اۋدانداردىڭ مەديسينا قىزمەتكەرلەرى قول ۇشىن سوزعانى دۇرىس, - دەپ اتاپ ءوتتى ايماق باسشىسى.

باسقوسۋ سوڭىندا بەردىبەك ساپارباەۆ جامبىلدىقتاردى سانيتارلىق دارىگەرلەردىڭ ۇسىنىستارىن ۇستانۋعا شاقىرىپ, ۇندەۋ جولدادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر