27 ماۋسىم, 2020 الەۋمەت

ەتىك تىگىپ ءۇي سالعان

فوتونى تۇسىرگەن اۆتور

ازاماتتى كوك بازارداعى ساتۋشىلار مەن بازاردىڭ تۇراقتى كەلۋشىلەرىنىڭ كوبى بىلەدى. جىبەك جولى كوشەسى 54 ءۇيدىڭ العاشقى قاباتىنداعى 4 شارشى مەترلىك شاعىن اياق-كيىم شەبەرحاناسى ونىڭ 2005 جىلدان بەرگى جۇمىس ورنى.

ۆ

شەبەرحاناعا كىرەبەرىس

ازامات مىرزاعاليەۆ 1985 جىلى ؛قاراقالپاقستاندا دۇنيەگە كەلگەن. بالالىعى قاراوزەك اۋدانىندا ءوتتى.

ەتىكشىلىك مىرزاعاليەۆتەردىڭ وتباسىلىق كاسىبى. ازامات مەكتەپتى بىتىرگەننەن كەيىن مەحانيك ماماندىعىنا وقۋعا تۇسكەنىمەن, ومىرلىك كاسىبى رەتىندە وسى جولدى تاڭدادى.

20 جاسىندا اعاسىنىڭ شاقىرۋىمەن قازاقستانعا كەلدى. سودان بەرى كوك بازاردا تابان اۋدارماستان ەڭبەك ەتىپ ءجۇر. اياق-كيىممەن قاتار سومكە دە تىگەدى. جۇمىسىنا كوپ المايدى. جەڭىل-جەلپى جەلىمدەۋ, بىر-ەكى جەرىن جىپپەن ىلە سالعانعا 200 تەڭگە, سىنعان تاباندى اۋىستىرعانى, اينالدىرا تىككەنى ءۇشىن 1500-2000 تەڭگە سۇرايدى.

ا

ا

ەتىكشى كەزەكتى كليەنتتىڭ اياق-كيىمىن تىگىپ وتىر

جاز ايلارى ءوزى ايتقانداي «؛سەزون»؛ ەمەس. كەيدە تاپقانى شىعىن مەن 4 شارشى مەتردى جالداۋدان ارەڭ اسادى. ال جۇمىستىڭ قىزاتىن كەزى &ndash؛ كۇز, قىس كەزدەرى. كليەنتتەرىنىڭ دەنى ساۋداگەرلەر مەن بازار كەلۋشىلەرى. جىلدار بويى تۇراقتى كەلىپ جۇرگەندەر دە جەتەرلىك. ءوزىنىڭ سوزىنشە, نەگىزىنەن اياق-كيىم تىككىزۋگە تۇرمىسى قاراپايىم تۇرعىندار كەلەدى. ء"تۇرىمدى قازاققا ۇقساتا بەرمەيتىندىكتەن, العاش كورگەندەردىڭ كوبى ورىسشا سويلەيدى. اكەم دە, شەشەم دە قازاق ەكەنىن, ءوزىم ءالىممىن, ناعاشىلارىم نايمان رۋىنان دەپ ايتقاننان كەيىن عانا سەنەدى" دەيدى ول.

ەتىكشى ءبىرى ەكىنشىسىنەن اۋمايتىن جىلداردىڭ زىمىراپ ءوتىپ جاتقانىن اتا-اناسىنا ەرىپ كەلىپ جۇرگەن بالالاردىڭ ەسەيىپ وزدەرى كەلىپ تۇرعانىندا ءبىر-اق اڭعاراتىنداي. وسى ۋاقىت ارالىعىندا ەشكىممەن جانجالداسىپ كورمەپتى. مۇنىسى جۇمىسىن شەبەر ىستەيتىن ىسمەرلىگىنەن, ەشكىممەن شاتاعى جوق مىنەزىنەن بولسا كەرەك. كەيدە قايتا-قايتا قاداپ ايتاتىن كىرپياز ادامداردىڭ اياق-كيىمىن تىگۋ كەزىندە قىرسىققانداي ساتسىزدىكتەر بولىپ تۇراتىنىن دا جاسىرمايدى. دەسە دە 15 جىلدا باسقا سالاعا كەتۋ, جۇمىس اۋىستىرۋ تۋرالى ويلاپ كورمەپتى. "سترويكاعا" كەتەيىن دەسەڭ, ىستەي المايسىڭ. قولدان كەلەتىنى وسى" دەيدى جىميىپ.

ازامات 2012 جىلى وتاۋ تىككەن كەلىنشەگىمەن بۇگىندە ءۇش ۇل, ءبىر قىز تاربيەلەپ وتىر. شاعىن شەبەرحانانىڭ اش قالدىرعان كەزى بولماعان. بىرەۋدەن ىلگەرى, بىرەۋدەن كەيىن دەگەندەي تۇرمىس كەشىپ جاتىر. باستىسى &ndash؛ باسپاناسىز جۇرگەن جوق. كاسىبىنىڭ ارقاسىندا تالعار جاقتان ءۇي سالعان. الىستاعى اعايىنعا دا قارايلاسادى.

ا

ازامات جۇمىستان شىعىپ, تالعارعا تاكسي توقتاتىپ تۇر

جۋىردا ومىرىندە ءبىر قايعىلى, ءبىر قۋانىشتى جايت بولدى. قاراوزەكتەگى اكەسى باقيعا اتتانىپ, ارادا ەكى-ۇش كۇن وتكەندە ءتورتىنشى پەرزەنتى دۇنيەگە كەلدى. شەكارا جابىقتىعىنان شەبەر اكە زيراتىنا توپىراق سالا المادى. سوعان عانا قىنجىلادى. جول اشىلىسىمەن قاراشاڭىراققا شۇعىل بارىپ قايتپاق.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر