"؛بىزدە سەناريستەردى وقىتۋ جۇيەسى قالىپتاسپاعان"؛

"سۇحبات" ايدارىنىڭ بۇگىنگى كەيىپكەرى &ndash؛ سەناريست, پروديۋسەر جامال جاقسىتاي. الەۋمەتتىك جەلىدە "باقىتتى جامال" اتىمەن تانىلعان جاس سەناريستەن قامشى ءتىلشىسى قازىرگى قازاق كينوسى جايلى سۇرادى.

&ndash؛ جامال, سەنارييدى قولىنا قالام العاننىڭ ءبارى جازا الا ما؟ ءسىزدىڭ ويىڭىزشا, سەناريستىڭ بولمىسى قانداي بولۋى كەرەك؟

&ndash؛ سەنارييدى قولىنا قالام العاننىڭ ءبارى جازادى دەپ ايتا المايمىن. وعان اسا ءبىر ءسوز بايلىعى كەرەك ەمەس. كەرىسىنشە, ءتىل بايلىقتىڭ بولۋى سەنارييگە كەرى اسەرىن تيگىزۋى مۇمكىن. پوەزيا, پروزا جازىپ ۇيرەنىپ قالعان ادامدارعا سەناريي جازۋ قيىنعا سوعادى. سەبەبى ول ادام كوركەم ادەبيەت ءستيلىن قولدانىلادى. ال سەنارييدى اۋىزەكى سويلەۋ ستيلىندە جازۋ كەرەك. مەنىڭ بۇرىننان جازۋعا يكەمىم بار. كەرىسىنشە, وسى قابىلەتىمنىڭ بولعانى ۋاقىت الادى دەسەم بولادى. كەيدە سەنارييدەگى ادەبي سوزدەردى پروديۋسەر قابىلداماي جاتادى. "جامال, ومىردە بۇلاي سويلەمەيدى عوي" دەپ ايتاتىن. سونداي جاعدايدا مەن قايتادان ادامداردى باقىلاپ, سەنارييدى اۋىزەكى سويلەۋ ستيلىنە بەيىمدەيتىنمىن. الايدا جازۋعا ماشىق بولعاننىڭ دا وزىندىك پايداسى بار. مىسالى جازۋعا يكەمدى ادامنىڭ قيالى ۇشقىر بولادى. ول نارسەنىڭ وقيعالاردى قۇراستىرۋدا پايداسى مول. دەگەنمەن سەناريي جازۋدا ەڭ الدىمەن ءسوز بايلىعى ەمەس, كرەاتيۆ, شىعارماشىلىق ويلاۋ ماڭىزدى.

 ؛&ndash؛ سەناريستەر ءبىلىمىن قالاي جەتىلدىرىپ وتىرادى؟

&ndash؛ سەناريستەر ءاردايىم ءبىلىمىن جەتىلدىرىپ وتىرۋى كەرەك. بىزدە سەناريستەردى وقىتۋ جۇيەسى قالىپتاسپاعان. ءتىپتى كۋرستار دا جوق. مەن رەسەي ماماندارىنان ءبىلىمىمدى جەتىلدىرىپ وتىرامىن. اسىرەسە ا.مولچانوۆتىڭ كىتاپتارىن وقىپ, ا.گۋتكوۆسكيي, د.لەبەدوۆا سىندى سەناريستەردىڭ اۆتورلىق كۋرستارىنا قاتىسامىن. كينو كوپ كورەمىن. كينونى كورەرمەن كوزىمەن ەمەس, سەناريستىڭ كوزىمەن كورەمىن. ماسەلەن, ترەندتە بولعان "بۋماجنىي دوم" سەريالى تۋرالى كورەرمەن رەتىندە كورگەن دوستارىمنىڭ ويى باسقا, مەنىڭ ويىم باسقا. سەناريست قاي جەردە ۇتىمدى شەشىم قابىلداعانىن بايقاپ وتىرساڭ, كينونىڭ وزىنەن جاقسى ءبىلىم مەن تاجىريبە الۋعا بولادى.

&ndash؛ وتاندىق فيلمدەر مەن سەريالداردىڭ سەنارييى كوڭىلىڭىزدەن شىعا ما؟ ۇزدىك دەپ قايسىسىن اتاي الاسىز؟

&ndash؛ بارلىعى بىردەي كوڭىلىمنەن شىقپايدى. ەل ماقتاپ جۇرگەن سەريالداردىڭ سيۋجەت ۇتقىرلىعى ازىرگە ۇنامايدى. الايدا "قۇستار ءانى" دەگەن سەريال ۇنادى. سەناريست ءجاميت كوشەرباەۆتىڭ سەنارييلەرى جاقسى شىعادى. "شاشۋ" دەگەن سەريالعا سەناريي جازعان. ديالوگ, وقيعالاردىڭ قۇراستىرىلۋى, سيۋجەت ۇيقاستىعى, ياعني كومپوزيسياسى وتە جاقسى. سالىستىرمالى تۇردە قازاقستانداعى جاقسى سەناريستەردىڭ ءبىرى وسى كىسى.

 ؛

&ndash؛ ءسىزدى "تاعى دا ءسۇي" تەلەسەريالىنىڭ سەناريستى رەتىندە تانيمىز. بۇل سەريال قالاي, قانشا ۋاقىتتا جازىلدى؟ جالپى جاس سەناريستەر كينو الەمىنە قالاي كەلە الادى؟ ءوز سەنارييىڭىزدى ءسىز قالاي ۇسىندىڭىز؟

&ndash؛ "تاعى دا ءسۇي" &ndash؛ ەڭ العاش سەنارييىن جازعان سەريالىم. ول رومانتيكاعا تولى جاستارعا ارنالعان دوراما دەسەك تە بولادى. بۇل سەريالدىڭ يدەياسىن 2017 جىلدىڭ قىركۇيەگىندە باستادىق. 2018 جىلدىڭ ءساۋىر ايىنا دەيىن 4 سەناريست جازىپ شىقتىق. كورەرمەنگە قىزىق بولدى دەپ ويلايمىن. الايدا كوپ ادام كورە المادى. ويتكەنى تەلەارنا مەن پروداكشن تاراپىنان جارناما دۇرىس جاسالمادى. تاعى ءبىر سەبەپ &ndash؛ حالىققا اسا تانىمال اكتەر تاڭدامادىق. سەريالعا جاس اكتەرلەر تۇسكەن بولاتىن. سوندىقتان كورەرمەنى از بولدى. ال youtube-تا 500 ؛مىڭداي ادام كورگەن ەكەن, بارلىعىنا دەرلىك ۇناعان. كەي كورەرمەندەر مەنى جەلىدەن ىزدەپ تاۋىپ, جەكەمە جازىپ العىسىن ايتادى. سونداي-اق "نەگە ءولتىردىڭىز؟" دەگەن سەكىلدى حاتتار دا كوپ كەلەدى.

مەن ەشقاشان سەناريست بولامىن دەپ ويلامادىم. ءوزىمدى جۋرناليستيكادان باسقا سالادا ەلەستەتپەدىم. الايدا 4-كۋرستى ءبىتىرىپ جاتقان ۋاقىتتا پروديۋسەردەن ۇسىنىس ءتۇستى. ول كىسى مەنى الەۋمەتتىك جەلىدەگى قيالي جازبالارىم ارقىلى تانيتىن. جازۋ قابىلەتىمدى بايقاپ, سەناريي جازىپ كورۋگە شاقىردى. سودان بەرى وسى سالادا جۇرگەنىمە 2 جىلداي ۋاقىت بولدى. باستاپقىدا سەناريست بولىپ باستادىم, ءقازىر پروديۋسەرمىن.

&ndash؛ قۇپيا بولماسا, سەناريستەر قانشا تابىس تابادى؟

&ndash؛ ءوزىمنىڭ جەكە تابىسىمدى ايتپاي-اق قويايىن. ەلىمىزدەگى سەناريستەر 1 سەرياعا شامامەن 30 مىڭ مەن 150 مىڭ ارالىعىندا الادى. بىزدەگى تەلەسەريالدار كوبىنە 10-12 سەريالى بولىپ كەلەدى. ماماننىڭ تابىسى &ndash؛ تاجىريبەسىنە جانە سەنارييدىڭ وڭاي-قيىندىعىنا بايلانىستى.

&ndash؛ "qazaqstan" ۇلتتىق ارناسىندا جاقىندا كورسەتىلگەن "جاڭعىرىق" تەلەسەريالىنىڭ اتقارۋشى پروديۋسەرى بولدىڭىز. وسى تەلەسەريالدىڭ ءتۇسىرىلىمى جونىندە تولىعىراق ايتىپ بەرىڭىزشى؟

&ndash؛ "جاڭعىرىق" سەريالى &ndash؛ وتە كۇردەلى تەماتيكا: تەاتر ءومىرى جايلى. بۇعان دەيىن ەلدە بۇل تاقىرىپتا كينو دا, سەريال دا تۇسىرىلمەگەن. ساحنا ىشىندە ساحنا ءتۇسىرۋ وتە قيىن بولدى. ماسەلەن, اكتەرلەردىڭ ءوزى كينوعا ءتۇسىپ جاتىپ, تاعى ءبىر قويىلىمدى ويناپ جاتادى. پروديۋسەر رەتىندە مەن بۇل سەريالدىڭ تۇسىرىلىمىندەگى ۇيىمداستىرۋ جاعىنا جاۋاپ بەرەمىن. تالدىقورعاندا جاڭا تەاتر اشىلدى عوي, سوندا تۇسىردىك. باسقا قالادا تۇسىرگەن العاشقى جوبام بولعاندىقتان ماعان ءسال قيىنداۋ بولدى. ول جايىندا instagram الەۋمەتتىك جەلىسىندە بىرنەشە جازبالارىم بار. سول كەزدى ەسكە السام, كوڭىل-كۇيىم تۇسەدى. ءالى جاس, تاجىريبەم جوق بولسا دا ۇلكەن جوبانى الىپ جۇرۋگە تۋرا كەلدى. دەگەنمەن ول ءوتىپ كەتكەننەن كەيىن قاراسام, ماعان ۇلكەن تاجىريبە بولعان ەكەن. قيىندىعى مەن قىزىعى قاتار جۇرگەن سەريال بولدى.

&ndash؛ بۇگىنگى تاڭدا كينوسۇيەر قاۋىمعا قانداي جانر ءوتىمدى دەپ ويلايسىز؟ ولاردىڭ قالاۋىن قاناعاتتاندىراتىنداي سەنارييلەر جازىلىپ جاتىر ما؟

&ndash؛ كورەرمەننىڭ تاڭداۋىنا بايلانىستى. ولاردىڭ ءبارىنىڭ تالعامى بىردەي دەپ ايتا المايمىز. بىرنەشە جىل بۇرىن ەشقانداي وتاندىق كينوونىمدەر وتپەيتىن. ءقازىر ەڭ قۇرىعاندا, كومەديالىق جانرداعى فيلمدەر قازاق اۋديتورياسىنا ءوتىپ جاتىر. "بيزنەس پو-كازاحسكيي", "برات يلي براك" سەكىلدى كينولار ترەندتە ءجۇرىپ جاتىر. بۇل قۋانتادى. وسىلايشا بىزدە درامالىق كينولارعا سۇرانىس ارتاتىن اۋديتوريا قالىپتاسادى دەپ ويلايمىن. ارينە, بىرنەشە جىل كەرەك. "بوەۆيك", تريللەر سياقتى جانرداعى كينولاردى ترەندكە اكەلۋ ءۇشىن كوپ ۋاقىت كەرەك. ازىرگە كومەديامەن كەلە جاتىرمىز. ءبىزدىڭ كومەديالارىمىزدى الىس-جاقىن شەتەلدەر تاڭدايدى. بۇرىن ول دا جوق بولاتىن. سول سەبەپتى بارىنە ۋاقىت كەرەك. ۇزدىكسىز دامۋ قادام-قاداممەن عوي.

&ndash؛ سۇحباتىڭىزعا راقمەت!

 ؛سۇحباتتاسقان قۇندىزاي وتەگەن