قالا باسشىلىعى حالىقتى دارى-دارمەكپەن قامتاماسىز ەتۋ ءۇشىن ۋاقتىلى شارالار قابىلداۋدا, دەپ حابارلايدى ەلوردا اكىمدىگىنىڭ رەسمي سايتى.

اكىمدىك قالالىق ءدارىحانالاردا ۆيرۋسقا قارسى دارى-دارمەكتەردىڭ بولۋىن ۇنەمى قاداعالاپ وتىرادى. ەلوردادا كوروناۆيرۋس ينفەكسياسى جاعدايلارىنىڭ كوبەيۋىنە بايلانىستى ۆيرۋستىق ينفەكسيالىق اۋرۋلاردىڭ الدىن-الۋ ءۇشىن قاجەتتى دارى-دارمەكتەرمەن قامتاماسىز ەتۋگە ەرەكشە نازار اۋدارۋ قاجەت.

&ndash؛ ەلوردالىق ءدارىحانالاردا تۇرعىندارعا قاجەتتى بارلىق دارى-دارمەكتەر بولۋى كەرەك. دارى-دارمەكتەردىڭ نەگىزگى اسسورتيمەنتىنىڭ بولۋىن باقىلاۋ قاجەت. ءدارىحانالارعا دارى-دارمەكتەردى ۋاقتىلى جانە جەتكىلىكتى مولشەردە ساتىپ الۋ كەرەك, &ndash؛ دەدى نۇر-سۇلتان اكىمىنىڭ ورىنباسارى باقتيار ماكەن ءدارىحانا جەلىلەرى باسشىلارىمەن ونلاين-كەزدەسۋدە.

&ndash؛ ءبىز كوتەرمە ءدارىحانا ۇيىمدارىنا نۇر-سۇلتان قالاسىنىڭ ءدارىحانالىق ۇيىمدارىنا دارى-دارمەكتەر مەن مەديسينالىق ماقساتتاعى بۇيىمداردى ۇزدىكسىز جەتكىزۋدى ۇيىمداستىرۋدى تاپسىرامىز, &ndash؛ دەپ اتاپ ءوتتى ب.ماكەن.

«؛نۇر-سۇلتان قالاسىنىڭ فارماسەۆتيكالىق اسسوسياسياسى»؛ زاڭدى تۇلعالاردىڭ قوعامدىق بىرلەستىگى ديرەكتورى گۇلناراي المۋرزينانىڭ ايتۋىنشا, كەيبىر دارى-دارمەكتەردىڭ تاپشىلىعى بايقالادى.

&ndash؛ وتكەن اپتادان باستاپ قالا تۇرعىندارى ۆيرۋسقا قارسى پرەپاراتتار, ازيتروميسين انتيبيوتيكتەرىن ساتىپ الدى. ءبىز اناليز جۇرگىزىپ, دارى-دارمەكتەردىڭ 41 اتاۋى كورسەتىلگەن كەستە قۇردىق. مەملەكەتتىك اگەنتتىكتىڭ دارى-دارمەكتەردى حالىققا قانشا مولشەردە تاراتۋعا بولاتىندىعى تۋرالى مەموراندۋمعا قول قويۋعا شەشىم قابىلداندى. ال انتيبيوتيكتەر مەن رەسەپت بويىنشا دارى-دارمەكتەر, بۇرىنعىداي, دارىگەردىڭ نۇسقاۋىمەن عانا جىبەرىلەدى, &ndash؛ دەدى گ.المۋرزينا.

سونىمەن بىرگە, ول دەنە قىزۋىن تۇسىرەتىن دارى-دارمەكتەردىڭ جەتىسپەۋشىلىگىن ەسكەرە وتىرىپ, ولاردىڭ بالاما نۇسقالارى بارىنا نازار اۋداردى: «؛پانادول»؛, «؛ەفەرالگان»؛, «؛يبۋپروفەن»؛, «؛يبۋفەن»؛, «؛ميگ»؛, «؛نوۆيگان»؛, ولار ءدارىحانالاردا بار.

24 ماۋسىمداعى جاعداي بويىنشا كوروناۆيرۋس جۇقتىرۋدىڭ 3484 جاعدايى تىركەلدى. ونىڭ ىشىندە 2 501 ناۋقاس (69%) ەمدەلىپ شىقتى جانە 38 ءولىم جاعدايى (1,1%) ورىن الدى.

كۇندەلىكتى پنەۆمونيامەن اۋرۋحاناعا تۇسەتىن ناۋقاستاردىڭ سانى ارتتى, ولاردىڭ ءار ەكىنشىسى ۆيرۋستىق پنەۆمونيا. ولاردىڭ 90-ىنىڭ جاعدايى ورتاشا اۋىر.

وسىعان بايلانىستى مەديسينالىق ۇيىمدار مەن دارىگەرلەرگە ۇلكەن جۇكتەمە جۇكتەلەدى.

اكىمنىڭ ورىنباسارى ازاماتتاردى كوروناۆيرۋس ينفەكسياسىن جۇقتىرماس ءۇشىن قاتاڭ سانيتارلىق قاۋىپسىزدىك شارالارىن ساقتاۋعا شاقىردى: ماسكا, قولعاپ كيىپ, قولدى سابىنمەن ءجيى جۋىپ, الەۋمەتتىك قاشىقتىق ساقتاۋ قاجەت.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر