تورعىن جولداسبەكقىزى: ادام اربادا وتىرسا دا مۇمكىندىگى شەكتەلمەيدى

تورعىن جولداسبەكقىزى. ول &ndash؛ سوڭعى كەزدەرى الەۋمەتتىك جەلىدە اڭگىمەلەرى ەڭ كوپ وقىلعان جازۋشى. "اراشا" دەپ اتالاتىن كىتاپتىڭ اۆتورى. كەيىپكەرىمىز 25 جاسىندا دەرتكە شالدىعىپ, ارباعا تاڭىلعان. ايتۋىنشا, ونىڭ اۋرۋى ؛&ndash؛ انادان قىزعا بەرىلەتىن وتە سيرەك گەنەتيكالىق دەرت. ؛

"سور دەگەنىم باققا اينالدى"

تورعىن اڭگىمە جازۋدى 29 جاستان اسقان سوڭ باستاعان. ءوزىنىڭ سوزىنشە, قولىنا قالام الۋعا تۇرتكى بولعان جايت &ndash؛ باسىنا تۇسكەن قيىندىق. ؛

&ndash؛ ءقازىر جاسىم 35-تە. جازۋشىمىن. مەنىڭ باستى ەرەكشەلىگىم &ndash؛ ارباعا تاڭىلعانىم. ءبىر كەزدەرى بۇل مەنىڭ كەمشىلىگىم, وسالدىعىم بولىپ كورىنەتىن. انام بالا كۇنىمدە ومىردەن وزدى. 25 جاستان اسقان سوڭ اپكەم ەكەۋمىزدە سىرقاتتىڭ بەلگىلەرى پايدا بولا باستادى. ەشكىمنىڭ ويىنا دا كىرىپ-شىقپاعان ەدى. اپكەم دە انامنىڭ ارتىنان كەتە باردى... مەن مۇنى باسىندا ءبىزدىڭ اۋلەتكە بەرىلگەن سور, قيىندىق دەپ قابىلدادىم. الايدا سىرقاتتان جەڭىلگەن ساتتە جازۋشىلىققا كەلدىم. سوڭعى جىلدارى دەرتىمدى بويىمداعى جازۋ قابىلەتىم دەپ قابىلدادىم, ؛&ndash؛ دەپ تانىستىردى جازۋشى ءوزىن. ؛

مۇنان كەيىن جاقىن ادامدارى جايلى اشىق ايتتى.

&ndash؛ اللانىڭ ماعان راقىمى بولسا كەرەك, اركەز جانىمدا جۇرەگى كەڭ ادامدار جۇرەدى. ءقازىر وتباسىلى ەمەسپىن, اجىراسقانىما 2 جىلداي بولدى. الايدا كەلىن بولىپ تۇسكەن وتباسىم كوپ كومەكتەستى. بۇرىنعى جولداسىممەن تۋعان باۋىرداي بولىپ كەتكەنبىز. ول كىسىنىڭ اناسى ءوز انامداي قامقورشىم, سىرلاسىم بولدى. ءوزىمدى ورماندا تۇراتىنداي سەزىنەمىن. ءبىر تالى &ndash؛ مەن, ال جاقىندارىم &ndash؛ قورشاعان اعاشتار. مەن سولارمەن عانا مىقتىمىن. قاردان دا, جاۋىننان دا, داۋىلدان دا اينالامداعى جاقسى ادامداردىڭ ارقاسىندا سىنباي كەلەمىن, &ndash؛ دەيدى ول.

 ؛"ادام اربادا وتىرسا دا مۇمكىندىگى شەكتەلمەيدى"

&ndash؛ ءوسىپ كەلە جاتقان قىزىم بار. "سەن نەگە باسقالارداي ەمەسسىڭ؟ نەگە السىرەپ بارا جاتىرسىڭ؟" دەپ سۇرايدى. بالا كۇنىمدە انامنىڭ سىرقات ەكەنىن كورسەم دە تىكەلەي بۇل سۇراقتى قويا المادىم. قىزىمنىڭ قويعان ساۋالىنا جاۋابىن اشىق ايتامىن. ادام اربادا وتىرسا دا مۇمكىندىگى شەكتەلمەيتىنىن تۇسىندىرەمىن. قازىردەن قىزىمنىڭ بويىنا وسىنى سىڭىرگىم كەلەدى, &ndash؛ دەيدى تورعىن جولداسبەكقىزى.

ونىڭ سوزىنشە, ەڭسەسى ءتۇسىپ, جابىرقاپ جۇرگەن ساتىندە تۇسىنە ءبىر ايەل كىرىپتى. ء«؛وزىڭنىڭ كىم ەكەنىڭدى ۇمىتىپ كەتتىڭ. ساعان قالام عانا كومەكتەسەدى»؛ دەپ وكتەم سويلەپتى. الايدا ءوزى بۇل ءتۇسىن ايانعا دا بالامايدى.

&ndash؛ ءاربىر ادامنىڭ ءتۇپساناسى, رۋحى ەشۋاقىتتا قاجىمايدى. جاي عانا كەي كەزدەردە ءومىردىڭ سوققىلارىنا بولا ۇيقىلى-وياۋ كۇيگە تۇسەمىز. سول كەزدە ءوزىمىزدىڭ «؛مەنىمىزبەن»؛ بايلانىستى جوعالتىپ الامىز. ودان ادامنىڭ رۋحى السىرەيدى, قيىندىققا توتەپ بەرە المايتىن وسالدىق پايدا بولادى. بويىمدى وسىنداي تۇسىنىكسىز سەزىم بيلەگەندە ءتۇپسانام ءتۇس ارقىلى بەلگى بەرگەن سەكىلدى.

كوپ جاعدايدا ادامدار باسىنا ءىس تۇسكەندە «؛بۇدان شىعار جول جوق»؛ دەپ ويلايدى. ءبىراق قيىندىقتان قۇتىلۋدى شىن مانىندە قالاسا, وعان كومەك كەلەدى. ول ادام نەمەسە ءتۇس ارقىلى بولسىن, ايتەۋىر ءبىر كەلەدى. باستىسى, شىنايى نيەتى بولۋى كەرەك, ؛&ndash؛ دەيدى ول. ؛

"اڭگىمەلەرىمنىڭ جەلىسىن تۇسىمدە كورەمىن"

تورعىننىڭ وسى تىلسىم تۇستەن كەيىنگى ءومىرى تىكەلەي جازۋعا بايلانعان. ءوزىنىڭ ايتۋىنشا, تۇسىندە كورگەنىن وڭىندە اڭگىمەگە اينالدىرعان.

&ndash؛ مەندە اڭگىمە جازىپ كەتەمىن دەگەن وي بولمادى. جاي عانا جانىما ەم ىزدەپ ءجۇردىم. الەۋمەتتىك جەلىگە دە سول سەبەپتى قوسىلدىم دەپ ويلايمىن.

العاشقى كەزدە ءتۇس مەنىڭ جەتەكشىم بولدى. تۇسىمدە اڭگىمەگە ارقاۋ بولار وقيعالاردى كورە باستادىم. سودان سوڭ تارقاتىپ جازۋدى ۇيرەندىم. ماسەلەن, "مايمىل ادام" دەگەن شىعارمامدى 18 جاسىمدا تۇسىمدە كورگەنمىن. بۇل شىعارمانىڭ سيۋجەتى بىلاي: تەمىر قاقپاعا قامالعان قارا مايمىل كۇيىنەدى, جىلايدى. قاماۋدان شىققىسى كەلەدى. وعان جانىم اشىپ, توردان شىعارعانىمدا, قارا مايمىل بوستاندىقتىڭ ءقادىرىن تۇسىنبەيدى. بۇل ءتۇسىم 18 جاستاعى تورعىنعا توقتاۋ بولعان سياقتى. قىزدار ايانىشتى ماحابباتتى ۇناتامىز عوي. مەنىڭ ومىرىمدە دە وسىنداي ماحاببات بولۋى كەرەك سەكىلدى كورىنەتىن. ادامنىڭ ويى 100 پايىز جۇزەگە اسادى. ءبىز نەنى قالاساق, نەنى كوپ ويلاساق, سول ءبىزدىڭ ومىرىمىزگە ەنەدى ەكەن. باسىندا اڭگىمەلەرىم تۇسكە نەگىزدەلدى. كەيىننەن قيالدىڭ جەمىسى مەن اينالامداعى ادامداردى مىسال ەتە جازىپ وتىردىم, ؛&ndash؛ دەيدى ول. ؛

تۇسىندە كورگەنىن اڭگىمەسىنە ارقاۋ ەتىپ جۇرگەن جازۋشى جازۋشىلىققا كەش كەلگەنىن بىلاي ەسكە الادى: ؛

"ەمشىلەر ەم ىزدەپ كەلگەندەرگە «؛ارقاسى بار»؛ دەگەندى ءجيى ايتادى. وسى «؛ارقا»؛ دەگەن نارسە بويداعى دارىن سەكىلدى. بارلىق ادام وزىنە ءتان تالانتپەن دۇنيەگە كەلەدى. ونى جارىققا شىعارماسا, قيىندىققا ۇشىراۋى مۇمكىن. تالانت پەن ەنەرگيانى دۇرىس جۇمساي الماعان ادامدار سىرقاتقا ۇشىراپ نە ىشىمدىككە سالىنۋى مۇمكىن. سول كەزدە ادام ءوزىن دە, تالانتىن دا تابا الادى, ارقاسى قىسقانى دا قويادى. مەنىڭ دە جانىمدى اۋىرتىپ كەلگەن تالانتىم سياقتى.

تالانتتى وياتام دەپ ءوزىن اسىرا قامشىلاماۋ كەرەك. ارقانى كەڭگە سالىپ, تىنىشتىقتا ءوزىن تىڭداسا, قالاۋىن تابادى. بىرەۋدىڭ قولىنان تىگىن تىگۋ كەلسە, ءبىرى بالا تاربيەسىنە جاقسى. ماسەلەن, مەن 29 جاسىما دەيىن جازا الاتىنىمدى مۇلدەم بىلگەن جوقپىن. الدە ىشتە تۇنشىقتىرىپ كەلدىم بە ەكەن... وز-وزىمە كوڭىلىم تولمايتىن. اينالامداعى ادامنىڭ ءبارى مەنەن زور جەتىستىككە جەتكەندەي كورىنەتىن. ال قازىرگى كەزدە بايقاسام, ءوزىمدى تابۋعا جاي عانا ۋاقىت بولمەپپىن".

"اللانى "دوسىمداي" كورەمىن"

جازۋشى باسىنا تۇسكەن قيىندىقتى اللانىڭ سىناعى دەپ قابىلدايدى. الايدا "اللا سىناقتى ؛جىعۋ ءۇشىن ەمەس, جەڭۋ ءۇشىن بەردى" دەپ ەسەپتەيدى.

&ndash؛ ءومىرىمنىڭ كەي كەزەڭىندە جاراتۋشىعا وكپەم بولدى. بۇكىل الەمنەن دە, اللادان دا تۇمشالاندىم. وتە قيىن سەزىم. ىشىڭدەگىنى بولىسە الماۋ ؛&ndash؛ وڭاي نارسە ەمەس. سودان 10 جىلداي تۇيىقتالىپ كەتتىم. اشىق-جارقىن بۇرىنعى تورعىندى تاپپاي قالدىم. كۇندەردىڭ كۇنىندە ەم ىزدەپ ەمشىگە جولىقتىم. قاپ-قارا كيىنگەن. قولىنداعى شىلىمىن بۋداقتاتىپ وتىرىپ, «؛تورعىن, سەن اللاعا بەت بۇرىپ كورسەڭ قالاي بولادى؟»؛ دەدى. اللاعا جاقىندادىم. الدىڭعى سۇحباتىمدا «؛مەن قۇدايدان قورىقپايمىن. ونى جاقسى كورەمىن»؛ دەگەن ءبىر ءسوز ايتىپ قالدىم. اكەم ولاي ايتۋىم دۇرىس ەمەستىگىن ەسكەرتتى. الايدا اللانىڭ شەكسىز مەيىرىمدىلىگىن بىلگەندىكتەن قورقا المايمىن. دوسىمداي كورەمىن. سىناق كەلسە, جىعۋ ءۇشىن ەمەس, جەڭۋ ءۇشىن بەرگەنىن جاقسى ءتۇسىندىم, ؛&ndash؛ دەيدى تورعىن.

"قورقىنىشپەن كۇرەسپەيمىن"

تورعىن 25 جاسىندا ارباعا تاڭىلعان سوڭ العاشىندا ادامدار اراسىنا شىعۋعا ؛ جۇرەكسىنىپ ءجۇرىپتى. ؛

&ndash؛ ومىرىمدە قورقىنىش ءجيى كەزدەستى. كەيبىرىن جەڭە المايتىنمىن. ماسەلەن, سىرقاتىمدى الايىق. ءدارى نەمەسە ەم تولىق كومەكتەسپەيدى. سوندىقتان تەك اللاعا تاپسىرامىن. راسىندا 100 پايىز ءوز ومىرىڭە سەنگەن كەزدە جاعداي وزگەرە باستايدى. ەڭ العاش ساحنادا ءوزىمدى اربادا كورسەتۋىم &ndash؛ tedxsemey ؛كونفەرەنسياسى ەدى. وعان دەيىن ءتىپتى دوستارىمنىڭ الدىنا شىعۋعا قورقاتىنمىن. ارپالىسىپ كۇرەسسەڭ, ەنەرگياڭدى جامان جاققا جۇمساپ, جاقسىلىقتى كورە المايسىڭ. سول سەبەپتى مەن ءبارىن تاعدىرعا تابىستايمىن, ؛&ndash؛ دەپ ەسكە الدى ول ومىردە قورقىنىشقا قارسى كەلگەن كەزدەرىن. ؛

تورعىننىڭ سوزىنشە, الەۋمەتتىك جەلىدە قىز-كەلىنشەكتەر ءجيى كەڭەس سۇرايدى ەكەن. ؛ جازۋشىنىڭ ولارعا ايتار اقىلى ؛&ndash؛ كوپ ويلانباۋ. ؛

&ndash؛ ويلانۋ جاقسى عوي. دەگەنمەن كوپ ويلانۋ ؛&ndash؛ ءبىزدىڭ سورىمىزعا اينالۋى مۇمكىن. ەڭ باستىسى, ادام ويىن رەتتەۋى كەرەك. ء«؛ومىرىم جوقشىلىققا تولى, ءبىر رەتكە كەلتىرە المادىم»؛ دەپ جىلاپ جاتادى. بارىنە ايتارىم: سەن ومىردە نەگە جەتكىڭ كەلەدى, تەك سونى ويلاۋدى ۇيرەنۋ كەرەك. ءوز باسىمنان دا ءوتتى. ءبىزدى بىرەۋ مۇسىركەگەنىن قالاپ تۇرامىز. سونىڭ كەسىرىنەن ايانىشتى كۇيگە تۇسەتىن جاعدايدى وزىمىزگە تارتامىز. مەنىڭ اڭگىمە جازعانداعى باستى ماقساتىم &ndash؛ قىز-كەلىنشەكتەردى قۇربان كۇيىنەن اراشالاۋ ەدى, ؛&ndash؛ دەيدى تورعىن. ؛

وقىرماننىڭ پىكىرى: "ساقال" دەگەن جازباڭىزدى وقىعاندا نە كۇلەرىمدى, نە كۇرسىنەرىمدى بىلمەي قالدىم"

جازۋشى تورعىن جولداسبەكقىزى ءبىزدىڭ سۇراقتارىمىزعا ونلاين جاۋاپ بەردى. instagram-نىڭ تىكەلەي ەفيرىندە وتكەن سۇحبات بارىسىندا وقىرماندار دا سۇراق قويعان ەدى. جازۋشىنىڭ الەۋمەتتىك جەلىدەگى "ساقال" دەگەن جازباسى جايلى ءبىر وقىرمان "وقىعاندا نە كۇلەرىمدى, نە كۇرسىنەرىمدى بىلمەي قالدىم" دەگەن وي ايتتى. تورعىننىڭ وقىرمانعا بەرگەن جاۋابى تومەندەگىدەي:

"سوڭعى ون شاقتى كۇندە جازعانىم عوي. جەر ءۇيىمىزدى ساتپاق بولىپ جارناماعا بەردىك. ءۇيدى جالداپ تۇرامىن دەپ ءبىر جىگىت كەلدى. كىندىگىنە دەيىن تۇسەتىن ساقالى بار. شالبارىنىڭ بالاعى دا قىسقا ەكەن. حالىق اراسىندا مۇنداي كيىمدى ادامدار ءدىن جولىنان اداسقان دەگەن كوزقاراس قالىپتاسقان. وسى ۇستانىم ءبىزدى دە اينالىپ وتپەدى. ونى جاقتىرماي كەرى قايتارىپ جىبەردىك.

كەلەسى كۇنى مەنىڭ ءۇي ىزدەيتىن كەزەگىم كەلدى. ءبىر كىسى ءۇيىن بەرۋگە كەلىستى. الايدا مۇگەدەك ارباسىندا وتىراتىنىمدى بىلگەندە كەلىسىمنەن باس تارتتى. نەگە ەكەنىن دە ايتپادى. ساقالدى كىسىگە سەبەبىن قالاي ايتپاساق, ماعان دا سەبەبىن تۇسىندىرمەدى. ەشقانداي دا وكپەلەمەدىم. بىرەۋدى سىناساڭ, مەنى دە وزگە ادام سىنايتىنىن ۇعىندىم. بالكىم الگى ساقالدى كىسى اسا مەيىرىمدى شىعار. سول مەزەتتە مەنى قىزىقتىرعان جوق. سەبەپ: ساقالى ۇنامادى.

ماعان ءۇي بەرمەگەن كىسىنى مەنىڭ جازۋشىلىعىم, راديودا جۇمىس ىستەيتىنىم قىزىقتىرمادى. ادەمى, اقىلدى ەكەنىمە دە ءمان بەرمەدى. سەبەپ: مەنىڭ اربادا وتىرۋىم. وسى ساباقتى دەر كەزىندە ءتۇسىنىپ, ريزاشىلىقپەن قابىل الدىم. كەلەسى ءۇيدىڭ يەسى اربامدى كوردى دە سەنىم ءبىلدىردى. جەڭىلدىك تە جاسادى. قانداي جاعداي بولماسىن, ءبىزدى قوعام ءتۇسىنۋى مىندەتتى ەمەس. مەنىڭ اربامدى مۇسىركەدى دەپ قۇلاپ كەتۋىم مۇمكىن ەدى. قۇلامادىم. ءار ادامنىڭ ءوز ساباعى بار. «؛ادامنىڭ كۇنى اداممەن»؛ دەگەن وسىدان شىقسا كەرەك دەپ ويلايمىن".

 ؛

سۇحباتتاسقان: قۇندىزاي امىربەكقىزى

 ؛