ۇيعىر اۋدانىنداعى ماسەلەدەن كەيىن بەس ادام جۇمىستان شىعارىلدى

جۋرناليست قانات ءابىلقايىر ءوزىنىڭ facebook پاراقشاسىنا الماتى وبلىسى ؛ۇيعىر اۋدانىنداعى ۇلتارالىق ماسەلە تۋرالى ەكى جازبا جاريالاپ, جاعدايدىڭ اسقىنىپ كەتۋى مۇمكىن ەكەنىنە نازار اۋدارعان. ؛

"اقتامنىڭ مۇعالىمدەرى قازاقتارعا ۇيعىر ءتىلىن ءبىلۋدى مىندەتتەپ وتىر ما, باتالوۆ مىرزا!" دەگەن العاشقى جازبادا جۋرناليست اۋدانداعى اقتام اۋىلىندا قازاق پەن ۇيعىر جاستارى توبەلەسىپ قالعانىنان تۋعان داۋ تۋرالى حابارلاعان. كيكىلجىڭنەن كەيىن ەتنيكالىق ۇيعىر وقۋشىسىنىڭ جەر جايلى داۋلى مالىمدەمە ايتقانى, وعان قازاق وقۋشىسىنىڭ جاۋاپ بەرگەنى, ارتىنان مەكتەپ مۇعالىمدەرى اراسىندا تىلگە بايلانىستى جانجال شىققانى مالىمدەلگەن.

"ۇيعىر اۋدانىنىڭ اتى ؛نەمەسە مەمقىزمەتشى جوق مەملەكەتتىڭ تۋىن نەگە ناسيحاتتايدى, باتالوۆ مىرزا؟" دەگەن تاقىرىپپەن جاريالانعان ەكىنشى جازبادا سول اۋداننىڭ تۇرعىنى, مەملەكەتتىك قىزمەتتە ىستەيتىن ەتنيكالىق ۇيعىر قىز ءوزىنىڭ ۆاتساپ جەلىسىندەگى ستاتۋسىنا بەلگىسىز تۋدىڭ (ۇيعىرلاردىڭ بەيرەسمي تۋى) سۋرەتىن بەتىنە جاپسىرعانىن جاريالاعانىن ايتقان. "ماسەلە اۋداندىق دەڭگەيدە جىلى جابىلىپ قويىلىپتى" دەگەن ول "مەمقىزمەتكەر ءابلازوۆتىڭ يدەياسىن ناسيحاتتاسا اۋىل, اۋدان اكىمىنە دەيىن ورنىنان الىنىپ تاستار ەدى" دەيدى. ءبىر قارىن مايدى ءبىر قۇمالاق شىرىتەتىنىندەي, وسىنداي دەرەكتەر ؛ ۇلتارالىق ماسەلەنى تۋدىرۋى مۇمكىن ەكەنىن, مۇنداي دەرەكتىڭ اۋدانداعى يدەولوگيالىق جۇمىستاردىڭ توقىراپ تۇرعانىن اڭعارتاتىنىن جەتكىزىپ, وبلىس باسشىسى اماندىق باتالوۆتى ماسەلەگە ءمان بەرۋگە شاقىرعان. سوڭىندا ۇيعىر اۋدانىنىڭ ؛اتىن وزگەرتۋ قاجەتتىگىن كوتەرگەن.

facebook الەۋمەتتىك جەلىسىندە قىزۋ تالقىعا تۇسكەن ماسەلەگە قامشى پورتالى دا نازار اۋدارىپ, اۋداندىق ىشكى ساياسات ءبولىمى قىزمەتكەرلەرىمەن سويلەسكەننەن كەيىن ۇيعىر اۋدانىنا ارنايى ءتىلشى جىبەرىپ, ماسەلەنىڭ ءمان-جايىنان وقىرماندى حاباردار ەتپەك بولعان.

الايدا بۇگىن, 11 ماۋسىم كۇنى ؛ۇيعىر اۋدانى ىشكى ساياسات ءبولىمى قىزمەتكەرلەرى حابارلاسىپ, ماسەلەگە وبلىستىق دەڭگەيدە كوڭىل ءبولىنىپ, ءتيىستى شارا قولدانىلعانىن ايتتى.

اتالعان دەرەك بويىنشا وبلىستىق كوميسسيا قۇرىلىپ, وڭىردە جۇمىس جۇرگىزگەن. سونىڭ ناتيجەسىندە, اقتام ورتا مەكتەبىنىڭ ديرەكتورى يزماحۋنوۆ وكتيابر تۋرگانوۆيچ, ديرەكتوردىڭ تاربيە ءىسى جونىندەگى ورىنباسارى قاپسالاموۆ مۇقامەتقالي, ؛سونىمەن بىرگە, اتالمىش مەكتەپتىڭ بيولوگيا ءپانىنىڭ ءمۇعالىمى كاحاروۆا تۇرديبۋۆي ؛قىزمەتىنەن بوساتىلعان.

بۇدان بولەك, اقتام اۋىلدىق وكرۋگى اكىمى اپپاراتىنىڭ سپورت جونىندەگى ادىسكەر-نۇسقاۋشىسى كاماەۆ سابيرجان سۋنياسۋنوۆيچ جانە ؛تيىرمەن اۋىلدىق وكرۋگى اكىمى اپپاراتىنىڭ جاستار ءىسى جونىندەگى ادىسكەر-نۇسقاۋشىسى ياكياروۆا ۋميدا قىزمەتىنەن كەتكەن.

الداعى ۋاقىتتا وسىعان ۇقساس جايتتار ءقايتالانباس ؛ۇشىن وبلىستىق كوميسسيا مۇشەسى, وبلىستىق قازاقستان حالقى اسسامبلەياسىنىڭ حاتشىلىق مەڭگەرۋشىسى عابيت تۇرسىنباي اۋدان بەلسەندىلەرىمەن جۇزدەسىپ, تۇسىندىرمە جۇمىستارىن جۇرگىزگەن.

اۋدان حالقى ء"بىر قۇمالاقتىڭ" كەسىرىنەن تۇتاس وڭىرگە ءسوز تيگەنىن العا تارتىپ, مۇنداي كەلەڭسىز جايتتىڭ بولعانىنا وكىنىشتەرىن ءبىلدىردى.