اليحان سمايىلوۆ: ەلىمىزدىڭ جالپى ىشكى ءونىمى تومەندەدى

ۇكىمەت باسشىسىنىڭ ءبىرىنشى ورىنباسارى ءاليحان سمايىلوۆ ەكونوميكانىڭ وڭ وسىمىنە قول جەتكىزۋ ءۇشىن مينيسترلىكتەر مەن جەرگىلىكتى اتقارۋشى ورگاندار بەلسەندى جانە ۇيلەسىمدى جۇمىس ىستەۋى كەرەكتىگىن ءمالىم ەتتى.

&ndash؛ بەس ايدىڭ قورىتىندىسى بويىنشا كوروناۆيرۋس پەن الەمدىك سۇرانىستىڭ تومەندەۋىنە بايلانىستى ەلىمىزدىڭ جالپى ىشكى ءونىمى تومەندەدى. دەگەنمەن اۋىل شارۋاشىلىعىندا, وڭدەۋ ونەركاسىبىندە, ازىق-تۇلىك, قۇرىلىس ماتەريالدارى وندىرىسىندە, فارماسەۆتيكادا, ماشينا جاساۋدا, قۇرىلىستا تۇراقتى ءوسىم بايقالادى. وسى جىلدىڭ مامىر ايىندا الدىڭعى ايمەن سالىستىرعاندا ساۋدا جانە كولىك سالالارىندا ەكونوميكالىق بەلسەندىلىك قارقىندى ءوسۋى بايقالادى. ۇكىمەت 5,9 ترلن تەڭگەنى قۇرايتىن داعدارىسقا قارسى شۇعىل شارالار كەشەنىن قابىلدادى. ول قاراجاتتى بيۋدجەتتىك باعدارلامالار اكىمشىلەرى ەكونوميكاعا ۋاقتىلى جەتكىزۋلەرى وتە ماڭىزدى, ؛&ndash؛ دەدى ءاليحان سمايىلوۆ ۇكىمەت وتىرىسىندا.

ۇكىمەت باسشىسىنىڭ ورىنباسارى «؛جۇمىسپەن قامتۋدىڭ جول كارتاسى»؛, «؛ەڭبەك»؛ جانە باسقا دا مەملەكەتتىك باعدارلامالاردىڭ ءتيىمدى ورىندالۋىن قامتاماسىز ەتۋ قاجەتتىگىن اتاپ ءوتتى.

&ndash؛ پرەمەر-مينيستردىڭ تاپسىرماسىنا سايكەس قازىرگى تاڭدا مەملەكەتتىك ورگاندار مەن جەرگىلىكتى اتقارۋشى ورگانداردىڭ ينۆەستيسيا تارتۋ جوسپارلارى ناقتىلاندى. جالپى سوماسى 44 ترلن تەڭگەنى قۇرايتىن 2 مىڭعا جۋىق جوبانى جۇزەگە اسىرۋ جوسپارلانۋدا. ينۆەستورلارمەن تىكەلەي جۇمىستى كۇشەيتۋمەن قاتار داعدارىسقا قارسى شۇعىل شارالاردىڭ بارلىق پاكەتىن جانە ەكونوميكانى قالپىنا كەلتىرۋدىڭ كەشەندى جوسپارىن ىسكە اسىرۋ وسى جىلدىڭ سوڭىنا دەيىن ەكونوميكانىڭ وڭ وسىمىنە قول جەتكىزۋگە مۇمكىندىك بەرەدى. ول ءۇشىن مينيسترلىكتەر مەن جەرگىلىكتى اتقارۋشى ورگاندار بەلسەندى جانە ۇيلەسىمدى جۇمىس ىستەۋى كەرەك, ؛&ndash؛ دەدى ءاليحان سمايىلوۆ.