بۇگىن, 6 ماۋسىمدا الماتىدا وپپوزيسيا بەلسەندىلەرىنىڭ ميتينگى وتەدى دەلىنگەن "اباي" ەسكەرتكىشىنە قاراي باراتىن كوشەلەردىڭ بارلىعى تەمىرمەن قورشالىپ, پوليسيا سول ماڭدى تورۋىلداپ تۇردى. ەسكەرتكىشكە قاراي بارماقشى بولعان ازاماتتاردى پوليسيا ول ماڭعا جىبەرگەن جوق. ؛

كۇشتىك قۇرىلىمدار مەن جەرگىلىكتى بيلىكتىڭ قارسىلىعىنا قاراماستان ميتينگىگە كەلگەن ازاماتتار ءوز نارازىلىقتارىن ءبىلدىرىپ, تالاپتارىن ايتا الدى. ءبىراق بەلسەندىلەر "ميتينگ وتكىزەمىز" دەپ باستاپقىدا جوسپارلاعان "اباي" ەسكەركىشىنىڭ قاسىندا ەمەس, وزگە جەرلەردە نارازىلىق تانىتتى. وعان سەبەپ ؛&ndash؛ كۇشتىك قۇرىلىمداردىڭ ەسكەرتكىشكە باراتىن بارلىق جولدى جابۋى.

كۇشپەن تارقاتىلعان توپ

نارازى ازاماتتاردىڭ ءبىر توبى اباي مەن نازارباەۆ كوشەلەرىنىڭ قيىلىسىندا جينالدى. بۇل ماڭعا جينالعاندار نەگىزىنەن شەتەلدە تۇراتىن وپپوزيسيانەر مۇحتار ءابليازوۆ جەتەكشىلىك ەتەتىن "قدت" قوزعالىسى (قازاقستان سوتى "ەكستريميستىك" دەپ تانىعان, ال ەۋروپارلامەنت "بەيبىت وپپوزيسيالىق ۇيىم" دەپ اتاعان) مەن جۋىردا عانا وسى قوزعالىسقا "قاتىسى بار" دەپ تانىلىپ, قازاقستاندا تىيىم سالىنعان "كوشە" پارتياسىن جاقتاۋشىلار. الدىمەن ولار "اباي" ەسكەرتكىشىنە اپاراتىن جولعا قويىلعان تەمىر قورشاۋدى اشىپ, وزدەرىن ميتينگ وتەدى دەگەن جەرگە وتكىزۋدى تالاپ ەتە باستادى. نارازى توپتى تارقاتۋعا تىرىسقان جەرگىلىكتى بيلىك, پروكۋراتۋرا, بيلىكتەگى "نۇر-وتان" پارتياسىنىڭ وكىلدەرى "اباي" ەسكەرتكىشىنىڭ ماڭىنا كوروناۆيرۋسقا قارسى دەزينفەكسيا جۇمىسى جۇرگىزىلىپ جاتقانىن ايتىپ, جينالعاندارعا "زاڭسىز ميتينگىگە رۇقسات جوق, تاراڭىزدار" دەگەن ەسكەرتۋ جاسادى. بيلىك وكىلدەرىنىڭ ەسكەرتۋىن نارازى توپ ەلەگەن جوق. قارسى ءۋاج ايتقاندار دا بولدى.

چسمي

جينالعاندارمەن ؛ سويلەسكەنىمىزدە, ولار نەگىزىنەن ءۇش تالابى بارىن ايتتى. ؛

"بىزدىڭ ەڭ نەگىزگى تالابىمىز ؛&ndash؛ جەر ساتىلماسىن, شەتەلدىكتەرگە جالعا دا بەرىلمەسىن. ودان كەيىن وسى جەر ءۇشىن, ەل ءۇشىن باسىن بايگەگە تىگىپ, بۇگىندە تۇرمەدە وتىرعان ساياسي تۇتقىنداردى تۇگەل بوساتسىن دەيمىز. بۇعان قوسا, بيلىك حالىقتىڭ كرەديتين كەشىرىپ, ءبىر رەت نەسيەلىك امينيستيا جاريالاسىن" دەدى بەلسەندىلەر. ؛

چمست

بيلىك وكىلدەرىنىڭ بىرنەشە ەسكەرتۋىنەن كەيىن پوليسيا قولدارىنا ءتۇرلى-تۇستى شار ۇستاعان, جۋرناليستەرگە سۇحبات بەرىپ تۇرعان ازاماتتاردى ۇستاي باستادى. دەگەنمەن باستاپقىدا نارازىلار پوليسياعا بوي بەرمەي, ءبىر-بىرىن قاپسىرا قۇشاقتاپ, ءبىراز قارسىلىق تانىتتى. وسى كەزدە پوليسياعا وموندار قوسىلىپ, جاپپاي ۇستاۋلار باستالدى. نارازى توپ ىشىنەن بەلسەندىلىگىمەن كوزگە تۇسكەن ازاماتتاردى وموندار كۇش قولدانا (قول-اياعىن قايىرىپ) وتىرىپ, جول جيەگىندە تۇرعان اۆتوزاكتارعا سالىپ اكەتتى. قامشى ءتىلشىسى سول ماڭدا كەمى 40 ادامنىڭ ۇستالعانىن بايقادى. ۇستالعاندار اراسىندا بىلتىر كوكتەمدە الماتىداعى ورتالىق كوشەلەردىڭ بىرىنە "شىندىقتان قاشا المايسىڭ" دەگەن بانەر ءىلىپ, 15 تاۋلىككە قامالعان بەلسەندى ءاسيا تولەشوۆا دا بار. ؛

نارازى توپتىڭ ءبىرازى ۇستالاپ كەتكەن سوڭ الماتى قالاسى مەدەۋ اۋدانىنىڭ اكىمى سۇلتانبەك ماكەجانوۆ باستاعان بىرنەشە شەنەۋلىك ازاماتاردى ديالوگقا شاقىردى. شەنەۋنىكتەر "بۇلاي زاڭسىز جينالىپ قاجەت ەمەس, ماسەلەلەرىڭىز بولسا, جەكە-جەكە قابىلدايىق" دەدى. ءبىراق نارازى توپ شەنەۋنىكتەردىڭ سوزىنە قۇلاق اسقان جوق. سەنبەيتىندەرىن ايتىپ, تەك ميتينگىگە شىعۋ ارقىلى عانا ءوز تالاپتارىن ورىنداتاتىندارىن جەتكىزدى. بيلىك وكىلدەرىنە قارسى ءۋاج ايتقاندار ارتىنشا ۇستالىپ كەتىپ جاتتى. وسىلايشا, بۇل ماڭداعى نارازى توپتان ەكى ساعاتقا جۋىق ۋاقىتتان ؛ كەيىن ەشقايسىسى قالعان جوق. ؛

ماماي دا جاقتاستارىمەن بىرگە قارسىلىققا ۇشىرادى

دال وسى 6 ماۋسىم كۇنى ميتينگ وتكىزۋگە ەڭ ءبىرىنشى بولىپ باستاما كوتەرگەن دەمپارتيا ء(الى قۇرىلماعان پارتيا) بەلسەندىسى جانبولات ماماي دا ءوزى جوسپارلاعان "اباي" ەسكەرتكىشىنىڭ ماڭىنا جەتە العان جوق. ؛ماماي باستاعان توپ "اباي" ەسكەرتكىشىنە جەتە الماي وزگە جەرلەردە جينالعان جاقتاستارىنا بارماقشى بولدى, ءبىراق الماتى قالاسى اكىمنىڭ ورىنباسارى ەرجان باباقۇماروۆ باستاعان شەنەۋنىكتەر مەن "نۇر-وتان" پارتياسىنىڭ وكىلدەرى, كۇشتىك قۇرىلىمدار ولاردى قۇرمانعازى مەن دوستىق كوشەلەرىنىڭ قيىلىسىندا قورشاپ, باسقا جاققا قاراي قوزعالۋعا مۇمكىندىك بەرگەن جوق. ؛

سمي

"توبەلەس كەرەك پە, توبەلەسەمىز"

بيلىك وكىلدەرى سول ماڭدا جينالعان ازاماتتاردى تاراتۋ ءۇشىن ءتۇرلى ارەكەتكە باردى. ماسەلەن, ادامدار توپتاسىپ تۇرعان جەرگە دەزينفەكسيا جاسايتىن جۇمىسشىلار قايتا-قايتا ءدارى شاشتى. ال ەندى بىردە بۇعان دەيىن بيلىكشىل كوزقاراسىمەن تانىلىپ, ميتينگىگە شاقىرعان, بارعان وپپوزيسيا بەلسەندىلەرىنە قارسى شىعىپ جۇرگەن "جەلتوقسان رۋحى" ؛ ۇيىمىنىڭ ءتوراعاسى تالعات رىسقۇلبەكتى ورتاعا سالدى. رىسقۇلبەك اكىمدىك وكىلىنىڭ "بۇل جيىندارىڭىز جاڭا قابىلدانعان بەيبىت جيىندار" تۋرالى زاڭعا قايشى. تاراڭىزدار!" دەگەن ءسوزىن قولداپ, جينالعان جۇرتتى ميتينگىگە كەلەسى جولى شىعۋعا شاقىردى.

"مىنا اكىمشىلىك رۇقسات بەرەمىز دەپ جاتىر عوي. بەرەتىن بولسا, بۇگىن ءوتىنىش بەرەيىك تە, كەلەسى جولى شىعايىق. مەنىڭ باۋىرىم قايرات قۇربان بولعان. سوندىقتان ءقازىر تارقايىق, ءبىراق كەلەسى جولعا زاڭدى تۇردە كەلەيىك" دەدى ول.

ال ماماي باستاعان توپ وزدەرى جوسپارلاعان ميتينگىنى كەيىنگە قالدىرمايتىندارىن ايتىپ, جينالعانداردى تاراۋعا شاقىرعان رىسقۇلبەكتى "ارانداتۋشى" دەپ اتادى.

قاسىنا ءبىر توپ ادام ەرتكەن رىسقۇلبەك "جانىندا جيىرما جىگىت بارىن" ايتىپ, "توبەلەس كەرەك پە, توبەلەسەمىز" دەدى. ال ونىڭ بۇزاقىلىققا شاقىرعان بۇل سوزدەرىنە پوليسيا قىزمەتكەرلەرى مەن اكىمدىك وكىلدەرى ەستىپ تۇرسا دا, ەشقانداي ءۋاج ايتقان جوق.

رىسقۇلبەكتەن بولەك, بيلىكتەگى "نۇر وتان" پارتياسىنىڭ وكىلدەرى دە ماماي باستاعان توپتى بىرنەشە رەت ديالوگقا شاقىردى. بيلىك پارتياسىن وكىلدەرى جينالعانداردى "نۇر وتان حالىقتىڭ بارلىق ماسەلەسىن زاڭدى شەشىپ بەرەدى" دەگەنگە سەندىرۋگە تارىسىپ باقتى, ال نارازى توپ "نۇر وتاننىڭ ارتىندا ەشقانداي حالىق جوق. ميلليونداعان مۇشەسى بولسا دا, بۇل پارتيانى تەك كۇشتىك قۇرىلىمدار ۇستاپ تۇر" دەگەن ءۋاج ايتتى. ؛

شامامەن بەس ساعاتقا جۋىق بىر-بىرىمەن تايتالاسقان قوس تاراپ ؛&ndash؛ بيلىك وكىلدەرى مەن نارازى توپ ديالوگقا كەلە المادى. سول ماڭداعى بيلىك وكىلدەرى مەن كۇشتىك قۇرىلىمدار نارازىلاردى تارتۋعا تىرىستى, ءبىراق جاپپاي ۇستاپ اكەتكەن جوق. وسىلايشا, تۇسكى ساعات تورتكە قاراي بۇل ماڭداعى نارازىلىق جيىنى دا تارقادى. ؛

وپپوزيسيا بەلسەندىلەرى, ونىڭ ىشىندە جانبولات ماماي "6 ماۋسىم كۇنى ميتينگ وتكىزەمىز" دەگەن باستامانى ءبىر ايدان بۇرىن كوتەرە باستاعان. باستاپقىدا ونىڭ باستاماسىن سىناپ, "ماماي شاقىرعان ميتينگىگە بارمايمىز" دەپ مالىمدەگەن مۇحتار ءابليازوۆ تا كەيىن ؛وز جاقتاستارىن ءدال وسى 6 ماۋسىم كۇنى بيلىككە قارسى نارازىلىققا شىعۋعا شاقىرعان. ؛

قازاقستاننىڭ باس پروكۋراتۋراسى وپپوزيسيالىق كۇشتەر شاقىرعان بۇل ميتينگىلەردىڭ "زاڭسىز" ەكەنىن ايتىپ, حالىقتى الاڭعا بارماۋعا, نارازىلىققا شىقپاۋعا ۇندەگەن.

ميات كاشىباي

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر