تورت ميلليارد تەڭگە بيۋدجەتكە قايتارىلدى

توكيوداعى وليمپيادا كۇشىن جويۋىنا بايلانىستى 4 ميلليارد تەڭگەدەن استام قاراجات رەسپۋبليكالىق بيۋدجەتكە قايتارىلدى, دەدى قر مادەنيەت جانە سپورت ءمينيسترى اقتوتى رايمقۇلوۆا.

"بۇگىنگى كۇنى ءبىزدىڭ سپورتشىلار جاتتىعۋلارىن قايتا باستادى, ءبىراق وليمپيادا 2021 جىلعا قالدىرىلعاندىقتان, ەداۋىر سوما - 4,3 ملرد. تەڭگە ۇنەمدەلىپ, وڭتايلاندىرىلىپ, رەسپۋبليكالىق بيۋدجەتكە قايتارىلدى", - دەدى رايمقۇلوۆا جۇما كۇنى حالىقپەن ەسەپتىك كەزدەسۋدە.

ول الەمدەگى كوروناۆيرۋستىق پاندەمياعا بايلانىستى ءىرى سپورتتىق ءىس-شارالاردىڭ كەستەلەرى, سونىمەن قاتار سپورتشىلاردىڭ ءىرى جارىستارعا دايىندالۋى وزگەرگەنىن ەسكە سالدى.

توكيودا جازعى وليمپيادا ويىندارىن وتكىزۋ تۋرالى سوڭعى شەشىم 2021 جىلدىڭ كوكتەمىندە قابىلدانادى دەپ جوسپارلانعان جانە بۇل الەمدە كوروناۆيرۋستىق ينفەكسيانىڭ تارالۋىنا بايلانىستى بولادى.

ەستەرىڭىزگە سالا كەتەيىك, توكيوداعى وليمپيادا 2020 جىلدىڭ 24 شىلدەسى مەن 9 تامىزى ارالىعىندا وتكىزىلۋى كەرەك ەدى, ءبىراق كوروناۆيرۋستىق پاندەمياعا بايلانىستى جارىستار ءبىر جىلعا شەگەرىلدى.

وليمپيادا 2021 جىلى 23 شىلدە مەن 8 تامىز ارالىعىندا وتەدى دەپ جوسپارلانۋدا.