• usd 468.56

  • eur 497.56

  • rub 7.3

  • cny 67.18

28 ناۋرىز, 12:17:34
الماتى
+35°

قازىرگى دامۋشى مەملەكەتىمىزدە ءبىلىم قوعامنىڭ الەۋمەتتىك-ەكونوميكالىق, رۋحاني دامۋىنىڭ ستراتەگيالىق باعدارى عانا ەمەس, قوعامىمىزدىڭ قاۋىپسىزدىگىنىڭ بەلگىسى. سوندىقتان نەگىزگى ماقسات - جەكە تۇلعا مەن قوعامنىڭ قاجەتتىلىگىن قاناعاتتاندىراتىن كوپ دەڭگەيلى ۇزدىكسىز ءبىلىم بەرۋدىڭ ۇلتتىق مودەلىن قالىپتاستىرۋ. ءبىلىم ساپاسى &ndash؛ مۇعالىمدەر قىزمەتىنىڭ ساپاسى. وقۋشىلارعا نەنى ۇيرەتۋ كەرەكتىگىن مەملەكەتتىك ستاندارتتار, باعدارلامالار بەلگىلەيدى. ال ءارى قاراي ءبىلىمدى قالاي بەرەتىندىگى ءمۇعالىمنىڭ كاسىبي دايارلىعىنا, شەبەرلىگىنە بايلانىستى. ج.ايماۋىتوۆتىڭ «؛ساباق بەرۋ-ۇيرەنشىكتى, جاي شەبەرلىك ەمەس, ول ۇنەمى جاڭانى تاباتىن ونەر»؛ - دەگەن تاعى ءبىر ءسوزىن كەلتىرە وتىرىپ, قازىرگى ءمۇعالىم بەينەسىن بەدەرلەي تۇسەتىن ۇستاز شىعارماشىلىعىنا توقتالسام دەيمىن.

ار وقۋشىنىڭ بويىنداعى بار شىعارماشىلىق كوزدەرىن اشۋ, جاڭالىققا دەگەن ۇمتىلىستارىنا دەم بەرىپ وتىرۋ ارقىلى ءبىز ءوزىمىزدىڭ قوعامداعى نەگىزگى مىندەتىمىز - ادامزات بالاسىن جاڭا ساپاعا كوتەرۋدى تابىستى شەشە الامىز. پسيحولوگتىڭ بالانى ءتۇسىنۋى &ndash؛ ونىڭ پوزيسياسىندا بولۋى, سەزىمدەرىن باعالاپ, ارەكەتىن, ءىسىن ەلەۋلى تۇردە قابىلداۋ, ءىلتيپات كورسەتۋ. بالانىڭ كوڭىل قۇبىلىسىن, جۇرەك تەبىرەنىسىن, سەزىمى مەن تالپىنىسىن تۇسىنگەن پەداگوگ-پسيحولوگ باياندى تاربيەگە يە بولىپ, ءبىلىمدى جەتىستىككە قول جەتكىزەدى. وقىتۋدى وقۋشىلاردىڭ ىشكى كۇشتەرى مەن پوتەنسيالدىق مۇمكىندىكتەرىن جانداندىراتىنداي, ولاردىڭ دامۋىن جەدەلدەتەتىندەي ەتىپ ۇيىمداستىرۋ ءۇشىن پسيحولوگيالىق ءبىلىم قاجەت.

كاسىبي ىس-ارەكەت ارنايى ءبىلىمدى تالاپ ەتەدى, ياعني سول كاسىپكە بايلانىستى قىزمەت اتقارۋعا قاجەتتى ارنايى ءبىلىم, بىلىك, داعدىلار جۇيەسىن مەڭگەرۋ. ءوزىن-وزى كاسىبي انىقتاۋ دەگەن &ndash؛ كاسىبي ارەكەتىندەگى تۇلعانىڭ دامۋشىلىق پروسەسى جانە ءوزىنىڭ قابىلەتىن, تۇلعا-پسيحولوگيالىق مۇمكىنشىلىگىن جۇزەگە اسىرۋ. ول ءبىر كەزەڭدە بولمايدى, تولىق بەلسەندى جۇمىس ىس-ارەكەتىندە اتقارىلادى. وسى جولدا ماقسات پەن مىندەتتەر قالىپتاسادى. ءوزىن-وزى كاسىبي بەكىتۋ &ndash؛ كاسىبيلىك قابىلەتى, كاسىبيلىك موتيۆاسيا, كاسىبيلىك وزىندىك ساناسى, مىنەزىنىڭ قاسيەتى. ول كەزدە تۇلعا ارەكەتىنىڭ ءستيلى قالىپتاسادى, تۇلعانىڭ كاسىبيلىگى قالىپتاسادى.

- مەكتەپ پەداگوگ-پسيحولوگىنىڭ قىزمەتتىك مىندەتتەرى:
جالپى ءبىلىم بەرەتىن ورتا مەكتەپتەردەگى وقىتۋدىڭ بارلىق كەزەڭدەرىندە بالالارعا قاجەتتى جاعدايلاردى جەكە كومەك بەرۋ ءۇشىن پەداگوگيكالىق-پسيحولوگيالىق زەرتتەۋدى جۇزەگە اسىرۋ؛

- پسيحولوگيالىق عىلىمنىڭ جەتىستىكتەرىن نەگىزگە الا وتىرىپ, مەكتەپ وقۋشىلارىنىڭ اركەلكى جاس كەزەڭىندە جان-جاقتى, تۇلعالىق, ينتەللەكتىلى دامۋىن قامتۋعا ىقپال ەتەدى؛

- مەكتەپ اكىمشىلىگى مەن مۇعالىمدەردىڭ سۇرانىستارى بويىنشا وقۋشىلارمەن, مۇعالىمدەرمەن, اتا-انالارمەن پسيحولوگيالىق ساقتاندىرۋ, دياگنوستيكالىق, تۇزەتۋ جانە كەڭەس بەرۋ جۇمىستارىن جۇرگىزەدى, مەكتەپ وقۋشىلارىنىڭ ينتەللەكتۋالدى, تۇلعالىق, ەموسيالىق جانە ەرىك-جىگەر ەرەكشەلىكتەرىن, ولاردىڭ قىزىعۋشىلىقتارى مەن قابىلەتتەرىن زەرتتەيدى؛

- وقۋعا پسيحولوگيالىق دايىندىق جەتكىلىكسىزدىگىن ەرتە انىقتاۋدى ماقسات ەتە وتىرىپ, ءبىرىنشى سىنىپقا بالا قابىلداۋعا قاتىسادى؛

- پەداگوگيكالىق كەڭەستىڭ ادىستەمەلىك بىرلەستىكتەردىڭ, سىنىپتارداعى, سونداي-اق مەكتەپتەگى اتا-انالار جينالىستارىنا قاتىسادى, وقۋشىلارعا ىقپال ەتىپ, جەكە كومەك كورسەتۋگە بايلانىستى نەگىزگى پروبلەمالاردى شەشۋگە ارنالعان پەداگوگيكالىق كونسيليۋمدار مەن پەداگوگيكالىق كەڭەستەرگە قاجەتتى اقپاراتتار دايىندايدى؛

- مەكتەپتەگى پسيحولوگيا بولمەسىن قۇرۋدى جانە قاجەتتى قۇجاتتاردى ساقتاۋدى, ولاردى دۇرىس پايدالانۋدى قامتاماسىز ەتۋدى جاۋاپكەرشىلىگىنە الادى؛

- مەكتەپتەگى پيسحولوگيالىق قىزمەتتىڭ پسيحولوگيالىق-پەداگوگيكالىق جۇمىستارىنىڭ ناتيجەسى مەن ەسەبىنىڭ عىلىمي-ادىستەمەلىك ورتالىقتار تاعايىنداعان تالاپتارىنا ساي بولۋىن قاتاڭ تۇردە جۇزەگە اسىرادى.

مەملەكەتىمىزدە وسىنداي بىلىكتى دە بىلگىر, ناعىز كاسىبي مامانداردى دايارلايتىن جوعارى وقۋ ورنى ءال-فارابي اتىنداعى قازاق ۇلتتىق ۋنيۆەرسيتەتى, فيلوسوفيا جانە ساياساتتانۋ فاكۋلتەتىنىڭ دەكانى پروفەسسور ا.ر. ماساليموۆانىڭ باسقارۋىمەن فاكۋلتەتىمىزدە ادامنىڭ كۇردەلى دە قىزىقتى, شىتىرمانى مول رۋحاني جان دۇنيەسىنە ءۇڭىلىپ, ستۋدەنتتەرگە باعىت-باعدار بەرىپ, ونىڭ پوزيسياسىندا بولاتىن, سەزىمدەرىن باعالايتىن, كاسىبي دەڭگەيى, ينتەللەكتۋالدىق, شىعارماشىلىق دەڭگەيى جوعارى ماماندار دايىندالۋدا. جالپى جانە قولدانبالى پسيحولوگيا كافەدراسىنىڭ مەڭگەرۋشىسى, پروفەسسور ز.ب. ماداليەۆانىڭ باسشىلىعىمەن كافەدرادا وتاندىق پسيحولوگيا عىلىمىن دامىتۋدا ۇلكەن ەڭبەك ەتىپ جۇرگەن, ارناۋلى مەكتەبى بار ءىرى عالىمدار, جوعارى ءبىلىمدى, بىلىكتى پروفەسسور-وقىتۋشىلار قىزمەت اتقارادى. سونىمەن قاتار باكالاۆريات, ماگيستراتۋرا, phd دوكتورانتۋرا باعدارلامالارى بويىنشا بىلىكتى پسيحولوگ ماماندار دايىندالادى.

وقۋدى بىتىرگەننەن كەيىن پسيحولوگيا ءبولىمىنىڭ تۇلەكتەرى كەلەسىدەي سالالاردا: جوعارى جانە ورتا وقۋ ورىندارىندا پسيحولوگيا ءپانىنىڭ وقىتۋشىسى؛ عىلىمي قىزمەتكەر؛ فيرمالار مەن بانكتەردە پسيحولوگ-كەڭەسشى؛ پراكتيك پسيحولوگ؛ دەنساۋلىق ساقتاۋ جانە ءبىلىم بەرۋ جۇيەسىندە, وتباسى قىزمەتتەرىندە جانە الەۋمەتتىك سالالاردا پراكتيك-پسيحولوگ بولىپ قىزمەت ەتە الادى. ءبىزدىڭ تۇلەكتەرىمىزگە جۇمىس ورىندارىنان سۇرانىس وتە جوعارى.

جوعارىدا اتاپ كورسەتكەنىمىزدەي پسيحولوگ مامانى ورتا ءبىلىم بەرۋ مەكەمەلەرىندە قىزمەت اتقارادى. پسيحولوگتىڭ ماقساتى - وقۋ بارىسىندا تۋىندايتىن قيىندىقتارمەن ولاردىڭ پسيحولوگيالىق سەبەپتەرىن انىقتاۋ, وڭتايلى قارىم-قاتىناس ۇستانىمدارىن قالىپتاستىرۋ, اتا-انا, ءمۇعالىم, باسقا دا قىزمەتكەرلەرگە پسيحولوگيالىق قىزمەت كورسەتۋ, وقۋشىلاردىڭ ماماندىققا قابىلەتتىلىگىن انىقتاۋ مەكتەپ پسيحولوگىنىڭ تىكەلەي مىندەتتەرى. ياعني وقۋشىنىڭ ماماندىقتى تاڭداۋ بارىسىندا وزىندىك ۇلەسىن قوسىپ, دۇرىس باعىت &ndash؛ باعدار بەرە الادى. سەبەبى كاسىبي ىس-ارەكەت &ndash؛ قازىرگى جاس ۇرپاق ءۇشىن وتە ماڭىزدى.

 ؛

س.ن.جۇبانازاروۆا,
پسيحولوگيا عىلىمدارىنىڭ كانديداتى,
پروفەسسور

ال-فارابي اتىنداعى
قازاق ۇلتتىق ۋنيۆەرسيتەتى
فيلوسوفيا جانە ساياساتتانۋ فاكۋلتەتى

"قامشى" سىلتەيدى
ىلمەك سوزدەر: قازاقستان مەكتەپ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر