05 ماۋسىم, 2020 ساياسات
كورنەكى سۋرەت
قازاقستاننىڭ باس پروكۋراتۋراسى ەل ازاماتارىن زاڭسىز مينتينگىلەر مەن شەرۋلەرگە شىقپاۋعا شاقىرىپ, ەسكەرتۋ جاسادى. پروكۋراتۋرا ەسكەرتپەسىندە جۋىردا قوعام نارازىلعىنا قاراماستان قابىلدانعان بەيبىت جيىندار تۋرالى زاڭ نەگىزگە الىنعان. ؛
"جاڭادان بەلگىلەنگەن ءتارتىپتى بۇزا وتىرىپ وتكىزىلەتىن جينالىستاردى ۇيىمداستىرۋ جانە ولارعا قاتىسۋ زاڭسىز بولىپ تابىلادى جانە اكىمشىلىك قۇقىق بۇزۋشىلىق تۋرالى كودەكستىڭ ؛488-بابى بويىنشا اكىمشىلىك جاۋاپتىلىققا اكەپ سوقتىرادى ء(تىپتى 15 تاۋلىككە قاماۋعا الۋعا دەيىن).
ەگەر بۇل ارەكەتتەر ازاماتتاردىڭ, ۇيىمداردىڭ, قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرۋمەن قاتار جۇرسە, قىلمىستىق جاۋاپتىلىق تۋىندايدى (قك-نىڭ 400-بابى).
وسىعان بايلانىستى, ازاماتتاردى ارانداتۋشىلىق جاساماۋعا جانە زاڭسىز جاريا اكسيالارعا قاتىسۋدان باس تارتۋعا, بەيبىت جينالىستار ۇيىمداستىرۋ جانە وتكىزۋ كەزىندە جاڭا زاڭنىڭ ەرەجەلەرىن مۇلتىكسىز ساقتاۋعا شاقىرامىز" دەلىنگەن پروكۋراتۋرا حابارلاماسىندا. ؛
بۇعان دەيىن دەموكراتيالىق پارتيا قۇرۋ بويىنشا باستاماشىل توپ جەتەكشىسى جانبولات ماماي, قازاقستاندا ەكستريميستىك دەپ تانىلعان "قدت" ۇيىمنىڭ جەتەكشىسى مۇحتار ءابليازوۆ, تىركەلمەگەن "ەركىن قازاق" پارتياسىنىڭ جەتەكشىسى ەرجان تۇرعىنباي ءوز جاقتاستارىن 6 ماۋسىم كۇنى بيلىككە قارسى مينتينگىگە شىعۋعا شاقىرعان. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر