04 ماۋسىم, 2020 news

شەتەلدىك باق: ءۇشىنشى دۇنيەجۇزىلىك سوعىس ءقاۋپى, ءقىتاي-ۇندىستان شەكاراسى ۋشىقتى

getty

"قىتاي مەن ءۇندىستان شەكاراسىنا ەكى ەلدىڭ اسكەري كۇشتەرى جينالدى, بۇكىل الەم بويىنشا دابىل قاعىلۋدا. ءۇشىنشى دۇنيەجۇزىلىك سوعىس ءقاۋپى ءتونىپ تۇر" دەپ جازدى بريتانيالىق daily express باسىلىمى. بۇل تۋرالى قامشى ءتىلشىسى حابارلايدى. ؛

اسكەرلەردى ورنالاستىرۋ اۋقىمى تۋرالى رەسمي راستاما بولعان جوق, ءبىراق "قىتاي حالىقتىق ازاتتىق ارمياسى تيبەت ءۇستىرتىنىڭ بيىك اۋداندارىندا جۇمىس ىستەۋگە بىرنەشە جەتىلدىرىلگەن قارۋ-جاراق جۇيەلەرى مەن جويعىش ۇشاقتار جىبەردى" دەگەن بولجام بار.

"ۇندى ارمياسى شەكارا ماڭىنداعى لاداح قالاسىندا ورنالاسقان جاياۋ اسكەر ديۆيزياسىنان بىرنەشە باتالونداردى شەكارا بويىنداعى جەدەل دايىندىق ايماعىنا كوشىردى" دەلىنگەن حابارلامادا.

باسقا اۋدانداردان دا اسكەري كۇشتەر جۇمىلدىرىلعان.

داۋلى تەرريتوريالارعا تالاس ەكى جاقتىڭ دا شەكارالىق اۋماقتا اسكەرلەرىن كۇشەيتۋگە سەبەپ بولۋدا. ءورشىپ بارا جاتقان قايشىلىق ءىرى اسكەري قاقتىعىسقا اكەلۋى مۇمكىن. كەيبىر جاھاندىق قورعانىس ساراپشىلارى ايماقتىڭ بەيبىتشىلىگىنە كەپىلدىك جوق ەكەنىن ەسكەرتەدى.

گونكونگتىق اسكەري ساراپشى ليان گۋوليانگتىڭ ايتۋىنشا, بەيجىڭ تارابى جاياۋ اسكەر, ارتيللەريا, اۋە قورعانىسى, اۆياسيا كۇشتەرىمەن قوسا, حيميالىق, يادرولىق جانە ەلەكتروندى سوعىس سالاسىنداعى مامانداردان تۇراتىن كەمىندە توعىز قۇراما توپتى ورنالاستىرعان.

بىر اي بۇرىن ءۇندىستان مەن قىتاي شەكاراسىنداعى گالۆان وزەنىنىڭ القابىندا ەكى جاقتىڭ ساربازدارى اراسىندا توبەلەس, تاس اتىس بولىپ, قاقتىعىس ورىن العان.

ىلمەك سوزدەر: قىتاي ءۇندىستان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر