30 مامىر, 2020 الەۋمەت

قورداي دۇنگەندەرى "؛تەرگەۋ ادىلەتسىز ءوتىپ جاتىر"؛ دەپ ۇندەۋ جاسادى

qamshy.kz

جامبىل وبلىسى قورداي اۋدانىنداعى ەتنيكالىق دۇنگەندەر تەرگەۋ امالدارى مەن كەلگەن زالالدىڭ ورنىن تولتىرۋ ءادىل جۇرمەي جاتقانىن ايتىپ, ۇندەۋ جاسادى, دەپ جازادى ؛kaztag.kz.

ولاردىڭ سوزىنشە, قورعايداعى كونفليكتتەن بەرى ءۇش اي وتسە دە مورالدىق شىعىندى ايتپاعاندا, ماتەريالدىق شىعىن ورنىن تولتىرۋ ماسەلەسى شەشىمىن تاپپاعان. بارلىق دەرلىك تۇرعىندار دۇنيە-مۇلكىنەن ايىرىلعانىنا قاراماستان, كومپەنساسيالىق تولەمدەر وتەلمەگەن.

اۋىل تۇرعىندارى جانجال ۇيىمداستىرۋشىلارى مەن قاتىسۋشىلاردان بولەك, اۋىلدى قورعاعان ازاماتتاردى دا تەرگەۋ ورگاندارى ايىپتالۋشى ەسەبىندە تەرگەپ جاتقانىن ايتۋدا.

ۇندەۋ جاساعاندار بىرنەشە تۇرعىننىڭ تەرگەۋ ورگانىندا مورالدىق, پسيحولوگيالىق جانە فيزيكالىق قىسىم كورىپ جاتقانىن مالىمدەدى. ولاردىڭ سوزىنشە, ءوزى مەن وتباسىن قورعاعان ازاماتتاردى دا ءىستى قىلۋعا تىرىسىپ جاتىر.

"اۋىلدى قورعاپ, ءتۇرلى جاراقات العانداردى شاقىرۋ قاعازىنسىز الىپ كەتىپ, قۇشىرلانا جاۋاپقا الىپ جاتىر. قايتىس بولعان ؛لوحاش لۋگماردىڭ اناسىن قورقىتقانى سونشا, قىسىمى كوتەرىلىپ, دارىگەرلەر زورعا قۇتقارىپ قالدى. ونىڭ ۇيىنە قاندايدا ءبىر قۇجات كورسەتپەستەن ماسقا تاققان 12 ادام تۇنگى ؛23:30 جەتىپ كەلگەن. مارقۇمنىڭ اناسى 73 جاستا. ال ؛ياسىر ؛حۋسەزوۆتىڭ اناسى بالاسى تۇتقىندالىپ, ازاپتالعان ءتۇنى قايتىس بولدى. بالالاردى ءقابىردى اشامىز دەپ قورقىتقان سوڭ, ولار ارىز جازۋدان باس تارتقان" دەلىنگەن ۇندەۋدە.

باس پروكۋراتۋرانىڭ ارنايى پروكۋرورلار قىزمەتىنىڭ باسشىسى ريزابەك وجاروۆ كەز كەلگەن ۇندەۋ جەكە قارالىپ, نازاردان تىس قالمايتىنىن مالىمدەدى.

ال جامبىل وبلىسى اكىمىنىڭ ورىنباسارى ەرجان جىلقىباەۆ ەتنيكالىق دۇنگەندەردىڭ شىعىنداردى وتەۋ تۋرالى تاراتقان اقپاراتى جاڭساق ەكەنىن ايتتى.

"بىرىنشىدەن, زارداپ شەككەن 39 وتباسىعا 44 ملن تەڭگە كولەمىندە كومەك كورسەتىلدى. بۇدان بولەك اسىراۋشىسىنان ايىرىلعان وتباسىلارداعى بالالارعا كامىلەتتىك جاسقا تولعانعا دەيىن اي سايىن 55 مىڭ تەڭگەدەن بەرىلەدى. ؛جوندەۋ جۇمىستارى دەمەۋشىلەر ەسەبىنەن ءجۇرىپ جاتىر. بۇل ءۇشىن ارنايى قور قۇرىلعان. قاراجات جەتكىلىكتى. بۇگىندە 65 نىساننىڭ 54-ىندە جۇمىس جۇرۋدە. 11 نىساندا جۇمىس جۇرگىزىلىپ جاتقان جوق. ويتكەنى نىسانداردى سالۋدا زاڭ تالاپتارى ساقتالماعان, ءارى ول ۇيلەر "قىزىل سىزىقتا" تۇرعىزىلعان. قۇجاتتارى دا جوق. ماسەلە كوميسسيا قاراۋىندا جاتىر. ءتيىستى شارالار كەيىنىرەك قابىلدانادى. بارلىعى زاڭ شەڭبەرىندە بولۋعا ءتيىس. 103 ءۇيدى تۇرعىندار وزدەرى قالپىنا كەلتىرىپ جاتىر. ول ۇيلەرگە تەرەزەنىڭ شاعىلۋى سىندى ۇساق زالال كەلگەن. ءۇي يەلەرى "قارجى تاۋىپ بەرسەڭدەر, ءوزىمىز جاساپ الامىز" دەگەن سوڭ دەمەۋشىلەر اقشاسىنان ولارعا قارجى ءبولىنىپ بەرىلدى. ءقازىر اتالعان ۇيلەردە قۇرىلىس اياقتالدى. قالعاندارىن تامىزدىڭ سوڭىنا دەيىن بىتىرەمىز" دەدى ؛ەرجان جىلقىباەۆ.

ىلمەك سوزدەر: قورداي كونفليكتى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر