• usd 410.7
  • eur 465.28
  • rub 5.8
  • cny 58.81

29 مامىر, 2020 news

"؛پاندەميانىڭ تەڭىزگە شىعاتىن جولى جوق دامۋشى ەلدەرگە زاردابى كوبىرەك ءتيدى"؛

akorda.kz

قازاقستان پرەزيدەنتى «؛covid-19 پاندەمياسى تۇسىندا جانە ودان كەيىنگى كەزەڭدە دامۋدى قارجىلاندىرۋ»؛ اتتى جوعارى دەڭگەيدە وتكەن شاراعا قاتىستى. بەينە كونفەرەنسيا فورماتىنداعى فورۋم بۇۇ باس حاتشىسى انتونيۋ گۋتەرريشتىڭ, كانادا پرەمەر-مينيسترى دجاستين تريۋدو مەن يامايكا پرەمەر-مينيسترى ەندريۋ حولنەسستىڭ باستاماسىمەن ءوتتى. اتالعان جيىن covid-19 ىندەتىنىڭ سالدارىن جەڭىلدەتۋ جانە داعدارىستان كەيىنگى قايتا قالپىنا كەلتىرۋ جۇمىستارىنا حالىقارالىق ءىس-قيمىلداردى جۇمىلدىرۋعا ارنالدى.

تەڭىزگە شىعاتىن جولى جوق دامۋشى ەلدەر توبىنىڭ ءتوراعاسى رەتىندە ءسوز سويلەگەن قاسىم-جومارت توقاەۆ الەمدىك قوعامداستىقتىڭ نازارىن ىندەتتىڭ سالدارىنا اۋدارا وتىرىپ: «؛پاندەميا بارلىق مەملەكەتتەردىڭ دامۋىنا ءقاۋىپ ءتوندىردى. اسىرەسە سىرتقى قارجىلاندىرۋى, ساۋدا جانە ينۆەستيسياسى ازايعان تەڭىزگە شىعاتىن جولى جوق دامۋشى ەلدەرگە ونىڭ زاردابى كوبىرەك ءتيدى»؛, &ndash؛ دەدى.  ؛

وسى ورايدا مەملەكەت باسشىسى دامۋشى ەلدەردىڭ سىرتقى قارىزداردى جانە «؛سيفرلىق تەڭسىزدىكتى»؛ جويۋ, تازا اۋىزسۋعا, جاسىل جانە زاماناۋي اگروتەحنولوگيالارعا قولجەتىمدىلىكتى قامتاماسىز ەتۋ پروبلەمالارىن شەشۋ ءۇشىن حالىقارالىق ىس-ارەكەتتەردى جۇمىلدىرۋعا شاقىردى.

قاسىم-جومارت توقاەۆ قازاقستاننىڭ «؛بۇۇ-نىڭ گۋمانيتارلىق كومەك كورسەتۋدىڭ جاھاندىق جوسپارىن»؛ ىسكە اسىرۋعا جانە كوروناۆيرۋسقا قارسى كۇرەس بارىسىندا ءبىرقاتار شەت مەملەكەتكە جاساعان گۋمانيتارلىق قولداۋىن ەرەكشە اتاپ ءوتتى. مەملەكەت باسشىسى ەلىمىزدىڭ جاھاندىق ازىق-تۇلىك قاۋىپسىزدىگىن قامتاماسىز ەتۋگە, قاقتىعىستاردى رەتتەۋگە جانە بەيبىتشىلىك ورناتۋعا بەيىلدى ەكەنىن ناقتىلادى.

فورۋمعا گەرمانيا, فرانسيا, وڭتۇستىك افريكا رەسپۋبليكاسى, جاپونيا, يتاليا, ۇلىبريتانيا, پاكىستان, قىرعىزستان, بەلارۋس, ساۋد ارابياسى جانە باسقا دا مەملەكەتتەردىڭ كوشباسشىلارى, حالىقارالىق ۆاليۋتا قورى, ەكونوميكالىق ىنتىماقتاستىق جانە دامۋ ۇيىمى, دۇنيەجۇزىلىك بانك جەتەكشىلەرى, سونداي-اق, ءبىرقاتار حالىقارالىق قارجى ينستيتۋتىنىڭ باسشىلارى قاتىستى. ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر