• usd 410.7
  • eur 465.28
  • rub 5.8
  • cny 58.81

28 مامىر, 2020 news

دۋلات ءاعادىلدىڭ ولىمىنە قاتىستى قىلمىستىق ءىس توقتاتىلدى

اشىق دەرەككوز

نۇر-سۇلتانداعى تەرگەۋ يزولياتورىندا كوز جۇمعان بەلسەندى ؛دۋلات اعادىلدىڭ ؛ولىمىنە قاتىستى قوزعالعان قىلمىستىق ءىس توقتاتىلدى. بۇل تۋرالى نۇر-سۇلتان قالالىق پروكۋراتۋراسى حابارلادى.

"تاجىريبەلى سوت-مەديسينا ساراپشىلارى مەن جوعارى ساناتتاعى كارديولوگتاردان قۇرالعان كوميسسيا ءاعادىل ءولىمىنىڭ سەبەپتەرىن مۇقيات زەرتتەدى. ءاعادىلدىڭ جاقىن تۋىستارىنىڭ ءوتىنىشى بويىنشا كوميسسياعا ەنگەن ساراپشىلار دا بار. ولاردىڭ انىقتاۋىنشا, ءاعادىلدىڭ ولىمىنە جۇرەك اۋرۋلارىنىڭ اسقىنۋى سەبەپ بولعان" دەلىنگەن حابارلامادا.

پروكۋراتۋرانىڭ حابارلاۋىنشا, كوميسسيا مۇشەلەرى ءاعادىل دەنەسىنەن جاراقات تاپپاعان.

"اعادىلدىڭ ولىمىنە وعان قويىلعان اسقىنعان ميوكارد ينفاركتى دياگنوزى سەبەپ بولدى. ناتيجەسىندە قان ۇيىعىشتىعى بۇزىلىپ, سول جاق جۇرەك قارىنشاسىندا قان جەتكىلىكسىزدىگى بايقالعان. ساراپشىلار ءاعادىلدىڭ دەنەسىنەن جاراقاتتار انىقتامادى. وسىعان بايلانىستى 25 مامىردا اعادىلگە قاتىستى ءىس قىلمىستىق ەرەجەبۇزۋشىلىق بولماعاندىقتان توقتاتىلدى", - دەدى پروكۋراتۋراداعىلار.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر