28 مامىر, 2020 news
elitar.kz
مادەنيەت جانە سپورت مينيسترلىگى سپورت جانە دەنە شىنىقتىرۋ كوميتەتى ءتوراعاسىنىڭ بۇرىنعى جانە قازىرگى ورىنباسارلارى ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى. ؛
اگەنتتىك جاريالاعان اقپاراتقا قاراعاندا كۇدىكتىلەرگە وسكەمەن قالاسىندا ؛380 ميلليون تەڭگە بيۋدجەت قاراجاتىن جىمقىردى دەگەن ايىپ تاعىلىپ وتىر. ؛اگەنتتىكتىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ سوت كۇدىكتىنىڭ بىرەۋىن 2 ايعا قاماۋ تۋرالى شەشىم شىعارعانىن ايتتى. ؛
"ولار ريددەر قالاسىنداعى وليمپيادالىق رەزەرۆ بويىنشا رەسپۋبليكالىق ماماندىرىلعان مەكتەپ-ينتەرنات-كوللەدجىنىڭ 300 ورىندىق وقۋ كورپۋسىنىڭ قۇرىلىسى كەزىندە 380,8 ميلليون تەڭگە بيۋدجەت قاراجاتىن جىمقىرعانى ءۇشىن ايىپتالدى. كۇدىكتىلەر ناقتى جۇمىستار اتقارىلماسا دا, ول اقشانى مەردىگەردىڭ ەسەپشوتىنا اۋدارعان. ءقازىر تەرگەۋ جۇمىستارى جالعاسىپ جاتىر" دەدى بيعايداروۆ بۇگىن وتكەن ونلاين بريفينگتە. ؛
ەسكە سالساق, ەكى قىزمەتكەرى پارا الدى دەگەن كۇدىككە ىلىنگەن كوميتەتتى 2019 جىلدىڭ باسىنان بەرى لوندون وليمپياداسىنىڭ چەمپيونى, بوكسشى سەرىك ساپيەۆ باسقارادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر