كورنەكى سۋرەت
egov mobile قوسىمشاسىندا قولجەتىمدى قۇجاتتار سانى ارتا ءتۇسۋى مۇمكىن. بۇل ازاماتتار تاراپىنان كەلىپ تۇسكەن ۇسىنىستار نەگىزىندە جۇزەگە اسپاق. سيفرلىق دامۋ, يننوۆاسيالار جانە اەروعارىش ونەركاسىبى ءمينيسترى اسقار جۇماعاليەۆتىڭ سوزىنشە, قوسىمشا تاعى 11 قىزمەتپەن تولىعۋى ىقتيمال.
"وتكەن اپتادا egov mobile قوسىمشاسىندا بولاتىن جانە ءتيىستى زاڭ قابىلدانعان سوڭ, قاعاز قۇجاتتاردىڭ زاڭدى بالاماسى رەتىندە قولدانىلاتىن سيفرلىق قۇجاتتار تۋرالى جازبا جاريالاعان ەدىم. ءقازىر قوسىمشادا بار قۇجاتتاردان باسقا, تاعى قانداي قۇجاتتاردىڭ سمارتفونىڭىزدا بولعانىن قالايسىز دەگەن سۇراعىما سىزدەردەن كوپتەگەن ۇسىنىس كەلىپ ءتۇستى. سول بويىنشا ءتىزىم جاسادىق:
1. پاسپورت
2. جۇرگىزۋشى كۋالىگى
3. ستۋدەنتتىك بيلەت
4. كولىكتىڭ تەحپاسپورتى
5. اسكەري بيلەت
6. ديپلوم
7. قارۋدى پايدالانۋعا بەرىلگەن رۇقسات
8. زەينەتكەر كۋالىگى
9. اڭشىلىق بيلەت
10. مۇگەدەكتىگى تۋرالى كۋالىك
11. جىلجىمايتىن مۇلىكتىڭ تەحپاسپورتى
وسى قۇجاتتاردىڭ ءبىرقاتارىن ءموبيلدى قوسىمشاعا ەنگىزۋ ءۇشىن ءتيىستى مەملەكەتتىك ورگاندارعا حات جولداپ, قاجەتتى ينتەگراسيانى جۇرگىزۋ مۇمكىندىگىن قاراستىرۋدى ۇسىندىق.
ۆەدومستۆوارالىق كوميسسيانىڭ جاقىن ۋاقىتتا وتەتىن وتىرىسىندا بۇل پروسەستى جەدەلدەتۋ ءۇشىن اتالعان ماسەلەنى تالقىلاۋدى جوسپارلاپ وتىرمىز" دەلىنگەن ءمينيستردىڭ facebook-تاعى جازباسىندا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر