nasa تىكەلەي ەفيردە ۇشىرىلىم بولمايتىنىن جاريالادى (ۆيدەو)

nasa اۋا رايىنىڭ قولايسىزدىعىنا بايلانىستى ۇشىرىلىمنىڭ كەيىنگە شەگەرىلگەنىن جاريالادى. ؛بۇل تۋرالى قامشى ءتىلشىسى nasa-نىڭ تىكەلەي ترانسلياسياسىنا سىلتەمە جاساپ حابارلايدى.

تىكەلەي ەفيردە ۇشىرىلىمنىڭ الداعى ءۇش كۇندە بولاتىنى ايتىلدى. سوڭىندا الداعى سەنبىنىڭ تاڭدالعانى جاريالاندى. سەنبى كۇنى جەرگىلىكتى ۋاقىت بويىنشا تۇستەن كەيىن ساعات 15:22-گە وزگەرتىلگەنى ناقتىلاندى. الايدا ول كۇنى دە اۋا رايى قولايسىز بولسا, جوسپاردىڭ تاعى وزگەرۋى مۇمكىن ەكەنى دە ەسكەرتىلدى. اۋا رايىنىڭ الداعى ۇشىرىلىمعا ىقپال ەتۋ مۇمكىندىگىنىڭ 40 پايىز ەكەنى حابارلاندى.

ايتا كەتەيىك, ؛nasa عارىشكەرلەرى اقش توپىراعىندا 2011 جىلدان بەرى العاش بولاتىن عارىشقا ۇشۋعا دايىندالۋدا. 2011 جىلدان بەرى ولار عارىشقا بايقوڭىردان ۇشىپ كەلگەن. ؛

ۇشىرىلىم بولاتىن كۇن "امەريكالىق عارىشتىق باعدارلامانىڭ جاڭا ءداۋىرى باستالاتىن كۇن" دەپ سيپاتتالۋدا.

امەريكالىق ەكى عارىشكەردىڭ حالىقارالىق عارىش ستانسياسىنا ۇشۋ ۋاقىتى ؛جەرگىلىكتى ۋاقىت بويىنشا ساعات 16:33-كە (الماتى ۋاقىتى بويىنشا بۇگىن تاڭعى 2:33) جوسپارلانىپ, فلوريداداعى كەننەدي عارىش ورتالىعىنان ۇشىرىلماق بولعان. ؛

بىراق اتلانتيدا عارىشتىق ۇشۋى اياقتالعاننان كەيىن امەريكالىق عارىشكەرلەردىڭ 9 جىلدان بەرگى العاشقى ۇشىرىلىمى جۇزەگە اسپادى.

ەگەر سەنبىدە ءبارى ويداعىداي بولسا, يلون ماسكتىڭ "spacex crew dragon" عارىش كەمەسى nasa عارىشكەرلەرى روبەرت بەننكەن مەن دۋگلاس حەرليدى حالىقارالىق عارىش ستانسياسىنا جەتكىزەدى.

وقيعانىڭ جالپى بارىسىن تومەندەگى سىلتەمە ارقىلى كورۋگە بولادى. ؛