17 مىڭنان استام شاعىن جانە ورتا بيزنەس وكىلدەرىنە جەڭىلدىكتەر بەرىلدى

بۇگىنگى تاڭدا, قازاقستان رەسپۋبليكاسى ۇكىمەتىنىڭ ەكونوميكالىق ءوسۋدى قالپىنا كەلتىرۋ جونىندەگى كەشەندى جوسپارى قابىلداندى.

س.ترۇموۆتىڭ ايتۋىنشا توتەنشە جاعداي كەزەڭىندە ۇكىمەت تاراپىنان قابىلدانعان قولداۋ شارالارى ماڭعىستاۋ وبلىسىندا الەۋمەتتىك-ەكونوميكالىق تۇراقتىلىقتى ساقتاۋدا ءوز ناتيجەسىن بەرىپ وتىر. بارلىق الەۋمەتتىك كومەك, ەڭبەكاقى, ءتيىستى قولداۋلار ۋاقىتىلى جۇرگىزىلۋدە. ونىڭ ىشىندە مەديسينا سالاسىنىڭ قىزمەتكەرلەرىنە دە مەملەكەت باسشىسىنىڭ تاپسىرماسىنا سايكەس تولەمدەر دە دەر كەزىندە بەرىلۋدە.

- بۇعان دەيىن ايتىلعانداي تابىس كوزىن جوعالتقان 153 مىڭنان استام ادامعا 42 500 تەڭگەدەن مەملەكەتتىك قولداۋ تولەندى؛

- ؛«؛بىز بىرگەمىز»؛ پارتيالىق قايىرىمدىلىق جوباسى اياسىندا 13 مىڭنان استام جانۇياعا 50 مىڭ تەڭگەدەن كومەك بەرىلدى جانە بۇل شارا ءارى قاراي دا جالعاساتىن بولدى؛

- ؛از قامتىلعان وتباسىلار ءۇشىن ءساۋىر, مامار ايلارىنداعى كوممۋنالدىق قىزمەتتەرگە تولەمدەرىن وتەۋگە 2,2 ملرد. تەڭگە قارجى قاراستىرىلدى؛

- جۇمىسپەن قامتۋ شارالارىنا دا ۇكىمەت تاراپىنان قولداۋ كورسەتىلىپ, «؛جۇمىسپەن قامتۋدىڭ جول كارتاسى»؛ قابىلداندى. باعدارلاما اياسىندا وڭىردە 144 جوبا ىسكە اسىرىلىپ, 8 500 جۇمىس ورنى قۇرىلاتىن بولادى,-دەدى وبلىس اكىمى.

ۇكىمەت تاراپىنان كاسىپكەرلىك سالاسىنا دا ايتارلىقتاي قولداۋ شارالارى كورسەتىلۋدە.

تۋريزم, قوعامدىق تاماقتاندىرۋ جانە قوناق ءۇي قىزمەتتەرى سالاسىنداعى كاسىپكەرلەر مۇلىك سالىعىنان بوساتىلدى. ميكرو, شاعىن جانە ورتا كاسىپكەرلىك سۋبەكتىلەرى ءۇشىن بارلىق سالىقتار بويىنشا تولەمدەر مەرزىمى ۇزارتىلدى.

جالپى العاندا, وبلىس بويىنشا جىل سوڭىنا دەيىن 17 مىڭنان استام شاعىن جانە ورتا بيزنەس وكىلدەرىنە سالىق الىمىنا جەڭىلدىكتەر بەرىلىپ وتىر.

ماڭعىستاۋ وبلىسىنىڭ ەكونوميكاسى مۇناي سالاسىنا تىكەلەي تاۋەلدى ەكەنى بەلگىلى. قازىرگى تاڭدا الەمدىك نارىقتاعى مۇناي باعاسىنىڭ تۇراقسىزدىعى بىزدەگى مۇناي ءوندىرۋشى ءىرى كومپانيالاردىڭ قىزمەتىنە دە كەرى اسەرىن تيگىزۋدە. سوندىقتان ءبىز مۇناي شيكىزاتىنا تاۋەلدىلىكتى ازايتۋ باعىتىندا ەكونوميكانى ءارتاراپتاندىرۋ, شيكىزاتتىق ەمەس سالالاردىڭ دامۋىنا تىڭ سەرپىن بەرەتىن نەگىزگى باعىتتاردى ايقىندادىق. ولار &ndash؛ وڭدەۋ ونەركاسىبى, اگروونەركاسىپ كەشەنى, سەرۆيستىك ەكونوميكا, ونىڭ ىشىندە تۋريزم, ساۋدا, كولىك-لوگيستيكاسى. اتالعان سالالاردىڭ نەگىزگى دامۋ باعىتتارى بويىنشا ارنايى جوسپار جاساقتالىپ, ءار باعىت بويىنشا جىل سوڭىنا دەيىن قول جەتكىزىلۋى ءتيىس مەجەلەر بەلگىلەندى.

«؛اتالعان ىندەت ورشىگەن كەزدە ءبىراز ماسەلە قوعام وكىلدەرىنىڭ بەلسەنە قاتىسۋىمەن جانە ەرەن ەڭبەكتەرىنىڭ ارقاسىندا شەشىمىن تاپتى. سونىڭ ىشىندە مەديسينا مەن قۇقىق قورعاۋ ورگاندارى جانە قورعانىس سالاسى قىزمەتكەرلەرىنىڭ ەڭبەكتەرىن ەرەكشە ايتقىم كەلەدى. سونىمەن بىرگە, ۆولونتەرلارىمىزدىڭ تاباندىلىعىنىڭ, جۋرناليستەرىمىزدىڭ جىگەرىنىڭ جانە كوممۋنالدىق قىزمەتكەرلەرىمىزدىڭ ادال جۇمىسىنىڭ ارقاسىندا, ەڭ باستىسى حالقىمىزدىڭ بىرلىگى مەن ءتارتىبىنىڭ جانە بىرلەسكەن جۇمىسىنىڭ ارقاسىندا ءقاۋىپتىڭ بەتىن قايتارا بىلدىك»؛, - دەدى ايماق باسشىسى.

سوز سوڭىندا س.ترۇموۆ ساقتىق شارالارىنىڭ ماڭىزدىلىعىن ايتىپ, وبلىس تۇرعىندارىن كارانتين رەجيمى تالاپتارىن قاتاڭ ساقتاۋعا شاقىردى.