• usd 468.56

  • eur 497.56

  • rub 7.3

  • cny 67.18

28 ناۋرىز, 17:29:50
الماتى
+35°

ىشكى ىستەر مينيسترلىگى 25 مامىردا الماتى وبلىسىنداعى بلوك-بەكەتتە ؛ بولعان قايعىلى وقيعانىڭ سەبەپ-سالدارىن انىقتادى. وسى وقيعادا ەكى پوليسيا قىزمەتكەرى قازا تاپقان بولاتىن. تەكسەرىس كەزىندە جەكە قۇرام اراسىندا الدىن الۋ جۇمىستارىن جۇرگىزۋدە ولقىلىقتار بولعانى انىقتالدى. ءتارتىپ بۇزعان قىزمەتكەرلەرگە قاتىستى دەر كەزىندە ءتيىستى شارالار قولدانىلماعان.

سونىمەن قاتار, باق-قا اقپاراتتى بۇرمالاپ ۇسىنۋ فاكتىلەرىنە باعا بەرىلدى. قىزمەتتىك تەكسەرۋ قورىتىندىسى بويىنشا ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن باسشىلىق قىزمەتتە جۇرگەن توعىز پوليسەيگە قاتىستى تارتىپتىك جازالاۋ شاراسى قابىلداندى.

&ndash؛ الماتى قالاسى پد پاترۋلدىك پوليسيا پولكى كومانديرىنىڭ ورىنباسارى پوليسيا پودپولكوۆنيگى ق.ە. ساتاەۆ؛

&ndash؛ الماتى قالاسى پد كادر ساياساتى باسقارماسىنىڭ باسشىسى پوليسيا پولكوۆنيگى و. س. مىرزابەكوۆ؛

&ndash؛ الماتى قالاسى پد جەكە قۇرام بويىنشا ينسپەكسيا باسشىسى پوليسيا پودپولكوۆنيگى ا.و. اقىلبەكوۆ اتقارىپ جۇرگەن لاۋازىمدارىنان بوساتىلدى.

&ndash؛ الماتى قالاسى پد جەرگىلىكتى پوليسيا قىزمەتىنىڭ باسشىسى پوليسيا پولكوۆنيگى م. ا. ساتتاروۆقا (بۇرىن پولك كومانديرى قىزمەتىن اتقارعان)؛

&ndash؛ الماتى قالاسى وزىندىك قاۋىپسىزدىك باسقارماسىنىڭ باسشىسى پوليسيا پودپولكوۆنيگى س.و. كوكىرەكباەۆقا؛

&ndash؛ الماتى قالاسى پد باسشىسىنىڭ ورىنباسارى پوليسيا پولكوۆنيگى ا.ا. ناشاربەكوۆكە قىزمەتىنە تولىق سايكەس ەمەستىگى ەسكەرتىلدى.

&ndash؛ الماتى قالاسى پد باسشىسىنىڭ ءبىرىنشى ورىنباسارى پوليسيا پولكوۆنيگى ن. س الماسبەكوۆكە, الماتى قالاسى ءپد-نىڭ ءبولىم باسشىسى پوليسيا پودپولكوۆنيگى س.ك. ازىربەككە قاتاڭ سوگىس جاريالاندى.

الماتى قالاسى پوليسيا دەپارتامەنتىنىڭ باسشىسى ق.د.تايمەردەنوۆكە سەنىپ تاپسىرىلعان بولىمشەنىڭ قىزمەتىن ۇيىمداستىرۋداعى كەمشىلىكتەرى ءۇشىن قاتاڭ سوگىس جاريالاندى.

&ndash؛ ءاربىر باسشى ءوزىنىڭ قاراماعىنداعىلارعا جاۋاپتى. ول جەكە قۇرام اراسىندا ءتارتىپ پەن زاڭدىلىقتى ساقتاۋدى قامتاماسىز ەتەدى. بۇل جۇمىس الماتى قالاسىنىڭ پوليسيا دەپارتامەنتىندە ءتيىستى دەڭگەيدە ۇيىمداستىرىلماعان. ناتيجەسىندە ءبىز بىردەن ەكى قىزمەتكەردەن ايىرىلىپ قالدىق, ءبىر قىزمەتكەر اۋىر دەنە جاراقاتىن الدى. ءبىزدىڭ بارلىعىمىز ءۇشىن, اسىرەسە, تۋعان-تۋىسقاندارىمىز ءۇشىن بۇل &ndash؛ ۇلكەن قايعى-قاسىرەت جانە ورنى تولماس قازا. سوندىقتان بۇل توتەنشە جاعدايعا جول بەرگەن باسشىلارعا ءتيىستى شارالار قابىلداندى. ءىىم باسشىلىعى الداعى ۋاقىتتا دا قىزمەتتىك ءتارتىپتى ساقتاۋدى قاتاڭ تالاپ ەتىپ, پوليسيا قىزمەتكەرلەرىنىڭ كەز كەلگەن ءتارتىپ بۇزۋشىلىعىنا ءپرينسيپتى باعا بەرىپ, جاڭا جاعدايدا جۇمى ىستەگىسى كەلمەيتىن نەمەسە جۇمىس ىستەي المايتىن ادامداردان ءوز قاتارىن تازالايتىن بولادى, &ndash؛ دەپ اتاپ ءوتتى ىشكى ىستەر ءمينيسترى ەرلان تۇرعىمباەۆ.

ەسكە سالا كەتسەك, 25 مامىر كۇنى تاڭعا جۋىق № 4 بلوكپوستا bmw جۇرگىزۋشىسى ماس كۇيىندە بەتون قورشاۋعا سوعىلىپ بارىپ, ينەرسيامەن پاترۋلدىك پوليسيا كولىگىن سوققان. جول-كولىك وقيعاسىنان ەكى پوليسيا قىزمەتكەرى كوز جۇمدى. تاعى ءبىر پوليسەيدىڭ جاعدايى اۋىر.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر