• usd 405.69
  • eur 455.51
  • rub 5.72
  • cny 57.42

26 مامىر, 2020 news

بۇۇ: ەكى كورەيا اراسىندا اتىس سالدارىنان بىتىمگەرشىلىك كەلىسىم بۇزىلدى

afp

"ەكى كورەيا دا اتىس جاساپ, ورتاق شەكارانى رەتتەيتىن بىتىمگەرشىلىك كەلىسىمىن بۇزدى" دەپ جاريالادى سەيسەنبىدە بىرىككەن ۇلتتار ۇيىمى باسشىلىعى (بۇۇ). بۇل تۋرالى قامشى ءتىلشىسى afp اگەنتتىگىنە سىلتەمە جاساپ حابارلايدى. ؛

بىرىككەن ۇلتتار ۇيىمى سەيسەنبىدە "سولتۇستىك جانە وڭتۇستىك كورەيانى ءبولىپ تۇرعان اسكەريسىزدەندىرىلگەن ايماقتا ەكى ەلدىڭ اسكەري كۇشتەرى اراسىنداعى بولعان اتىس سالدارىنان بىتىمگەرشىلىك تۋرالى كەلىسىم بۇزىلدى" دەپ مالىمدەدى.

3 مامىردا وڭتۇستىك كورەيا كۇزەت بەكەتىنە سولتۇستىك كورەيا تاراپتان وق اتىلعان. بىرنەشە مينۋتتان كەيىن سەۋلدىڭ ساربازدارى قايتارما مىلتىق اتىپ, ەسكەرتۋ جاساعان.

اتىستىڭ بولماۋىن قاداعالايتىن بۇۇ تەرگەۋ توبى وقيعا بويىنشا تەرگەۋ جۇرگىزىپ, "ەكى جاق تا بىتىمگەرلشىلىك كەلىسىمدى بۇزدى" دەگەن تۇجىرىم جاساعان.

"بىراق تەرگەۋ سولتۇستىكتىڭ ادەيى نەمەسە قاتەلىكپەن وق اتقانىن ناقتىلاي المادى" دەپ مالىمدەدى بۇۇ.

ايتا كەتەيىك, 1953 جىلى كورەيا سوعىسى بەيبىتشىلىك كەلىسىمىمەن ەمەس, بىتىمگەرشىلىكپەن اياقتالعان.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر