ەۋروپالىق وداق: اقش-تىڭ اقىرى تايادى, ازيانىڭ تاڭى اتتى

ەۋروپالىق وداقتىڭ سىرتقى ىستەر بويىنشا باسشىسى اقش باستاعان عالامدىق جۇيەنىڭ اقىرى كەلگەنىن جانە ەۋروپا ءۇشىن قىتايعا ارنالعان مىقتى ستراتەگيا قاجەت ەكەنىن ايتتى. بۇل تۋرالى قامشى ءتىلشىسى the guardian باسىلىمىنا سىلتەمە جاساپ حابارلايدى. ؛

ەۋروپالىق وداقتىڭ سىرتقى ىستەر جونىندەگى باسشىسى حوسەپ بوررەللدىڭ ايتۋىنشا, اقش باسقاراتىن عالامدىق جۇيەنىڭ اقىرى جاقىنداپ, ازيا عاسىرى كەلگەن بولۋى مۇمكىن. بۇل مالىمدەمە قىتاي مەن اقش اراسىنداعى جولدى ەۋروپا قالاي تاڭداۋ كەرەكتىگى تۋرالى تالقىلانعان كەزدە ايتىلدى.

&ndash؛ ساراپشىلار امەريكالىق جۇيەنىڭ جويىلۋى جانە ازيالىق عاسىردىڭ كەلۋى تۋرالى ۇزاق ۋاقىتتان بەرى ايتىپ كەلەدى. بۇل ءقازىر ءبىزدىڭ كوز الدىمىزدا بولىپ جاتىر, &ndash؛ دەدى حوسەپ بوررەلل دۇيسەنبىدە ءبىر توپ نەمىس ديپلوماتتارىنا. ول كوروناۆيرۋس پاندەمياسىنىڭ بەتبۇرىس بولاتىنىن جانە قاي تاراپتى تاڭداۋ قىسىمى ارتىپ كەلە جاتقانىن جەتكىزدى.

&ndash؛ قىتايعا ارنالعان نەعۇرلىم مىقتى ستراتەگيا كەرەك, ءبىراق ول ازيانىڭ باسقا دەموكراتيالىق ەلدەرىمەن جاقسى قارىم-قاتىناستى شارت ەتەدى, &ndash؛ دەپ تولىقتىردى ول.

ەو دونالد ترامپتىڭ قىتايعا قارسى ۇستانىمىمەن كەلىسپەيدى. "الايدا قىتاي بيلىگىنىڭ گونكونگتىڭ تاۋەلسىزدىگىنە شابۋىل جاساۋى جانە قارت قۇرلىققا نارىعىن اشۋدان باس تارتۋى ەۋروپالىق وداقتى قايتا ويلانۋعا ءماجبۇر ەتتى" دەيدى ساراپشىلار.