• usd 413.12
  • eur 452.86
  • rub 5.82
  • cny 57.92

23 مامىر, 2020 news

بەردىبەك ساپارباەۆ 3 اكىمگە سوگىس جاريالادى

zhambyl.gov.kz

بەردىبەك ساپارباەۆ تاراز قالاسى مەن بايزاق جانە تالاس اۋداندارىنىڭ اكىمدەرىنە كارانتين رەجيمىن ءتيىستى دارەجەدە قامتاماسىز ەتپەگەنى ءۇشىن سوگىس جاريالادى.

جامبىل وبلىسى بويىنشا جەدەل شتابتىڭ كەزەكتى وتىرىسىندا كوروناۆيرۋس ينفەكسياسى بويىنشا ەپيدەميولوگيالىق احۋال بارىسى تالقىلاندى. ستاتيستيكاعا سايكەس, ايماقتا covid-19 اۋرۋىنىڭ ءوسۋى بايقالۋدا.

- وكىنىشكە وراي, وبلىسىمىزدا كوروناۆيرۋستىق ينفەكسيانىڭ تارالۋى جالعاسۋدا. سوڭعى 10 كۇننىڭ ىشىندە 30 جاڭا جاعداي انىقتالدى. بۇل جەرگىلىكتى الدىن-الۋ جۇمىستارىنىڭ السىزدىگىن جانە كارانتيندىك شارالاردىڭ ءتيىستى دەڭگەيدە ساقتالماي وتىرعاندىعىن كورسەتەدى. ؛ ەكونوميكالىق قاجەتتىلىككە بايلانىستى شاعىن جانە ورتا بيزنەستىڭ كەيبىر سالالارىنىڭ قىزمەتىنە شەكتەۋلەر الىنىپ تاستالدى. دەگەنمەن بۇل قاۋىپسىزدىك شارالارىن ەلەمەۋگە بولادى دەگەندى بىلدىرمەيدى. كارانتيندىك رەجيمنىڭ تالاپتارى ساقتالۋى كەرەك جانە وعان بارلىعى مىندەتتى. الايدا, تاراز قالاسى مەن اۋدان ورتالىقتارىندا كوپتەگەن تۇرعىندار قورعانىش مەديسينالىق ماسكالارىن پايدالانباۋدا, ال ساۋدا ورىندارى مەن باسقا دا نىسانداردا ازاماتتاردىڭ قاۋىپسىزدىگىن قامتاماسىز ەتۋ بويىنشا ءتيىستى تالاپتار ورىندالماي وتىر. ايتالىق, تالاس جانە بايزاق اۋداندارىندا ءبىر جەردە ادامداردىڭ كوپ جينالۋىنا قاتىس جاعدايدىڭ سالدارىنان اۋرۋشاڭدىقتىڭ ءوسۋى ورىن العان, - دەدى وبلىس اكىمى بەردىبەك ساپارباەۆ.

وبلىستىق تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ دەپارتامەنتىنىڭ باسشىسى بەرىك جارقىنبەكوۆتىڭ ايتۋىنشا, ؛ اعىمداعى جىلدىڭ 24 ناۋرىزىنان 21 مامىرىنا دەيىن ايماقتا كوروناۆيرۋستىق ينفەكسيانىڭ 229 جاعدايى تىركەلگەن. ونىڭ باسىم بولىگى تاراز قالاسى مەن قورداي جانە بايزاق اۋداندارىندا ورىن العان. بۇعان دەيىن اۋرۋدىڭ وڭىرىمىزگە سىرتتان اكەلۋ جاعدايلارى كوبىرەك بايقالسا, سوڭعى كەزدەرى جەرگىلىكتى تۇرعىندار اراسىندا جۇقتىرۋ دەرەگى ءوسىپ وتىر. مۇنداي وقيعالاردىڭ جوعارى ۇلەس سالماعى وبلىس ورتالىعىندا جانە بايزاق اۋدانىندا انىقتالعان. 21 مامىر كۇنگى جاعدايعا سايكەس, وبلىس بويىنشا اۋرۋشاڭدىقتىڭ ءوسۋ دەڭگەيى تاۋلىگىنە 5,4 پايىزدى, ال سوڭعى 7 كۇندە &ndash؛ 17,4 پايىزدى قۇراعان.

 ؛دەپارتامەنت باسشىسى اۋرۋدىڭ كوبەيۋىنىڭ نەگىزگى سەبەپتەرى رەتىندە كاسىپكەرلىك پەن ساۋدا نىساندارىنا ادامداردىڭ جينالۋى, ماسكالىق رەجيمنىڭ بۇزىلۋى, الەۋمەتتىك قاشىقتىقتىڭ ساقتالماۋى, ادامداردىڭ وزدەرى مەن وزگەلەردىڭ دەنساۋلىعىنا نەمقۇرايلىلىق تانىتۋلارىن اتاپ ءوتتى.

ماسەلەن, سوڭعى كۇندەرى تالاس اۋدانىندا كوروناۆيرۋستىق ينفەكسيانىڭ التى وقيعاسى تىركەلدى دەسەك, العاشقى ناۋقاس ء(نولىنشى جاعداي) ورتالىق اۋداندىق اۋرۋحاناعا جاتقىزۋ كەزىندە بەلگىلى بولعان. زەرتحانالىق زەرتتەۋ ؛ بارىسىندا ول ناۋقاسپەن بايلانىستا بولعان ءتورت ادامنىڭ كۆي جۇقتىرعاندىعى انىقتالعان. اۋدانداعى كەلەسى ينفەكسيا قاراتاۋ تۇرعىنىنان تابىلعان.

وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆتىڭ ايتۋىنشا, وبلىستىڭ 36 ەلدى مەكەنىندە كوروناۆيرۋستىق ينفەكسيا انىقتالدى. سوڭعى اپتاداعى اۋرۋدىڭ كوبەيۋ دەڭگەيى بايزاق اۋدانىنىڭ سارىكەمەر اۋىلىندا بايقالعان. قازىرگى تاڭدا جۇقپالى اۋرۋلار اۋرۋحاناسىندا 70 ناۋقاس ەم الۋدا. 1504 ادام دارىگەرلەردىڭ باقىلاۋىنداعى ءۇي كارانتينىنە الىنعان. ەمدەلىپ شىققانداردىڭ سانى &ndash؛ 155, قايتىس بولعاندار &ndash؛ 1.

- احۋال &ndash؛ الاڭداتارلىق كۇيدە. مۇنداي جاعدايدا كارانتين رەجيمىن تىكەلەي بۇزۋشىلارعا دا, جاڭا ينفەكسيا وشاقتارىنىڭ پايدا بولۋىنا جول بەرگەن لاۋازىمدى تۇلعالارعا دا قاتاڭ شارالار قولدانۋ قاجەت. سانيتارلىق-ەپيدەميولوگيالىق قىزمەت ءوز وكىلەتتىكتەرىن بارىنشا باتىل پايدالانعانى دۇرىس, - دەپ اتاپ ءوتتى وبلىس اكىمى.

ايماق باسشىسى جەرگىلىكتى اتقارۋشى ورگاندار مەن سالالىق ۆەدومستۆو باسشىلارىن حالىق اراسىندا ءتۇسىندىرۋ شارالارىن كۇشەيتۋگە, كەيىنگى كەزدەرى جۇمىستارىن السىرەتىپ العان ءموبيلدى توپتاردىڭ قىزمەتىن قايتا جانداندىرۋعا شاقىردى.

- كارانتين رەجيمىنىڭ بارلىق تالاپتارى مەن ايماقتىڭ جەدەل شتابى جۇكتەگەن مىندەتتەردىڭ قاتاڭ ساقتالۋىن قامتاماسىز ەتۋ قاجەت. نەگىزگى مىندەت &ndash؛ ادامداردىڭ قاۋىپسىزدىگىن قامتاماسىز ەتۋ, جاڭا ينفەكسيا وشاقتارىنىڭ الدىن الۋ, - دەدى ب.ساپارباەۆ.

باسقوسۋدا تۇرعىندار تاراپىنان تولاسسىز تۇسكەن وتىنىشتەرگە بايلانىستى حالىققا قىزمەت كورسەتۋ ورتالىقتارىنىڭ قىزمەتىن 25 مامىردان ؛ قايتا باستاۋ تۋرالى شەشىم قابىلداندى. ال, قوعامدىق كولىك قوزعالىسىن قالپىنا كەلتىرۋ ماسەلەسى دۇيسەنبى كۇنى وتەتىن كەزەكتى شتاب وتىرىسىندا تالقىلانباق.

سونداي-اق, ءوز جۇمىسىندا جىبەرىپ العان كەمشىلىكتەرى ءۇشىن تاراز قالاسىنىڭ, تالاس جانە بايزاق اۋداندارىنىڭ اكىمدەرىنە سوگىس جاريالانعاندىعى, سونداي-اق, وسى باعىتقا جەتەكشىلىك ەتەتىن تاراز قالاسى اكىمىنىڭ ورىنباسارى قىزمەتىنەن بوساتىلعاندىعى بەلگىلى بولدى. بۇدان بولەك, قورداي, بايزاق جانە تالاس اۋداندارى اكىمدەرىنىڭ ورىنباسارلارىنىڭ جەكە جاۋاپكەرشىلىگى قارالادى.

ول عانا ەمەس, شتاب وتىرىسىندا ازاماتتاردىڭ جەكەلەگەن ساناتتارىنا ارنالعان الەۋمەتتىك تولەمدەرگە قاتىستى ماسەلە دە جان-جاقتى سارالاندى. كەيبىر اكىمدەرگە اتالعان ماڭىزدى باعىتتاعى ءوز جۇمىستارىنىڭ سىلبىرلىعى ؛ ءۇشىن سىن-ەسكەرتپەلەر ەستۋىنە تۋرا كەلدى. مەملەكەت تاراپىنان قاراجات قاراستىرىلعانىمەن, جەرگىلىكتى جەرلەردە الەۋمەتتىك جاردەماقىلاردى تولەۋ قارقىنى كوڭىل كوڭشىتپەيدى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جورابەك باۋبەكوۆتىڭ ايتۋىنشا, ت.رىسقۇلوۆ اۋدانىندا ازىق-تۇلىك جانە تۇرمىستىق جيىنتىقپەن قامتاماسىز ەتۋ تولەمى بار-جوعى 38 پايىزعا ورىندالعان. تاراز قالاسى جانە وبلىستىڭ بارلىق اۋداندارىندا مەملەكەت تاراپىنان اتاۋلى الەۋمەتتىك كومەككە بولىنگەن قاراجات تولىق يگەرىلمەگەن.

بەردىبەك ساپارباەۆ جەرگىلىكتى اتقارۋشى ورگانداردىڭ باسشىلارىن الەۋمەتتىك قامسىزداندىرۋ جانە تۇرعىنداردى جۇمىسپەن قامتۋ جايىنا باسا نازار اۋدارۋعا شاقىردى. بۇعان جۇمىسپەن قامتۋدىڭ جول كارتاسىنىڭ ينفراقۇرىلىمدىق جوبالارى مەيلىنشە وڭ ىقپالىن تيگىزبەك. الايدا, بۇل باعىتتاعى جۇمىستاردى شيراتا ءتۇسۋ قاجەت. ايتالىق, جوسپار بويىنشا 18 مىڭنان استام تۇرعىن جۇمىسپەن قامتۋدىڭ ءار ءتۇرلى شارالارىنا تارتىلۋى ءتيىس بولسا, بۇگىنگى تاڭدا جوبالار بويىنشا نەبارى 7 مىڭ ادام جۇمىس ىستەۋدە.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر