• usd 399.67
  • eur 452.95
  • rub 5.82
  • cny 56.36

21 مامىر, 2020 news

نۇر-سۇلتاندا قۇرىلىس كومپانياسىنىڭ ينجەنەرى كوروناۆيرۋس جۇقتىردى

astana.gov.kz

ەلوردادا ؛قۇرىلىس نىساندارىنىڭ ءبىرى كارانتينگە جابىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

"سكرينينگ بارىسىندا قۇرىلىس كومپانياسىنىڭ ينجەنەرىنەن كوروناۆيرۋس انىقتالدى. الگوريتمگە سايكەس, قۇرىلىس كومپانياسىنىڭ 600-دەن استام قىزمەتكەرى سىناقتان ءوتىپ, 63-تەن استام ادامدا كوراناۆيرۋس راستالدى. ولاردىڭ بارلىعى ستاسيوناردا. بارلىق اۋماق دەزينفەكسيالاندى", دەلىنگەن سايت تاراتقان رەسمي حابارلامادا.

21 مامىرداعى جاعداي بويىنشا نۇر-سۇلتاندا 10 نىسان كارانتينگە جابىلدى. قالادا بارلىعى 1403 كۆي جاعدايى تىركەلىپ, 633 ناۋقاس ەمدەلىپ شىقتى.

اكىمدىكتىڭ ءموبيلدى توبى پوليسەيلەرمەن جانە ەپيدەميولوگتارمەن بىرلەسىپ كۇندەلىكتى نەگىزدە نىسانداردىڭ سانيتارلىق نورمالاردى ساقتاۋى بويىنشا رەيد جۇرگىزەدى.

وسىلايشا, سانيتارلىق نورمالاردى بۇزعانى ءۇشىن ەلوردادا 25 نىسان جابىلدى. ولاردىڭ ىشىندە قۇرىلىس كومپانيالارى, دۇكەندەر, كافەلەر, مەيرامحانالار بار.

"نىساندار قاتاڭ سانيتارلىق-ەپيدەميولوگيالىق نورمالاردىڭ ساقتالۋىن قامتاماسىز ەتپەيىنشە اشىلمايدى. 150 كاسىپورىنعا ەسكەرتۋ جاسالدى. قاتاڭ ەرەجەلەر كوروناۆيرۋستىڭ تارالۋىنا جول بەرمەۋ ماقساتىندا قابىلداندى" دەلىنگەن اقپاراتتىق حابارلامادا.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر