20 مامىر, 2020 news
zhetysu.gov.kz
قر ءبىلىم جانە عىلىم ءمينيسترى اسحات ايماعامبەتوۆ بيىل وقۋشىلارعا اتتەستات تاپسىرۋ ءراسىمى قالاي وتەتىنىن ايتتى.
&ndash؛ وسىعان دەيىن وقۋ جىلىنىڭ اياقتالۋىنا وراي, 25 مامىردا ءداستۇرلى تۇردە سوڭعى قوڭىراۋ سوعىلىپ كەلدى, ياعني مەكتەپ بىتىرەتىن 9 جانە 11-سىنىپ وقۋشىلارى بار. ەلىمىزدە ءتورتىنشى توقسان قاشىقتان وقىتۋ فورماتىندا ءوتىپ جاتىر جانە 25 مامىردا مەكتەپتە ەشكىم بولمايدى. ءداستۇرلى فورماتتا مەكتەپتە قوڭىراۋ سوعىلمايدى. 25 مامىردا سوڭعى قوڭىراۋدى ونلاين فورماتتا وتكىزۋدى جوسپارلاپ وتىرمىز,&ndash؛ دەدى ا. ايماعامبەتوۆ.
سونىمەن قاتار مينيستر اتتەستات تاپسىرۋ شارالارىنا قاتىستى توقتالدى.
&ndash؛ 3-4 ماۋسىمدا 11 سىنىپ ءۇشىن اتتەستات تاپسىرۋ وتكىزىلەدى. وسى ورايدا دەنساۋلىق ساقتاۋ مينيسترلىگىمەن كەڭەس جۇرگىزدىك. قازىرگى جاعدايعا قاراماستان, اتالعان مەرزىمدە 11 سىنىپقا ارناپ اتتەستاتتى سالتاناتتى تۇردە تاپسىرۋ ءراسىمىن وتكىزۋدى جوسپارلىپ وتىرمىز. سونىمەن بىرگە, ولار ءۇشىن سوڭعى قوڭىراۋدى ۇيىمداستىرامىز, &ndash؛ دەپ اتاپ ءوتتى.
مينيستردىڭ ايتۋىنشا, اتالعان شارا اياسىندا ءبىرقاتار شەكتەۋلەر بولادى.
&ndash؛ سانيتارلىق تالاپتار قاتاڭ ساقتالادى. بالالاردىڭ, پەداگوگتاردىڭ قاۋىپسىزدىگىنە ايرىقشا ەكپىن قويامىز, مەديسينالىق ماسقا تاعۋ مىندەتتى بولادى. بۇل شارا اۋلادا, ياعني اشىق كەڭىستىكتە وتەدى. ءار سىنىپ ءوزىنىڭ شاراسىن جەكەلەي ۇيىمداستىرادى. اراقاشىقتىقتى ساقتاۋ ءۇشىن ارنايى بەلگىلەر قويىلادى, &ndash؛ دەدى مينيستر.
ەسكە سالا كەتەيىك, تۇلەكتەرگە اتتەستات ؛3-4 ماۋسىمدا تاپسىرىلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر