20 مامىر, 2020 news

الماتىدا قوعامدىق كولىك جۇمىسىنىڭ ۋاقىتى ۇزارتىلدى

كورنەكى سۋرەت

الماتىدا قالالىق اۆتوبۋس مارشرۋتتارى 21 مامىردان باستاپ ساعات 21:00-گە دەيىن جۇمىس ىستەيتىن بولادى, دەپ ؛حابارلادى قالا اكىمدىگىنىڭ ءباسپاسوز قىزمەتى.

بۇل رەتتە جولاۋشىلار بەتپەردە تاعۋ جانە الەۋمەتتىك اراقاشىقتىقتى ساقتاۋ سياقتى سانيتارلىق نورمالاردى قاتاڭ ساقتاعان جاعدايدا عانا قوعامدىق كولىكپەن قاتىناي الادى.

سونداي-اق اۆتوبۋس سالونىنداعى جولاۋشىلار سانى وتىراتىن ورىنداردىڭ سانىنان اسپاۋى ءتيىس. قالا اۆتوپاركتەرىنىڭ بىرىندە اتاپ وتكەندەي, ەگەر بارلىق ورىندار بوس ەمەس بولسا, كەلەسى اۆتوبۋستى كۇتۋ كەرەك. جولاۋشىلار اعىنىنىڭ ايتارلىقتاي ازايۋىنا قاراماستان, قالا تۇرعىندارىنىڭ ىڭعايلىلىعى مەن كۇتۋ ارالىعىن قىسقارتۋ ءۇشىن ءقازىر اۆتوبۋستاردىڭ 90%-ى جولعا شىعارىلدى. سونىمەن قاتار جولاۋشىلار اعىنىنىڭ ۇلعايۋى بايقالعان تانىمال باعىتتاردا جىلجىمالى بىرلىكتەر سانى ارتتى.

وسى تۇستا سانيتارلىق نورمالاردىڭ ساقتالۋىنا جولاۋشىلاردىڭ وزدەرى جاۋاپتى ەكەنىن اتاپ وتكەن ءجون. سەس قىزمەتكەرلەرى قۇقىق قورعاۋ ورگاندارىمەن بىرلەسىپ قوعامدىق كولىكتە تەكسەرۋ ۇيىمداستىرادى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر