ەلوردادا وقۋ اقىسىن تولەي الماي وتىرعان ستۋدەنتتەرگە جەڭىلدىك جاسالدى

نۇر-سۇلتاننىڭ جاستار ساياساتى باسقارماسى كارانتين كەزىندە جوو وقۋ اقىسىن تولەي الماي وتىرعان ستۋدەنتتەردىڭ ماسەلەسىن شەشۋگە كومەكتەستى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

قازىرگى ۋاقىتتا قالادا 1319 ءبىتىرۋشى ستۋدەنت وقۋ اقىسىن تولەي الماي وتىر.

&ndash؛ ؛بۇل ماسەلەنى شەشۋ ءۇشىن جوو باسشىلارىمەن بىرلەسە, وقۋ اقىسىن تولەي الماعان 4 كۋرس ستۋدەنتتەرىنىڭ تولەم مەرزىمدەرىن ماۋسىم ايىنا دەيىن ۇزارتۋعا كەلىستىك, &ndash؛ دەدى قالانىڭ جاستار ساياساتى ماسەلەلەرى باسقارماسىنىڭ باسشىسى داۋلەت كارىبەك.

ونىڭ ايتۋىنشا, ۋنيۆەرسيتەت تاراپىنان الەۋمەتتىك جاعدايى تومەن ستۋدەنتتەرگە جەڭىلدىكتەر جاسالىندى. مىسالى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى &ndash؛ 114 ستۋدەنتكە, تەحنولوگيا جانە بيزنەس ۋنيۆەرسيتەتى ؛&ndash؛ 72 ستۋدەنتكە, ؛ قازگزۋ &ndash؛ 29 ستۋدەنتكە جانە «؛تۇران-استانا»؛ ۋنيۆەرسيتەتى &ndash؛ 15 ستۋدەنتكە جەڭىلدىك جاساعان. ؛

بۇعان قوسا, ەلوردالىق جاستار ساياساتى ماسەلەلەرى باسقارماسى شەت ەلدە ءبىلىم الاتىن (ۆارشاۆا - 85, ماسكەۋ - 149) ؛ 234 ستۋدەنتتى نۇر-سۇلتان قالاسىنا كۇتىپ الۋ, ولاردى قوناق ۇيلەرگە جايعاستىرۋ جانە باسقا وڭىرلەرگە جونەلتۋ جۇمىستارىن جۇزەگە اسىردى. ؛

سونىمەن قاتار باسقارما قازاقستاننىڭ وزگە ايماقتارىنا شەت ەلدەردەن (كيپر-1, رەسەي-37, بولگاريا-2, پولشا-42 , نيدەرلاندى-16, تايلاند-4 جانە بىرىككەن اراب امىرلىكتەرىنەن-14) ۇشىپ كەلگەن 116 ستۋدەنتتى ەلورداعا ارنايى اۆتوكولىكتەرمەن الىپ كەلۋدى ۇيىمداستىردى.

 ؛