تۇركىستان وبلىسىنىڭ تاۋلى اۋداندارىندا نوسەر جاۋىننىڭ كوپ جاۋۋى سالدارىنان بولعان سەل تاسقىنىنان تولەبي, قازىعۇرت, بايدىبەك اۋداندارىندا جالپى 522 ءۇي اۋلاسى, 4 ءۇيدى سۋ باسىپ, 258 ادام ەۆاكۋسيالاندى. 1077 م3 سۋ شىعارىلدى, دەپ حابارلايدى ؛تۇركىستان وبلىسى اكىمىنىڭ ءباسپاسوز قىزمەتى.

تولەبي اۋدانىنداعى سەلدەن زارداپ شەككەن اۋماقتاردى ارالاعان وبلىس باسشىسى ءومىرزاق شوكەەۆ تەك 40 مينۋتتىڭ ىشىندە 1 ايلىق جاڭبىر جاۋعانىن, بۇل سوڭعى جىلدارى العاش رەت ورىن العان تابيعي قۇبىلىس ەكەنىن ايتتى.

وبلىس اكىمىنىڭ ورىنباسارى ساكەن قالقامانوۆ وڭىرلىك كوممۋنيكاسيا قىزمەتىنىڭ الاڭىنداعى جيىندا سۋ باسۋ بويىنشا دەرەكتەرمەن ءبولىستى.

تۇركىستان وبلىستىق توتەنشە جاعداي دەپارتامەنتىنىڭ مالىمەتىنە سايكەس, تولەبي اۋدانىنداعى قاسقاسۋ وزەنىندە سۋ دەڭگەيىنىڭ كوتەرىلۋىنەن 4 ءۇي, 376 اۋلا اۋماعىن سۋ باستى. جەرگىلىكتى ماڭىزى بار ءتورت كوپىردى سۋ شايىپ كەتتى. 8 باس ءىرى قارا جانە ۇساق مال شىعىنى بولدى. اۋدان ورتالىعى لەنگىر قالاسىنداعى 20 اۋلا سۋ استىندا قالدى.

تاسقىننان زارداپ شەككەن سۇلتان رابات اۋىلىنىڭ 150 تۇرعىنىنا №5 كاسىبي تەحنيكالىق كوللەدج بازاسىندا ەۆاكۋاسيالىق پۋنكت ۇيىمداستىرىلدى. ول جەرگە 70 ادام جايعاستىرىلدى. ونىڭ ء32-سى بالا. تاعى 80 ادام جاقىن ماڭداعى تۋىستارىنىڭ ۇيىنە ورنالاستى. قوسىمشا كوكسايەك ەلدىمەكەنىندە ورنالاسقان №9 كوپسالالى كوللەدجىندە 150 ادامعا ارنالعان ەۆاكۋاسيالىق پۋنكت دايىندالدى.

قازىعۇرت اۋدانىندا 6 ءۇي اۋلاسى مەن قارجان اۋىلىنداعى "سەمبي" ەمحاناسىنىڭ اۋماعىن سۋ باستى. س. راحىموۆ اۋىلدىق وكرۋگىنىڭ تۇرىندارىن ەۆاكۋاسيالاۋعا تۇركىستان وبلىسى تجد قىزمەتكەرلەرى جۇمىلدىرىلدى. كوكىبەل اۋىلىنان 133 ادام ەۆاكۋاسيالاندى. ونىڭ ء45-ى بالالار. بارلىق ەۆاكۋاسيالانعان تۇرعىندار تۋىستارىنىڭ ۇيلەرىنە جايعاستىرىلدى. قازىرگى تاڭدا سۋ باسقان ايماقتارداعى ارىقتاردى تازالاۋ جۇمىستاردى جۇرگىزىلۋدە.

بايدىبەك اۋدانىنداعى اقباستاۋ اۋىلدىق وكرۋگىنە قاراستى تۇراقتى كانالىنان تاسىعان سۋ سالدارىنان 3 ەلدىمەكەندەگى 13 ءۇي اۋلاسىن سۋ باستى. سۋ دەڭگەيى 20 سم-گە دەيىن كوتەرىلگەن. توتەنشە جاداي قىزمەتكەرلەرىنىڭ كومەگىمەن تۇراقتى اۋىلىنان 55 ادام اقباستاۋ اۋىلىنداعى ءش.ۋاليحانوۆ ورتا مەكتەبىندەگى ەۆاكۋاسيالىق پۋنكتتە ورنالاستىرىلدى. ونىڭ ىشىندە ء18-ى جاس بالا.

تۇركىستان وبلىسىنىڭ تجد جانىنان دەپارتامەنت قىزمەتكەرلەرى جەرگىلىكتى اتقارۋشى ورگاندار مەن پوليسيا قىزمەتكەرلەرىنەن قۇرالعان جەدەل شتاب قۇرىلدى. سۋ تاسقىنى زاردابىن جويۋا 612 مامان مەن 84 تەحنيكا 47 موتوپومپ جۇمىلدىرىلدى.

توتەنشە جاعداي جاريالانعان تولەبي اۋىلىنداعى قاسقاسۋ ەلدى مەكەنىندە ورنالاسقان 2 كوپىردى تولىق سۋ شايىپ كەتكەن, 1 كوپىرگە زاقىم كەلگەن. جەرگىلىكتى ماڭىزى بار تاعى ءبىر كوپىردى سۋ شايعان. 4 كوپىردى تولىق رەتكە كەلتىرۋ جۇمىستارى تىنىمسىز جۇرگىزىلۋدە. ناتيجەسىندە, ەكى وتكەل تولىق رەتكە كەلتىرىلىپ, اۋىلداردىڭ بايلانىسى اشىلدى.

4 كوپىردىڭ ەكەۋى ءبىر كۇندە قالپىنا كەلتىرىلدى. تاعى ءبىرى رەتتەلىپ, جاياۋ جۇرگىنشىلەر ءۇشىن اشىلدى. ەرتەڭگە دەيىن اياكتاپ, كولىك ءجۇرۋ ءۇشىن اشىلادى. بۇل جۇمىسقا 20 تەحنيكا جانە 21 جۇمىسشى جۇمىلدىرىلعان.

"قامشى" سىلتەيدى
ىلمەك سوزدەر: سەل تاسقىنى نوسەر

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر