بريتانيالىق ساياساتكەر: ءبىرىنشى دۇنيەجۇزىلىك سوعىس وسىلاي باستالعان

بريتانيالىق ساياساتكەر اقش پەن قىتاي نەگە ءۇشىنشى دۇنيەجۇزىلىك سوعىس باستاۋ قاۋپىندە تۇرعانىن ءتۇسىندىردى.
ونىڭ ايتۋىنشا, ءبىرىنشى دۇنيەجۇزىلىك سوعىستىڭ الدىنداعى جاعدايلار 2020 جىلى قايتالانۋدا. بۇل تۋرالى قامشى ءتىلشىسى daily express باسىلىمىنا سىلتەمە جاساپ حابارلادى. ؛

ۇلىبريتانيالىق ساياساتكەر دجوردج گەللوۋەي اقش پەن قىتاي اراسىنداعى قاقتىعىس بيىلعى جىلى جاھاندىق سوعىسقا ۇلاسۋى مۇمكىندىگىن بولجايدى. دجوردج گەللوۋەي ءبىرىنشى دۇنيەجۇزىلىك سوعىستىڭ باستالۋى مەن قازىرگى شيەلەنىستەر اراسىنداعى شىنايى ۇقساستىقتاردى اتاپ ءوتتى.

بريتانيانىڭ ەكس-دەپۋتاتى اقش-قىتاي ساۋدا-ساتتىق كەلىسىمشارتىنىڭ ءبىرىنشى كەزەڭىنىڭ بۇزىلۋ قاۋپىنە نازار اۋداردى. ونىڭ ايتۋىنشا, اقش بەيجىڭدى كوروناۆيرۋس تاراتقانى ءۇشىن «؛جازالاۋدىڭ»؛ جولدارىن ىزدەيدى. ؛

گەللوۋەي ءبىرىنشى دۇنيەجۇزىلىك سوعىستىڭ باستالۋى ءدال وسىنداي ساۋدا كەلىسىمدەرىنىڭ بۇزىلۋى جانە ساۋدا سوعىسى سالدارىنان بولعانىن ايتتى. ەكونوميكالىق اپات اكەلەتىن ساياساتتار جاھاندىق سوعىس وتىن تۇتاندىراتىنىن ەسكەرتتى.

بريتانيالىق ساياساتكەر اقش پرەزيدەنتىنىڭ قىتايدى ەكونوميكالىق جازالاۋ تۋرالى ەسكەرتپەسىن ەگجەي-تەگجەيلى ءتۇسىندىردى جانە ترامپتىڭ جاڭا تاريفتەر ەنگىزىپ, بەيجىڭدى جازالاماق بولعانىن دا تىلگە تيەك ەتتى.

"قىتايدان باستاپ تارالعان كوروناۆيرۋس اقش-تاعى مىڭداعان ادامنىڭ ولىمىنە اكەپ سوقتىردى" دەپ بەيجىڭدى ايىپتاعان ترامپ "اقش-قىتاي ساۋدا كەلىسىمىنىڭ ءبىرىنشى ساتىسى" دەپ اتالاتىن ساۋدا مامىلەسىن اياقتايتىنىن جاريالاعان. ؛

اقش پرەزيدەنتى قىتاي العاشقى ساۋدا كەلىسىمىندە كەلىسىلگەن ساتىپ الۋ بويىنشا مىندەتتەمەلەرىن ورىنداماسا, ساۋدا مامىلەسىن جوياتىنىن ايتقان.

ايتا كەتەيىك, دجوردج گەللوۋەي بىرنەشە اپتا بۇرىن the new york post گازەتىنە ءۇشىنشى دۇنيەجۇزىلىك سوعىستى كىمدەر باستايتىنى تۋرالى سۇحبات بەرگەن بولاتىن. ؛

 ؛