• usd 468.56

  • eur 497.56

  • rub 7.3

  • cny 67.18

29 ناۋرىز, 16:27:43
الماتى
+35°

08 مامىر, 2020 ساياسات

اقش ماسكەۋدى قالاي بومبالاماق بولعان؟

ۆاشينگتوننىڭ جوسپارى بويىنشا, جاڭا سىناقتان وتكىزىلگەن اتوم ارسەنالدارىمەن كەڭەس وداعىنىڭ 20 قالاسىن جويۋ كەرەك بولعان.

getty images

ەكىنشى دۇنيەجۇزىلىك سوعىس اياقتاعان سوڭ اقش-تىڭ بۇرىنعى پرەزيدەنتى گارري ترۋمەن ماسكەۋدى يادرولىق قارۋمەن بومبالاۋدى جوسپارلاعان. بۇل تۋرالى قامشى ءتىلشىسى انگليالىق the express باسىلىمىنا سىلتەمە جاساپ حابارلايدى. ؛

گەرمانيا جەڭىلگەن سوڭ ۇلىبريتانيانىڭ سول كەزدەگى پرەمەر-مينيسترى ۋينستون چەرچيلل ؛ستاليننىڭ كوممۋنيستىك ىقپالى شىعىس ەۋروپادا كۇشەيىپ كەتە مە دەپ ۇرەيلەنگەن. سوندىقتان چەرچيلل باتىستىق وداقتاستارىنا «؛اقىلعا سىيمايتىن وپەراسيا»؛ يدەياسىن ۇسىنعان. ؛

بۇل جوسپار بويىنشا, اقش-تىڭ مانحەتتەن جوباسىنىڭ ءبىر بولىگى بولعان اتوم بومبالارىن ماسكەۋ مەن كيەۆكە تاستاۋ جوسپارلاندى. الايدا يادرولىق بومبالاۋدان بۇرىن گەرمانيادان, پولشادان جانە شىعىس ەۋروپادان كەڭەس وداعى كۇشتەرىن شىعارىپ تاستاۋ كەرەكتىگى ايتىلعان.

1945 جىلدىڭ ماۋسىم ايىنىڭ سوڭىندا چەرچيلل بۇل جوسپاردان باس تارتتى, سەبەبى باسقا باتىستىق ليدەرلەر بۇنى "سۋيسيدتىك جوسپار" دەگەن. ءبىراق اقش-تىڭ سول كەزدەگى پرەزيدەنتى گارري ترۋمەن ولىمگە يتەرمەلەيتىن ۇسىنىستان شابىت الىپ, ونى ءوزىنىڭ "plan totality" دەپ اتالاتىن اسكەري ستراتەگياسىنا قولداندى. ؛

ستالين, چەرچيلل جانە ترۋمەن ۇشتىگى گەرمانياداعى پوتسدام كەلىسىمى كەزىندە نەمىس تەرريتورياسىن قالاي باسقارۋعا بولاتىنى تۋرالى بىرنەشە كەزدەسۋ وتكىزدى جانە ترۋمەن ستالينگە ترويسا سىناعى &ndash؛يادرولىق قارۋدىڭ العاشقى جارىلۋى ءساتتى وتكەنىن حابارلادى. سىناق 1945 جىلعى 15 تامىزدا مانحەتتەن جوباسى كەزىندە بولعان. ؛

بۇل كەڭەس وداعىنا يادرولىق قارۋ تۋرالى العاشقى رەسمي حابارلاما بولدى. اقش دەلەگاتتارى سول كەزدە ءستاليننىڭ سابىرلى رەاكسياسىنا تاڭ قالعان. "سەبەبى, يادرولىق سىناق تۋرالى ستالين لوس-الاموستاعى شپيونداردان ءبىلىپ العان" دەپ جازدى انگليالىق the express باسىلىمى.

كەزدەسۋدەن كەيىن ترۋمەن اقش-تىڭ سول كەزدەگى گەنەرالى دۋايت ەيزەنحاۋەرگە جاڭا جوسپار قۇرۋدى تاپسىرعان. جوسپار بويىنشا ؛سىناقتان وتكىزىلگەن اتوم ارسەنالدارىمەن كەڭەس وداعىنىڭ 20 قالاسىن جويۋ كەرەك بولدى.

ماسكەۋ, لەنينگراد جانە ستالينگراد اتۋ نۇكتەلەرىندە بولعان. اسكەري جوسپارلاۋشىلار بارلىق ءىرى كەڭەس قالالارىن كۇتپەگەن جەردەن جويۋ كەرەكتىگىن مالىمدەگەن.

20-دان 30-عا دەيىنگى اتوم بومبالارىن جارۋ جوسپارلانعان. بۇل رەسەيدىڭ كارتادان وشىرىلۋىنە جەتكىلىكتى دەپ ەسەپتەلگەن. ؛

تالعار دالەلعازى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: يادرولىق قارۋ اقش

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر