اقتوبەدە جول جوندەۋ جۇمىستارى قىزۋ ءجۇرىپ جاتىر

اقتوبە وبلىسىنىڭ اكىمى وڭداسىن ورازالين قالا ىشىندە جالپى كولەمى 19,611 كم-دى قۇرايتىن باتىس-2 ش.ا, زارەچنىي-3, ساڭكىباي باتىر كوشەسى(مولداعۇلوۆا كوشەسىنەن 12ش/ا-عى اينالماعا دەيىنگى اۋماق), بوكەنباي باتىر, ج.دوسمۇحامەدۇلى, زاۆودسكايا, زينچەنكو, گارنيزوننايا كوشەلەرىندەگى جۇرگىزىلىپ جاتقان جولداردىڭ جوندەلۋ بارىسىن باقىلادى. اقتوبەدە اۆتوكولىك جولدارىنىڭ ۇزىندىعى 651كم, ونىڭ 300 كم اسفالتتى بەتونمەن جابدىقتالعان. جالپى سانى 97 كوشەنى جوندەۋ جوسپارى جاسالعان. كارانتيندىك رەجيمگە قاراماستان اقتوبەدە قۇرىلىس جۇمىستارى جالعاستى.

قازىرگى تاڭدا 30 كوشەدە جوندەۋ جۇمىستارى باستالىپ كەتتى. ۇزىندىعى 5,3 كم قۇرايتىن ارىنوۆ, ساڭكىباي باتىر, ماڭگىلىك ەل كوشەلەرىنە قايتا جاڭعىرتۋ جۇمىسى جۇرگىزىلۋدە. ول ءۇشىن 2,133 ملرد تگ بولىنگەن. ال,135,3 كم جولعا كۇردەلى جانە ورتا جوندەۋ جۇرگىزىلەدى. ول ءۇشىن 11,337 ملرد قارالعان. ز كم جول جاڭادان سالىنادى. جالپى 2020 جىلى جۇمىسپەن قامتۋ جول كارتاسى شەڭبەرىندە قالا جانە قالا شەتىندەگى كولەمى 171 كم بولاتىن ەلدىمەكەندەردىڭ جولدارىن جوندەۋگە رەسپۋبليكالىق بيۋدجەتتەن 13,9 ملرد تگ ءبولىنۋ جوسپارلانعان.

بۇل ءوز كەزەگىندە 2170 جۇمىس ورىندارىنىڭ اشىلۋىنا مۇمكىندىك بەرەدى. قازىرگى تاڭدا مەملەكەتتىك ساتىپ الۋ كونكۋرسىنان وتكەن «؛پروگرەسس كز»؛, «؛اقتوبەكاپرەمستروي»؛, «؛اسسانا-دورستروي»؛, «؛ەرحاتجولدارى»؛, «؛ينتەحسەنترلتد»؛, «؛aqto'be qurylys engineering»؛ جشس-گى مەردىگەر مەكەمەلەر جوندەۋ جۇمىستارىمەن اينالىسۋدا. مەملەكەتتىك ساتىپ الۋ پروسەسسى مامىر ايىنىڭ ورتاسىندا تولىق اياقتالادى. سول ۋاقىتتا وزگە دە مەردىگەر مەكەمەلەر بەلگىلى بولماق. اتالعان جولدارعا جاياۋ جۇرگىنشىلەرگە ارنالعان تروتۋار, ۆەلوجولدار, led جارىقتاندىرۋ, كوگالدى ءشوپ توسەۋ سىندى شارالار جاسالادى. ساڭكىباي باتىر كوشەسىندەگى جوندەۋ جۇمىستارى ءبىر جاق بەتىندە جۇرگىزىلىپ, ەكىنشى جاعىنان اۆتوكولىكتەردىڭ جۇرۋىنە مۇمكىندىك بەرىلگەن. جۇمىستىڭ تىم باياۋ ءجۇرىپ جاتقاندىعىن بايقاعان ايماق باسشىسى ساڭكىباي باتىر كوشەسىنەن كولىكتەردىڭ ءجۇرۋىن توقتاتىپ جۇمىستى قارقىنداتۋدى تاپسىردى. ؛

ايتىپ وتەيىك, بۇعان دەيىن سۋاعار جۇيەسى بوكەنباي باتىر كوشەسىنىڭ ءبىر جاق بەتىندە عانا بولاتىن, ورتاشا جوندەۋ جۇمىسى بارىسىندا سۋاعار ەكىنشى جاعىنا دا سالىناتىن بولادى. بۇل ءوز كەزەگىندە جاڭبىر, قاردان جينالعان سۋدىڭ اعىپ كەتۋىنە مۇمكىندىك بەرىپ, جولدىڭ ۇزاق ساقتالۋىنا سەپتىگىن تيگىزەدى. جولداردىڭ ساپاسى «؛جول اكتيۆتەرىنىڭ ۇلتتىق ساپا ورتالىعى»؛ مەكەمەسى ماماندارىنىڭ قاتاڭ باقىلاۋىندا. جىلجىمالى زەرتحانا تەحنولوگيانىڭ ساقتالۋىن تەكسەرەدى. وبلىس اكىمى وڭداسىن ورازالين قالا باسشىسى اسحات شاحاروۆقا كولىكتەردىڭ رەتسىزدىگىن بولدىرماۋدى, جول جوندەۋ جۇمىستارىنىڭ ساپالى ءارى ۋاقىتىندا اياقتالۋىن قاداعالاپ وتىرۋدى تاپسىردى.