حاۋانا ەسىمىن قالاي تۇسىنەمىز؟

ادام اتانىڭ باۋىرىندا وسكەن كىشى نايمان ەسىمدى جىگىتتىڭ 32 ۇلى حابيبا انانىڭ باۋىرىندا بولىپتى. سول نەمەرەلەرگە بولا بۇل انانى سىرتتاعىلار بىلاي اتاعان:

حاااۋۋۋمتيتيتي اڭايتيتيتي چتيتيتي &ndash؛ قىسقاشا حاۋماڭاچي اتالعان. ۋاقىت وتە كەلە «؛ڭ»؛ دىبىسىن ايتقىسى كەلمەيتىندەر كوبەيىپ, بۇل حاۋم اناسىنا اينالعان. ودان كەيىن دە قىسقارتىپ, حاۋم انا بولىپ بۇگىنگە جەتتى. بۇنداي مالىمەتتى ءبىز قايدان الدىق؟

ادام اتا مەن حاۋانانىڭ ءومىر سۇرگەن تۇپكىلىكتى ورنى تاريحتان بەلگىلى تالگوووري بولعان. ول ورىندى قازىرگى كەزدە تالعار اتايمىز. بۇنىمەن ىرگەلەس تالحيز قالاشىعى بولعان. قازىرگى ارحەولوگتار يەلىك ەتىپ جۇرگەن تالحيز ورنى الاپات جەر سىلكىنىستە باتىپ كەتكەن سول قالانىڭ 1/3 تەرريتورياسى عانا. 7000 جىلدىق تاريحىن اتاپ وتكەلى تۇرعان, بۇكىل حالقىمەن بىرگە جىم-جىلاس بوپ باتىپ كەتكەن بۇل قالادان قازىرگە جەتكەن نەسى بارى بەلگىسىز.

بۇنىڭ ءبارىن بىزگە ەسىك قورعانىنان تابىلعان التىن ادام جازۋى ايتىپ تۇر. ول جازۋدى وقىپ, شيفرىن اشىپ, تەكسىن اشۋعا يتەرمەلەگەنى ءبىزدىڭ نەگىزگى ماماندىعىمىز. فيزيكا-ماتەماتيكا سالاسىنداعى اسا ءبىر كورنەكتى ءبولىم وپتيكا عىلىمىمەن اينالىسۋ كۇمىس زەرەنشەدەگى جازۋدى وقۋعا مۇمكىندىك بەردى. ونداي اسا كۇردەلى جۇمىس كەزىندە ءبىزدىڭ ارقا سۇيەگەنىمىز بۇكىل الەمدىك دەڭگەيدەگى ەڭ اتاقتى عىلىمي-زەرتتەۋ ورتالىعى, سول كەزدەگى لەنينگرادتىڭ اكادەميك س.ي. ۆاۆيلوۆ اتىنداعى وپتيكا ينستيتۋتى بولاتىن. جالپى العاندا وپتيكا عىلىمى وتە ەرتە زاماننان بەرى كەلە جاتقان, بولاشاعى زور سالا. سول عىلىمنىڭ كومەگىمەن اناۋ كۇمىس زەرەنشەدەگى تاڭبالاردىڭ شيفرىن اشىپ, تەكسىن الدىق. ءبىراق تا سول تەكستىڭ ءتىلى دۇنيەدەگىنىڭ ەڭ قيىنى بولىپ شىقتى. ايتسە دە وتىز جىل بويى تولاسسىز ەڭبەكتەنۋدىڭ ناتيجەسىندە ونى دا يگەرۋگە مۇمكىندىك تۋدى. ونىمىز ناعىز توزاقتى جۇمىستىڭ ءوزى ەدى.  ؛

ەسىك قورعاننان تابىلعان 26 تاڭبانىڭ ؛ بەرگەن مالىمەتتەرى وتە قوماقتى. قازاقتىڭ عانا ەمەس, بۇكىل ؛ جەر بەتىندەگىلەردىڭ يگىلىگىنە ارنالعان, بولاشاق ءۇشىن كەرەكتى عىلىمي-تەحنيكالىق مالىمەتتەرى كوپ. وقىرمانعا ءبىزدىڭ ايتايىق دەگەنىمىز, ادام اتا مەن حاۋانانىڭ كەزىندەگى ومىردە ءوسىپ-ونىپ, بالالى بولۋدىڭ سونشا قيىنعا تۇسكەندىگىندە. ءاربىر انا ءبىر بالادان ارتىق كوتەرە الماعان. ونىڭ وزىندە جۇكتىلىككە ءۇش اي تولعاندا ۇستاي الماي, تاستاپ ؛ قويادى. سونىمەن بىرگە وزدەرى دە مەرت بولىپ جاتقان. العاشقى ومىردە ءوسىپ-ونۋدىڭ ؛ وتە قيىنعا سوققانىن التىن ادام جازۋى باسا كورسەتۋدە. تۇڭعىش بالاسىن ؛ تۋا الماي, مەرت بولعان جاس انالاردىڭ كوپتىگى سونشا, قازىرگى جەرىمىزدىڭ كەيبىر ورىندارىنىڭ جەر قاباتىندا سول انالاردىڭ تىزبەسى ساقتاۋلى ەكەن. تۇڭعىش ومىردەگى مورگ اتاۋى سولارمەن بايلانىستى شىعىپتى. قازىرگى ءبىزدىڭ مىناۋ ومىردە تاماق توق, كيىم جەتكىلىكتى بولعان سوڭ بالالى بولۋ دا ونشا قيىن ەمەس سەكىلدى كورىنەدى. سوندىقتان بالا مەن انانىڭ ءقادىرىن تومەندەتتىك.

جەتىم-جەسىردىڭ پايدا بولۋى ءومىردىڭ ازعىنداۋىن كورسەتەدى. ەرتە دۇنيەدە جەردەگى ءومىردى باستاپ بەرگەن پايعامبار بابالاردىڭ ىجداھاتتى قامقورلىعىنىڭ ارقاسىندا مىناۋ جەردىڭ بەتى ەلدى, جۇرتتى بولدى. دۇنيەدەگى ەڭ قىمباتتى ادام ەكەنىن ءبارىمىز ۇعىپ وستىك. ەندى مىنە, ماتەريالدىق بايلىق ۇستەمدىككە جەكتەندە لاقتىرىپ تاستايتىن سابيلەر كوبەيدى. بۇل دەگەنىڭ ؛ سۇمدىق وقيعا. پەندەنى بيلەگەن ازعىندىقتىڭ بەلگىسى. اس ءىشۋدى بىلمەيتىن, كيىم-كەشەك اتاۋىمەن جوق اۋىر جاعدايدا حاۋانا اناۋ 32 نەمەرەنى امان-ەسەن ءوسىرىپ, تۇتاس حالىققا اينالدىردى. سولاردىڭ ۇرپاعى قازىرگى جەتىسۋلىقتار عانا ەمەس, بۇكىل جەر بەتىندە تارالىپ ءجۇر. كىسىنى باعالاۋدىڭ ارقاسىندا بۇگىنگە امان جەتتىك.  ؛

ەگەر دە جەر بەتىندە وتكەن ءۇش دۇركىن توپان سۋ بولماسا ؛ مىناۋ جەردىڭ ۇستىندە ادام بالاسىنان بوس ورىن بولماس ەدى. توپان سۋدىڭ ەڭ سوڭعىسى 41 تاۋلىك تولاسسىز بولعان دا, جەردىڭ ۇستىندەگى سىقاسقان اڭ مەن قۇستارعا دەيىن تۇگەل سىپىرا جويعان. جارتاستاردىڭ قۋىسىنا تىعىلىپ قالعانداردان تاراعان جۇرناق تۇقىمى بۇگىنگە جەتكەن اڭ مەن قۇستىڭ تۇرلەرى. مىنانداي جاھاندانۋ كەزەڭىنە جەر بەتىندەگىلەردىڭ جويىلىپ كەتپەي, امان جەتكەنى ءبىر كەزدەگى ادام اتا مەن حاۋانانىڭ تىلەگىنەن بولار. سول جاقسى تىلەك ارى قاراي جالعاسسا, ادامزات ۇرپاعى ەرتەڭگە جەتەدى. ءبىزدىڭ ورتاداعى ءاربىر ەر-ايەل اينالا توڭىرەگىنە قاتىستى جاقسى تىلەكتى جاس ۇرپاققا ۇلگى ەتۋى كەرەك. قاتىگەزدىك مەڭدەگەن ورتا ۇزاققا بارمايدى. بۇكىل الەم بويىنداعى ءومىردىڭ ماقساتى مەيىرىمگە نەگىزدەلگەن.

 ؛

ماعريپا جىلقىباەۆا

فيزيكا-ماتەماتيكا

عىلىمدارىنىڭ كانديداتى, دوسەنت,

التىن ادام جازۋىنىڭ قۇپياسىن اشقان عالىم