27 ءساۋىر, 2020 مادەنيەت
قۋىرشاق تەاترىنىڭ ءباسپاسوز قىزمەتى
قازىرگى تاڭدا الەمدى الاڭداتقان ىندەت حالىقتى قالىپتى تۇرمىسىنان باس تارتقىزىپ, ادامزات ويىن شىم-شىتىرىققا اداستىرىپ قوعام اراسىندا كۇماندى دە ءشۇبالى, كۇدىكتى دە ۇرەيلى تۇسىنىكتەر قالىپتاستىرىپ ۇلگەرگەنى بەلگىلى. سىن ساعاتتا جارقىن ومىرگە جاڭاشا مۇمكىندىكتەردى پايدالانا باتىل قادامدار باسىپ, كورەرمەندەرگە كوتەرىڭكى كوڭىل-كۇي, رۋحاني ازىق, وشپەس رۋح سىيلاپ, بولاشاققا ءۇمىت پەن سەنىم ۇيالاتۋدى ماقسات سانايتىن &ndash؛ الماتى مەملەكەتتىك قۋىرشاق تەاترى كارانتين ۋاقىتىندا كورەرمەندەردىڭ بوس ۋاقىتىن ءتيىمدى ۇيىمداستىرۋ بارىسىندا تىڭ يدەيالارعا تولى جاڭا فورماتتاعى جوبالاردى ونلاين رەجيمدە وتكىزۋدى كەڭىنەن قولعا الىپ, ءبىرقاتار يگى جۇمىستاردى ابىرويمەن اتقارۋدا.
كارانتين ۋاقىتىندا كورەرمەندەرمەن ءتۇرلى قويىلىمدار كورسەتىلىمىندە قاۋىشۋ مۇمكىن ەمەس بولعانىمەن, ونلاين كەڭىستىكتىڭ بەرەر مۇمكىندىكتەرى زور ەكەندىگىن ەسكەرگەن تەاتر ۇجىمى اسىل قۇندىلىقتاردى دارىپتەيتىن قازىنالى قويىلىمدار لەگىن youtube جەلىسىندە قالتقىسىز ۇسىنۋدا. تەاتردىڭ الەۋمەتتىك جەلىلەرىندە ۇزدىكسىز جاريالانىمدار قاتارىنداعى «؛تەاتر رەپەرتۋارىنا ساياحات»؛, «؛قويناۋى قازىناعا تولى قۋىرشاق تەاترى»؛ ايدارلارى ارقىلى كورەرمەن سپەكتاكل مازمۇنى مەن تەاتر تاريحىنا قانىعىپ, ونلاين كورسەتىلىمدەرگە وڭاي تاڭداۋ جاساي الادى. كورەرمەندەرگە ۇيدە وتىرۋدى ۇندەيتىن ەرتەگىلەر توپتاماسى تالعاممەن تاڭدالىپ, ۇعىمدى جەتكىزۋدىڭ ماڭىزى ارتيستەر اراسىندا قىزۋ تالقىعا يە.
كورەرمەندەردىڭ سۇيىكتى تۇلعاسىنا اينالعان بەلگىلى ساحنا ساڭلاقتارى جۇمباققا تولى قۋىرشاق تەاتر ونەرىنىڭ سىرلى الەمىنە ساياحات جاساپ, تاعىلىمدى تالعام يەلەرىنىڭ قۋىرشاق قۇدىرەتىن تانىتاتىن ءتۇرلى سۇراقتارىنا جاۋاپ بەرەتىن ونلاين سۇحبات ارقىلى وقىرمانىمەن جۇزدەسىپ, ولاردىڭ ىستىق ىقىلاسىنا بولەنىپ, ەفيردىڭ تارتىمدىلىعىن ارتتىرا تۇسكەنىن ەرەكشە اتاپ وتكەن ءجون.
ادامگەرشىلىك بيىك ۇعىمداردى ناسيحاتتاۋشى, رۋحاني تازالىققا ۇندەۋشى الماتى قالاسىنىڭ مەملەكەتتىك قۋىرشاق تەاترى ءارقاشان كورەرمەندەرىنە ساپالى قىزمەت, سالماقتى قويىلىمدار, جاڭاشا مۇمكىندىكتەر ۇسىنۋعا اركەز دايىن. الداعى ۋاقىتتا تەاتر ۇجىمى بارشا حالىققا قولجەتىمدى تانىمدىق, قوعامدىق ماڭىزدى ءىرى جوبالار قاتارىن كوبەيتۋدى قولعا الۋدا.
كارانتين ۋاقىتىندا تەاترمەن بىرگە جاڭا شىڭداردى باعىندىرىڭىز, ءقادىرلى وقىرمان!
مادينا تولە
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر