قارجىگەر: مەملەكەتتىڭ 42500 تەڭگە بەرىپ, «ۇيدە وتىرىڭدار» دەۋى ورىنسىز

نەگە تاپ 42500 تەڭگە؟

الەۋمەتتىك تولەم مولشەرىن بەلگىلەۋدە ەلدەگى ەڭ تومەنگى جالاقى مولشەرى باسشىلىققا الىنعان. ول قازاقستاندا 2020 جىلى 42500 تەڭگەگە تەڭ. ەڭ تومەنگى جالاقى ەلدەگى ورتاشا جالاقى &ndash؛ 204 مىڭ تەڭگەدەن 4 ەسەدەي از. ال جۇمىسقا قابىلەتتى تۇرعىنداردىڭ جارتىسى الاتىن مەدياندىق جالاقى &ndash؛ 112 مىڭ تەڭگەدەن 2 جارىم ەسەگە تومەن.

سونداي-اق قازاقستانداعى ەڭ تومەنگى جالاقى مولشەرى جونىنەن الەمدەگى ەڭ تومەنگىلەردىڭ ءبىرى. picodi.com سايتىنىڭ ساراپشىلارى 54 ەلگە زەرتتەۋ جۇرگىزىپ وسىنداي قورىتىندىعا كەلگەن.

 ؛

«؛ەڭ تومەنگى جالاقى مولشەرىندەگى جاردەماقى بەرۋ مەحانيزمى ءتيىمسىز»؛

قارجىگەر جاسۇلان كۋشەباەۆ «؛42500 تەڭگە توڭىرەگىندەگى دۇربەلەڭ كوپ ادامنىڭ بۇعان دەيىن الىپ كەلگەن جالاقىسىنىڭ كۇنكورىستەن اسپاي كەلگەنىن كورسەتتى»؛ دەپ سانايدى.

&ndash؛ سوڭعى ستاتيستيكاعا سايكەس, 42500 تەڭگەگە 8 ملن-نان استام ادام ءوتىنىم ءبىلدىرىپتى. سونىڭ 4 ملن 146 مىڭىنا جاردەماقى تاعايىندالعان. حالىقتىڭ 42500 مىڭ تەڭگەگە جاپپاي ءوتىنىم ءبىلدىرۋى, باستاپقىداعى اجيوتاجدان بىرنەشە جايتتى اڭعارۋعا بولادى. الدىمەن حالىقتا الدا نە كۇتىپ تۇرعانىنىن بىلمەگەندىكتەن قورقىنىش بارى سەزىلەدى.

 ؛

اتالمىش سيفرلاردان ەكونوميكالىق بەلسەندى حالىقتىڭ 50 پايىزى جۇمىسسىز وتىرعانى بەلگىلى بولدى, &ndash؛ دەيدى ول.

ساراپشى پىكىرىنشە, ازاماتتاردى قولداۋدا ەڭ تومەنگى جالاقى مولشەرىندەگى جاردەماقى بەرۋ مەحانيزمى ءتيىمسىز.

&ndash؛ ويتكەنى بارلىق ازاماتتاردىڭ مۇقتاجى, بۇعان دەيىن تاپقان تابىسى بىردەي ەمەس. مەملەكەت پەن بيزنەس ءۇشىن پايدا اكەلىپ كەلگەن مامانعا دا, بۇرىن جۇمىس ىستەمەگەن ستۋدەنتكە دە 42500 تەڭگە بەرىلدى. بۇل &ndash؛ دۇرىس ەمەس. ايتالىق, كۇيەۋى مەن ايەلى بىرىگىپ وسىعان دەيىن 300 مىڭ تەڭگە تاۋىپ كەلگەن بولسا, ەندى ولار 85 مىڭ تەڭگەگە جانباعۋعا ءماجبۇر. بۇل رەتتە ءارقايسىسىنا بەرىلگەن 42500 تەڭگە ولاردىڭ مۇقتاجىن وتەي المايدى.

 ؛

جۇمىس ىستەيتىن, وتباسىلى ادام مەن ستۋدەنتتىڭ مۇقتاجى بىردەي ەمەس قوي, &ndash؛ دەپ اتاپ ءوتتى قارجىگەر.

جاسۇلان كۋشەباەۆ 42500 تەڭگەنىڭ قالالىقتارعا دا, اۋىلدىقتارعا دا بىردەي بەرىلۋى قاتە بولعانىن ايتتى.

 ؛

تولەمنىڭ قالالىقتار تۇرمىسىنا شىنايى اسەرى بولۋى ءۇشىن ەڭ تومەنگى جالاقىنى ەمەس, ورتاشا جالاقىنىڭ بەلگىلى ءبىر پايىزىن بەرگەنى دۇرىس بولار ما ەدى. وسى ورايدا الەمدىك تاجىريبەلەردى زەردەلەپ كورەيىك. ماسەلەن, وڭتۇستىك كورەيادا جاردەماقى رەتىندە وتباسىنىڭ ورتاشا تابىسىنىڭ 80 پايىزى بەرىلەدى. ۇلىبريتانيادا توتەنشە جاعدايعا بايلانىستى جۇمىسى توقتاعاندارعا جالاقىنىڭ 80 پايىزىن ۇكىمەت, 20 پايىزىن جۇمىس بەرۋشى تولەيدى. گەرمانيادا 60/40. وسىنداي مەحانيزمدەردى ويلاستىرىپ, الەۋمەتتىك تولەمدى وتباسىلىق تابىسقا قاراي تولەنگەنى ەڭ دۇرىس شەشىم بولار ەدى, &ndash؛ دەيدى ول.

ازاماتتار مەن بيزنەستى قارجىلاي قولداۋدى جالعاستىرۋ قاجەت

قارجىگەر «؛كارانتين ۋاقىتى سوزىلا تۇسسە, 42500 تەڭگە جاردەماقى الەۋمەتتىك ماسەلەنى شەشە ايمايدى, كەرىسىنشە ماسەلە ۋشىعىپ كەتەدى»؛ دەپ سانايدى.

&ndash؛ مەملەكەتتىڭ 42500 تەڭگە بەرىپ, «؛ۇيدە وتىرىڭدار»؛ دەۋى ورىنسىز دەپ ەسەپتەيمىن. ويتكەنى ايىنا 42500 تەڭگە عانا الىپ, ۇيدە وتىرۋ مۇمكىن ەمەس. بۇل جاردەماقى ارى كەتسە, ازاماتتاردى اشتان ساقتاپ قالۋى مۇمكىن. ال ولاردىڭ وزگە قاجەتتىلىكتەرىن وتەۋ ءۇشىن قوسىمشا اقشا كەرەك. اقشانىڭ جوقتىعى قىلمىستى ءورشىتۋى مۇمكىن.

 ؛

قارجىگەر الەۋمەتتىك ماسەلەلەردى شەشىپ, ەلدەگى قارجىلىق داعدارىستى تەزىرەك ەڭسەرۋ ءۇشىن ازاماتتار مەن بيزنەستى قارجىلاي قولداۋدى جالعاستىرۋ قاجەتتىگىنە نازار اۋداردى.

&ndash؛ حالىققا الەۋمەتتىك تولەمدى, زەينەتاقى, جاردەماقى, شاكىرتاقىنى ارتتىرۋ ارقىلى اقشا بەرۋ كەرەك. حالىقتىڭ قولىندا اقشا بولعان سايىن تاۋار ساتىپ الۋعا سۇرانىس ارتادى. سۇرانىس بار جەردە بيزنەس داميدى. وسىلايشا مەملەكەت ەكونوميكاعا قولدان دەم بەرۋى كەرەك. سونداي-اق داعدارىستى جەڭۋدە بيزنەستى قارجىلاندىرۋ وتە ماڭىزدى. ساراپشىلار كوروناۆيرۋس پاندەمياسىنىڭ سالدارىنان ەكونوميكادا 1929 جىلى باستالعان ۇلى دەپرەسسيا قايتالانۋى مۇمكىن ەكەنىن ايتىپ جاتىر. مۇنداي داعدارىستا مەملەكەت قۇرىلىس سەكتورىن قولداۋى اسا ءتيىمدى امالداردىڭ ءبىرى رەتىندە قارالۋدا. مەنىڭشە, ەل ۇكىمەتى جەكە قۇرىلىس كومپانيالارىنا تۇرعىن ءۇي سالۋعا تاپسىرىستى ارتتىرۋى كەرەك. قۇرىلىس سالاسىنا جان ءبىتىرۋ ارقىلى قۇرىلىس ماتەريالىن وندىرەتىن زاۋىتتار جۇمىسى جاندانادى. جۇمىس ورىندارى اشىلادى, جالاقى تولەنەدى. جالاقى تولەنگەن سوڭ حالىقتا اقشا پايدا بولادى. ولار ازىق-تۇلىك, كيىم-كەشەك ساتىپ الادى, قىدىرادى, ەمدەلەدى, ءتۇرلى قىزمەتتى تۇتىنادى. وسىلايشا بىرىنە-بىرى بايلانىستى تىزبەك ەكونوميكاعا مۋلتيپليكاتيۆتىك اسەر اكەلەدى, &ndash؛ دەيدى قارجىگەر.

قامشى تىلشىسىمەن سويلەسكەن جۇمىسسىز وتىرعان بىرنەشە ازامات «؛42500 تەڭگە ايتارلىقتاي كومەك بولا المادى»؛ دەگەندى ايتتى.

ينديرا ەسىمدى شاشتاراز 42500 تەڭگەنى العان بويدا نەسيەسىن جاپقان.

&ndash؛ جۇمىس باستالماسا از كۇندە اش قالاتىن ءتۇرىمىز بار. شاش الدىرعىسى كەلەتىندەر «؛قاشان اشىلاسىزدار؟»؛ دەپ كۇندە حابارلاسادى. ءبىراق ايىپپۇل سالىناتىندىقتان سالوندى اشا الماي وتىرمىز, ؛&ndash؛ دەيدى شاشتاراز.

كارانتينگە دەيىن داياشى بولىپ ىستەگەن نۇرعالي (كەيىپكەر ەسىمى لاقاپ اتپەن بەرىلگەن) جۇمىس بار دەگەن جەردىڭ بارىنە بارعان.

&ndash؛ كافەمىز جابىلعان سوڭ وزىمە جانە كەلىنشەگىمە 42500 تەڭگە ءتۇستى. 1 جاستان اسقان قىزىمىز بار. نەسيە بويىنشا مەرزىمى وتكەن قارىزىم بولعاندىقتان, بانك كرەديتتى تولەۋدى شەگەرۋدەن باس تارتتى. مەملەكەت بەرگەن 85000 مىڭ تەڭگەنىڭ ءبىر بولىگى كرەديت تولەۋگە, قالعانى پاتەراقىنىڭ ءبىر بولىگىنە كەتتى.

 ؛

بىرنەشە كۇن كولىگى بار تانىسىم ەكەۋمىز الماتىداعى قارتتارعا ازىق-تۇلىك جەتكىزىپ بەرەتىن جەردە ىستەدىك. دوسىما كولىگىمەن تاسىعانى ءۇشىن كۇنىنە 4 مىڭ تەڭگە, ماعان ازىق-تۇلىك پاكەتىن قارتتاردىڭ ۇيىنە جەتكىزگەنىمە دەپ 2 مىڭ تەڭگە تولەندى. «؛قالادا ارنايى رۇحساتى بارلار عانا جۇرە الادى»؛ دەگەن تالاپ شىققان سوڭ ەكەۋمىز دە جۇمىستان ايىرىلدىق. ءقازىر تانىسىم جاسىرىنىپ تاكسيلەتىپ ءجۇر. مەن جۇمىسسىزبىن, &ndash؛ دەيدى ول.

جۇمىسىنان اقىسىز دەمالىسقا جىبەرىلگەن ءجۇسىپ اراسىندا «؛كولىكپەن ادام تاسىپ كۇنەلتۋشى ەدىم, ءقازىر ول دا جوق»؛ دەپ وتىر.

&ndash؛ ءوزىم مەن ايەلىمە بەرىلگەن 42500 تەڭگەنى ءساۋىردىڭ باسىندا-اق جاراتىپ قويعانبىز. ونىڭ 60 مىڭ تەڭگەسى پاتەراقىعا كەتتى. ارا-تۇرا كولىكپەن ءقانت-شايدى ايىرىپ ءجۇر ەدىك, ءقازىر ول دا جوق. ءۇيدىڭ تۇسىندا پوليسيا قىزمەتكەرلەرى كولىكتەردى كۇندە تەكسەرەدى. مەن جۇرۋگە رۇحسات الا المادىم. «؛42500 تەڭگە ەكىنشى رەت بەرىلەدى»؛ دەپ جاتىر عوي. سول شىنىمەن دە بەرىلسە ەكەن. ايتپەسە, كرەديت, پاتەراقى كۇتىپ تۇرمايدى. ول تۇسكەن كۇننىڭ وزىندە مۇقتاجىمىزدى تولىق وتەمەيدى. جارتىسىن جاپسا, cوعان دا راحمەت. قالعانىن قايدان الارىم بەلگىسىز. مۇندايدا بىرەۋ-مىرەۋدىڭ قارىزعا اقشا بەرە قويۋى دا قيىن عوي, &ndash؛ دەدى ءجۇسىپ.

قامشى ءتىلشىسى توتەنشە جاعدايعا بايلانىستى تابىسىنان ايىرىلعاندارعا بەرىلىپ جاتقان الەۋمەتتىك تولەم مولشەرىن وزگە ەلدەردەگى وسى تاعىلەتتەس الەۋمەتتىك كومەكپەن سالىستىرىپ كوردى. ونى ازىرلەۋدە پاندەميا ءورشىپ تۇرعان ەلدەر مەن ورتا ازيا مەملەكەتتەرىندەگى قولداۋ شارالارى تۋرالى شەتەلدەگى قازاقستان ازاماتتارى, جەرگىلىكتى ازاماتتار ۇسىنعان اقپاراتقا, اشىق دەرەككوزدەرگە سۇيەندى.

اقش

اقش-تىڭ كاليفورنيا شتاتىندا ءبىلىم الىپ جاتقان اسەم المۇحانبەتتىڭ ايتۋىنشا, اقش-تا سالىق تولەۋشىلەردىڭ ءبارى $1200 (516 مىڭ تەڭگە) مولشەرىندە جاردەماقى الۋعا قۇقىلى. ازاماتتىعى جوق, ءبىراق گرين كارتامەن تۇرىپ, جۇمىس ىستەپ جاتقاندار دا اتالمىش كومەكتى الا الادى. ال پاندەمياعا بايلانىستى جۇمىسسىز قالعاندارعا اپتا سايىن 300 دوللارعا (129 مىڭ تەڭگە) جۋىق قارجى بەرىلەدى. نيۋ-يوركتە وقۋشىلارعا ونلاين ساباق وقۋعا تەگىن ايپاد, تەگىن تاماق ۇسىنىلۋدا. مەديسينا قىزمەتكەرلەرى مەن بالالاردى تەگىن تاماقتاندىراتىن ءدامحانالار دا جۇمىس ىستەپ تۇر.

يسپانيا

قامشى تىلشىسىنە پىكىر بىلدىرگەن جەرگىلىكتى جۋرناليست antonio villarreal يسپانيادا كەي ءوڭىر جۇمىسشىلار مەن شاعىن كومپانيالاردى سالىقتان بوساتسا, كەي وڭىردە قارجىلاي كومەك كورسەتىلىپ جاتقانىن ايتتى. اندالۋسيا, استۋريا مەن مادريدتە 225 ەۋرودان (118 مىڭ تگ), 534 ەۋروعا (248 مىڭ تگ) دەيىن, كاتالونيادا 2000 ەۋرو مولشەرىندە جاردەماقى تولەنۋدە. ول ءۇشىن جۇمىسشى كوروناۆيرۋسقا بايلانىستى تابىسىنىڭ 75 پايىزىن جوعالتقانىن راستاۋى شارت.

يتاليا

سالەرنو ۋنيۆەرسيتەتىنىڭ ەكونوميكا فاكۋلتەتىندە دوكتورانتۋرادا وقيتىن گۇلايحان كۋباەۆا يتاليا كوروناۆيرۋستىڭ ەكونوميكالىق اسەرىنىڭ الدىن الۋ ءۇشىن اتا-انا دەمالىسى, ءوزىن-وزى جۇمىسپەن قامتىعاندارعا ارنالعان گرانتتار, مەديسينا قىزمەتكەرلەرىنە پاتەر جالداۋعا جاردەمدەسۋ جانە سالىق تولەمدەرى مەن الەۋمەتتىك ساقتاندىرۋ جارنالارىن ۋاقىتشا توقتاتا تۇرۋ سەكىلدى شارالاردى قابىلداپ جاتقانىن ايتتى. ونىڭ سوزىنشە, پاندەمياعا بايلانىستى جۇمىسىن توقتاتقان قىزمەتكەرلەر مەن ءوزىن-وزى جۇمىسپەن قامتىعان جۇمىسشىلار ءۇشىن 300 ملن ەۆرو كولەمىندە قولداۋ قورى قۇرىلعان. ماسەلەن, تۋريزم, اۋىل شارۋاشىلىعى سالاسىندا قىزمەت ەتەتىن ادامعا 600 ەۋروعا (279 مىڭ تەڭگە) سالىقتان بوساتىلعان تولەم قامتاماسىز ەتىلگەن. سونىمەن قاتار 12 جاسقا دەيىنگى بالالارى بار قىزمەتكەرلەردىڭ 15 كۇنگە دەيىن اتا-انا دەمالىسىن الۋ مۇمكىندىگى بار, ولارعا الەۋمەتتىك ساقتاندىرۋ بويىنشا سىياقىنىڭ 50%-نا تەڭ مولشەردە جاردەماقى الۋ مۇمكىندىگى ۇسىنىلعان.

اشىق دەرەككوزدەردە يتاليادا جەكە كاسىپكەرلەر, ماۋسىمدىق جۇمىسشىلار مەن ءوزىن-وزى جۇمىسپەن قامتۋشىلارعا 600 ەۋرو (279 مىڭ تەڭگە) مولشەرىندە تولەم بەرىلەتىنى حابارلانعان. مۇنداي سوماداعى قارجىنى بالالى وتباسىلار بالا كۇتۋشىسى قىزمەتى ءۇشىن الا الادى. كاسىپورىنداردىڭ كوبى قىزمەتكەرلەرىن اقىلى دەمالىسقا جىبەرگەن. جۇمىستان شىعارۋعا موراتوريي جاريالانعان.

 ؛

تۇركيا

انكارا كاجى بايرام ۆەلي ۋنيۆەرسيتەتىنىڭ دوكتورانتى مىرزاحان بايجانۇلىنىڭ ايتۋىنشا, تۇركيا رەسپۋبليكاسىندا پاندەميا كەزەڭىندە ەكونوميكانى دەمەۋ ءۇشىن 100 ميلليارد ليرا بولىنگەن.

&ndash؛ اۋەلى 2 ميلليون وتباسىعا 1000 ليرادان (62 مىڭ تەڭگەگە شامالاس) بەرىلدى. سوسىن بۇل الەۋمەتتىك قولداۋ جالعاسىپ, تاعى قوسىمشا 2 ميلليون 300 مىڭ وتباسىعا اتالمىش كومەك كورسەتىلۋدە. ءساۋىردىڭ باسىندا ء«؛بىز بىزگە جەتەمىز, تۇركيام»؛ ياعني ء«؛وزىمىزدى ءوزىمىز قامتاماسىز ەتەمىز»؛ اتى بەرىلگەن كامپانيا باستالدى. 25-ساۋىردەگى مالىمەت بويىنشا 1.839.406.810 ليرا (114 ملن تەڭگەگە جۋىق) قارجى قورعا تۇسكەن.

تۇركيادا مەديسينالىق ماسكا ساتىلمايدى. ەلەكتروندى ۇكىمەت سايتى ارقىلى ءوتىنىم بەرىلىپ, سمس-كود الۋ ارقىلى ءدارىحانادان تەگىن ماسكا الا الاسىز. ءوز باسىم 5 دانا ماسكانى تەگىن الدىم. تاعى ءوتىنىش بەرىپ قويدىم.

«؛تۇرىك قىزىلايى»؛ ۇيىمى دا بەلسەندى جۇمىس جاساۋدا. تۇركيادا 65-تەن اسقان جانە 20 جاستان كىشى جاستاعىلار كوشەگە شىعا المايدى. اتالمىش ۇيىم قارت كىسىلەرگە الەۋمەتتىك كومەك كورسەتۋدە. نەگىزىنەن ازىق-تۇلىك ارقىلى كومەك بەرىلىپ جاتىر. «؛ۆەفا»؛ اتالاتىن مەملەكەتتىك ۇيىم دا قارقىندى جۇمىس جاساپ, حالىقتىڭ الەۋمەتتىك ماسەلەلەرىنە قولداۋ كورسەتۋدە. رامازان ايى كەلگەندىكتەن, ازىق-تۇلىك تۇرىندە جانە ورازادا عانا پىسىرىلەتىن نان ءتۇرىن تاراتىپ, قولداۋ جاساۋدا, &ndash؛ دەيدى مىرزاحان بايجانۇلى.

تۇركيادا بيلىك كومپانيالارعا قىزمەتكەرلەرىن 3 اي بويىنا جۇمىستان شىعارۋعا تىيىم سالدعان. جۇمىس بەرۋشى قىزمەتكەردى اقىسىز دەمالىسقا جىبەرۋگە قۇقىلى. ونداي جاعدايدا جۇمىسشىعا ۇكىمەت تاراپىنان كۇنىنە 39 ليرادان (2400 تەڭگە) تولەنەدى. سونداي-اق ەل پرەزيدەنتى رەدجەپ تايىپ ەردوعان جەتى ايلىق جالاقىسىن كوروناۆيرۋسقا قارسى كۇرەسكە اۋداراتىنىن ءمالىم ەتكەن. ەردوعاننىڭ ايلىق جالاقىسى 81 مىڭ 250 ليرا ياعني 5 ملن تەڭگەدەن استام.

رەسەي

ماسكەۋدە تۇراتىن جازۋشى اياگۇل مانتاي رەسەي استاناسىنداعى جاعداي مەن ەلدەگى الەۋمەتتىك قولداۋ شارالارى تۋرالى بىلاي دەپ باياندايدى:

ماسكەۋ &ndash؛ الەمدەگى ەڭ ۇلكەن مەگاپوليستىڭ ءبىرى. ماسكەۋدىڭ وزىندە بۇكىل قازاقستاننىڭ حالقى تۇرادى. رەسەيدىڭ ەكونوميكاسى ماسكەۋگە تىكەلەي بايلانىستى. مىڭداعان, ءتىپتى ميلليونداعان وزبەك, قىرعىز, تاجىك, مولداۆان, ۋكراين, بەلارۋس, ۆەتنام ت.ب. حالىق وسى قالادا جۇمىس ىستەپ, اي سايىن وتباسىنا اقشا جىبەرەتىن. كارانتيننەن كەيىن ولاردىڭ تاعدىرى قالاي بولادى, بىلمەيمىن. كەشە كورشىم «؛دۇكەنگە كەشكە بارما! شەكارا جابىلىپ, ەلىنە قايتا الماي قالعان ورتاازيالىق جىگىتتەر ادامدارعا شابۋىل جاساپ, اقشاسىن تارتىپ الىپ, ۇستالىپتى. ماسكەۋدىڭ ءار جەرىندە اشىققان ادامدار شابۋىل جاساپ جاتىر ەكەن»؛ دەدى. ءوزى رەسەيلىك ازيات قىز عوي. مۇمكىن, ابدەن مۇمكىن. ماسكەۋدە پاتەر قىمبات. ماسكەۋدە قارا جۇمىس ىستەيتىن بىزبەن كورشى ەلدىڭ ادامدارىنان پاتەردىڭ ءبىر بولمەسىندە ون ادامنان تۇراتىنىن ءوز اۋىزدارىنان تالاي ەستىگەم. ويلاڭىزشى, ەكى بولمەلى پاتەردە ون بەس-ون جەتى ادامعا دەيىن تۇرادى. نەگە؟ سەبەبى, سولاي ارزان. سوسىن ولار اي سايىن وتباسىنا اقشا سالادى. وعان اكەسى, شەشەسى, ءىنى-قارىنداستارى, بالا-شاعاسى اۋزىن اشىپ وتىر. ادەتتە سىرتقا جۇمىسقا كوبىنە ۇيدەن ەتى ءتىرى ادام كەتەدى عوي. «؛شوۆينيست پۋتين باسقارىپ وتىرعان قوعام دەيىك, باسقا دەيىك»؛, ماسكەۋدەن قانشاما ءوزىمىزدىڭ قانداس ۇلتتار نانىن تاۋىپ, وتباسىن اسىراپ وتىر ەدى. ولاردىڭ اراسىندا ءوزىمىزدىڭ قازاقتار دا بار دەپ ويلايمىن. ؛

پۋتين العاش ءبىر اپتاعا كارانتين جاريالاعاندا «؛بيۋدجەتتە جۇمىس ىستەيتىندەردىڭ جالاقىسى تولىق ساقتالادى, ال جەكەمەنشىك مەكەمەلەر بارلىق قىزمەتكەرىنە ءبىر اپتاعا جالاقىسىن تولەسىن»؛ دەدى. مەن ءبىر اۋتيست بالاعا ۇيىنە بارىپ, قوسىمشا ساباق بەرەم. ماعان بالانىڭ اتا-اناسى جۇمىس ىستەمەگەن اپتاما تولىق اقشا تولەدى. ءبىر قاراعاندا, مۇنداي جۇمىسقا بارلىق جەردە ىستەگەن ساعاتىڭا, كۇنىڭە بايلانىستى تولەيدى. وقۋشىمنىڭ اتا-اناسىنىڭ ادامگەرشىلىگى جوعارى. وتكەن اپتا «؛اقشادان قينالىپ جاتساڭىز, كەلەسى ايدىڭ ەسەبىنەن جالاقىڭىزدى اۋدارايىق»؛ دەپ اناسى دا, اكەسى دە جاعدايىمدى سۇراپ, ؛ حابارلاستى.

جاقىندا پۋتين توقىراۋعا ۇشىراعان بيزنەسمەندەرگە «؛بارلىق جەكەمەنشىك مەكەمەنىڭ قىزمەتكەرلەرىنە 12 130 رۋبل (70 مىڭ تگ) تولەنەدى. بيزنەسمەندەردەن ءبىر عانا نارسە تالاپ ەتەم: كومپانياداعى شتاتتىڭ 90 پايىزىن ساقتاپ قالۋلارىڭ كەرەك»؛ دەدى. نەگە؟ سەبەبى, جەكەمەنشىك كومپانيالار جابىلسا نە قىزمەتكەرلەرىنىڭ جارتىسىن قىسقارتسا, جۇمىسسىزدار كوبەيەدى. بۇل مەملەكەتكە ءتيىمدى ەمەس.

ماسكەۋ مەرى سوبيانين «؛65-تەن اسقان زەينەتكەرلەرگە ايىنا 2 مىڭ رۋبلدەن (11 مىڭ تگ) 2 اي الەۋمەتتىك كومەك بەرەمىز»؛ دەدى.

رەسەي ۇكىمەتى ءۇش جاسقا دەيىن بالاسى بار وتباسىنا جانە كوپ بالالالى وتباسىنا اي سايىن 5 مىڭ رۋبل (29 مىڭ تگ) بەرەتىن بولدى.

ماسكەۋ مەكتەپتەرىندە تەگىن ىستىق تاماق ءىشىپ جۇرگەن, الەۋمەتتىك تۇرعىدا از قامتىلعان جانە كوپ بالالى وتباسىنان شىققان وقۋشىلاردىڭ ۇيىنە ازىق-تۇلىك ونىمدەرىن اپارىپ بەرىپ جاتىر.

ورتا ازيا ەلدەرى

قازاقستاندى قوسپاعاندا 2 ورتاازيالىق ەل &ndash؛ قىرعىزستان مەن وزبەكستاندا كوروناۆيرۋس رەسمي تۇردە تىركەلگەن. ال تۇرىكمەنستان مەن تاجىكستان كوروناۆيرۋس دەرەگىن جوققا شىعارىپ وتىر.

قىرعىستاندا كارانتينگە بايلانىستى رەسمي تۇردە تابىسىنان ايىرىلعاندارعا, ءوزىن-وزى جۇمىسپەن قامتۋشىلارعا, قوعامنىڭ الەۋمەتتىك وسال توبىنا ازىق-تۇلىك جيىنتىعى تاراتىلۋدا. سونداي-اق كوپتەگەن سالىق تۇرلەرى بويىنشا شەگەرىلىم جاسالىپ, سالىقتىق تەكسەرۋلەر توقتاتىلدى. كەيبىرىنە موراتوريي جاريالانعان. كوممۋنالدىق تولەم بويىنشا بەرەشەگى بار ازاماتتارعا كوممۋنالدىق قىزمەتتەر توقتاتىلمايدى. تولەنبەگەنى ءۇشىن ايىپپۇل سالىنبايدى. مەملەكەتتىك عيماراتتى جالداپ وتىرعاندار جالداۋ اقىسىنان بوساتىلادى. بانكروت جاريالاۋ ۋاقىتشا توقتاتىلدى. سونداي-اق بىرنەشە ونلاين-كينوتەاتر سەرۆيستەرى ءساۋىردىڭ سوڭىنا دەيىن تەگىن قىزمەت ۇسىنادى.

وزبەكستاندا دا از قامتىلعان وتباسىلارعا, قارت ادامدارعا, كارانتينگە بايلانىستى جۇمىسسىز ازاماتتارعا ازىق-تۇلىك جيىنتىعى بەرىلەدى. الەۋمەتتىك كومەك اياسىنداعى ازىق-تۇلىك 4-5 ادامنان تۇراتىن وتباسىعا 10 كۇنگە جەتۋگە ءتيىس.

ەلەكترەنەرگياسى, گاز بەن سۋ تولەم جاسالماسا دا وشىرىلمەيدى. كوپتەگەن اقىلى تەلەارنالار تەگىن ترانسلياسيا جۇرگىزەدى. تولەنبەگەنىنە قاراماستان ۇيالى بايلانىس پەن ينتەرنەت ىستەۋىن جالعاستىرادى. تولەمدەر كەيىنگە شەگەرىلەدى. كاسىپكەرلەر جىل سوڭىنا دەيىن سالىقتىڭ كوپتەگەن تۇرىنەن بوساتىلادى.

تاعى وقىڭىز!

&diams؛ ؛توقاەۆ: كارانتين شارالارىنىڭ جاڭا تاسىلدەرى ەنگىزىلەدى