19 ءساۋىر, 2020 ەكونوميكا
كورنەكى سۋرەت
بىرقاتار ءباسپاسوز بەتتەرىندە "42500 تەڭگە مولشەرىندەگى جاردەماقىنى زاڭسىز العاندار جاۋاپقا تارتىلادى, ايىپپۇل سالىنىپ, ءتىپتى سوتتاۋعا دەيىنگى شارالار قولدانىلادى" دەگەن اقپارات تاراعان. وسىدان كەيىن قامشى رەداكسياسىنا "مەملەكەت العان اقشامىزدى "قۇستىرىپ" جۇرمەي مە", "زاڭسىز العان دەگەندى قالاي تۇسىنۋگە بولادى" دەپ حابارلاسىپ جاتقان وقىرماننىڭ قاراسى كوپ. قامشى ءتىلشىسى وسى سۇراقتاردىڭ جاۋابىن ىزدەپ كوردى
42500 تەڭگەنى "زاڭسىز" العاندارعا كىمدەر جاتادى؟
؛
ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ رەسمي, بەيرەسمي جۇمىس ىستەپ, تىرشىلىك جاساپ نانىن تاۋىپ جۇرگەن ادام توتەنشە جاعدايدىڭ سالدارىنان جۇمىسى توقتاپ, تىرشىلىگى تۇرالاپ قالعاندىقتان 42500 تەڭگەنى السا, وندا وعان ەشتەڭە بولمايتىنىن ايتتى.
؛
مەملەكەت ونداي ازاماتتارعا سۇراۋ سالىپ, "اقشانى قايتار" دەمەيدى. سونداي-اق رەسمي جۇمىس ىستەگەن زەينەتكەرلەر, الەۋمەتتىك جاردەماقى الاتىندار توتەنشە جاعداي جاريالانۋىنا بايلانىستى تابىسىنان ايىرىلىپ, 42500 تەڭگەنى السا, ولاردىكى زاڭدى بولىپ سانالادى.
؛
ال جالاقىسى تولىق نەمەسە جارتىلاي ساقتالىپ جۇمىس ىستەپ جاتقانىنا قاراماستان 42500 تەڭگەنى العاندار جاردەماقىنى "زاڭسىز العان" بولىپ ەسەپتەلەدى.
؛
بۇل ساناتقا ەش جەردە جۇمىس ىستەمەستەن نەمەسە بەيرەسمي جۇمىس ىستەپ 42500 تەڭگەنى العان زەينەتكەرلەر, الەۋمەتتىك جاردەماقى الاتىندار دا كىرىپ كەتۋى مۇمكىن. بۇل جونىندە مينيسترلىك تاراپىنان ناقتى جاۋاپ ايتىلمادى. ءبىراق جالپى ەرەجەگە بويىنشا ولار دا 42500 تەڭگەنى زاڭسىز العاندار قاتارىنا جاتقىزىلۋى ىقتيمال. بۇل نورما اتاۋلى الەۋمەتتىك كومەك الۋشىلارعا قاتىستى ەمەس. ولار 42500 تەڭگەنى الا الادى.
زاڭسىز العاندار جاردەماقىنى ۇكىمەتكە قايتارىپ بەرە الادى. بۇگىندە حالىق بانك پەن kaspi.kz "الەۋمەتتىك تولەمدەردى قايتارۋ" قىزمەتىن ىسكە قوستى.
home bank قوسىمشاسى ؛(حالىق بانك) بويىنشا تومەندەگى كوماندانى ورىنداۋ قاجەت:
&diams؛"بارلىق تولەم" ءبولىمىن تاڭداۋ
&diams؛"سالىقتار" ءبولىمىن تاڭداۋ
&diams؛ "الەۋمەتتىك تولەمدەردى قايتارۋ" دەگەندى باسۋ
&diams؛جسن مەن تولەم سوماسىن تەرۋ
&diams؛"تولەۋدى" باسۋ
⠀
kaspi.kz قوسىمشاسىندا تومەندەگى ارەكەتتەر جاسالۋعا ءتيىس:
&diams؛"تولەمدەر" بولىمىنەن "بارلىق" (ۆسە) دەگەندى تاڭداۋ
&diams؛"الەۋمەتتىك تولەمدەردى قايتارۋ" دەگەندى باسۋ
&diams؛جسن-دى ەنگىزىپ, تولەۋ
زاڭسىز العاندارعا قانداي شارا قولدانىلادى؟
ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعداي اياقتالعاننان كەيىن تاعايىندالعان جاردەماقىلار بەكىتىلگەن زاڭ جۇزىندە قايتا تەكسەرىلەتىنىن حابارلادى.
؛
uchet.kz ؛سايتى الەۋمەتتىك تولەمدەردى زاڭسىز العاندار قىلمىستىق كودەكستىڭ 190-بابى ءبىرىنشى جانە ەكىنشى تارماقتارىنا سايكەس, 1000 اەك (2 ملن 788 مىڭ تەڭگە) كولەمىندە ايىپپۇل تولەۋى نەمەسە 2 جىلعا دەيىن باس بوستاندىعىنان ايىرىلۋى مۇمكىن ەكەنىن جازدى.
؛
زاڭسىز العىسى كەلەتىندەرگە 42500 تەڭگە نەگە بەرىلدى؟
مينيستر ءبىرجان نۇرىمبەتوۆ ءازاماتتار ؛وتىنىم بەرەردە تابىسىنان ايىرىلعانىن راستاعاندىقتان ولارعا 42500 تەڭگە تاعايىندالعانىن ايتتى. بەرىلگەن ءوتىنىمدى قاراۋ ساتىندە ازاماتتىڭ تابىسىنان ايىرىلعان, ايىرىلماعانى تەكسەرىلمەۋىنىڭ سەبەبىن مينيستر بىلاي دەپ ءتۇسىندىردى:
ارىز بەرۋ كەزىندە ازامات توتەنشە جاعدايعا بايلانىستى تابىسىنان ايىرىلعانىن راستاي وتىرىپ, كەلتىرگەن دەرەكتەرىنىڭ شىنايىلىعىنا جاۋاپكەرشىلىك ارقالايدى. سونداي-اق جۇمىسشىلاردىڭ سۇراۋى بويىنشا, جۇمىس بەرۋشىنىڭ بين نومەرىن ەنگىزۋ ارقىلى جۇمىسشىلاردىڭ ءوزى ءوتىنىم بىلدىرە الاتىنداي مۇمكىندىك جاسالدى.
سوندىقتان ءبىزدىڭ بازادا جۇمىسشىنىڭ دەمالىسقا جىبەرىلگەنى تۋرالى بۇيرىق جوق. وسىدان كەيىن ءبىز جۇمىسشىنىڭ اقىسىز دەمالىسقا جىبەرىلگەنىن انىقتاي الامىز با؟ انىقتاي المايمىز. سىزدەر ءوز ارىزدارىڭىز ارقىلى بىزگە ەسكەرتتىڭىزدەر, ءبىز ونى قابىلدادىق. سول سەبەپتى جاردەماقىنى كىم تاعايىندادى, كىم بەردى, سول كىنالى دەگەن دۇرىس ەمەس, &ndash؛ دەدى مينيستر
مينيسترلىك توتەنشە جاعداي جاريالانعان ساتتە تابىسىنان ايىرىلعانداردى تەكسەرگىسى كەلگەن كۇننىڭ وزىندە تەكسەرە المايدى. ويتكەنى جۇمىسشىنىڭ جالاقى العان, الماعانىن, ياعني جۇمىسىنىڭ توقتاعان, توقتاماعانىن جۇمىس ورنى تاراپىنان تولەنەتىن الەمەتتىك اۋدارىمدار اقىلى عانا بىلۋگە بولادى. قر ۇكىمەتىنىڭ 2004 جىلعى 21 ماۋسىمداعى n 683 قاۋلىسىنا سايكەس الەۋمەتتiك اۋدارىمدار اي سايىن ەسەپتi ايدان كەيiنگi ايدىڭ 25-كۇنiنەن كەشىكتىرىلمەي, الەۋمەتتىك اۋدارىمدار تولەنەتىن اي كورسەتىلە وتىرىپ تولەنەدى.
؛
ياعني, جۇمىس بەرۋشى توتەنشە جاعداي جاريالانعان ناۋرىز ايىنىڭ تولەمدەرىن 25 ساۋىرگە دەيىن تولەۋگە ءتيىس. دەمەك مەملەكەت ازاماتتاردىڭ ناۋرىز ايىندا جالاقى العانىن يا الماعانىن 25 ساۋىردەن كەيىن عانا تولىق مولشەردە كورە الادى. سايكەسىنشە, جۇمىسشىنىڭ ساۋىردە جالاقى العانى نەمەسە الماعانى جۇيەدە تەك 25 مامىردان كەيىن عانا تولىق كورىنەدى.
؛
جۇمىس بەرۋشىگە قىزمەتكەرىنىڭ اقىسىز دەمالىسقا جىبەرىلگەنىن راستايتىن بۇيرىقتى وتكىزۋدى مىندەتتەيتىن نورما الىنىپ تاستالعاندىقتان, مينيسترلىك كىمنىڭ تابىسىنان شىنىمەن ايىرىلىپ, كىمنىڭ جۇمىستى جالعاستىرىپ جاتقانىن ازىرگە بىلە المايدى. سوندىقتان بار جاۋاپكەرشىلىكتى ازاماتتارعا ارتىپ وتىر.
42500 تەڭگەنى ۇكىمەتكە قايتارۋ توقتاتىلۋى كەرەك
ساياساتتانۋشى ورازعالي سەلتەەۆ "الەۋمەتتىك نارىزىلىقتى ۇشىقتىرماس ءۇشىن 42500 تەڭگەنى ۇكىمەتكە قايتارۋ توقتاتىلعانى ءجون" دەپ سانايدى.
ونىڭ سوزىنشە, 42500 تەڭگە جوباسى مەملەكەتتىك اپپارات رەپۋتاسياسىنا زور نۇقسات كەلتىرگەن. ۇكىمەت اۋەلدە تولەمنىڭ ەرەجەلەرى مەن بەرۋ ءتارتىبىن شەشە الماي ەلدى اۋرە-سارساڭعا سالىپ, اقىرى قاراپايىم دا ىڭعايلى مەحانيزم جاساي الماعان.
؛
&ndash؛ ەندى تولەم تاعايىندالماۋعا ءتيىس ادامدار ونى قايتارۋى كەرەك دەگەندى شىعارىپ قوعامدىق ديسكۋسسيا تۋدىردى. جۇرتتىڭ مازاسى قاشۋدا. شەشىمدەر مەن ارەكەتتەردىڭ كاسىبيسىزدىگىنىڭ سالدارىنان الەۋمەتتىك نارازىلىق پەن شيەلەنىس كۇشەيۋدە, &ndash؛ دەگەن ساياساتكەر "42500 تەڭگەنى ۇكىمەتكە قايتارۋ توقتاتىلۋى كەرەك. بۇل اۋانداعى كەز كەلگەن تالقىلاۋدى دوعارعان ءجون. جىبەرىلگەن قاتە ءۇشىن سول قاتەگە جول بەرگەندەر جاۋاپ بەرۋگە ءتيىس. جاعدايدى ۇشىقتىرۋعا بولمايدى. كونفليكتىك كوڭىل-كۇيدىڭ ۇلعايۋ ماسشتابىن جەتە باعالاماۋ دۇرىس ەمەس" دەپ سانايدى ورازعالي سەلتەەۆ.
؛
ساياساتتىنۋشىنىڭ "قاراپايىم دا ىڭعايلى مەحانيزم جاساي الماعان" دەگەن ويىنا مازمۇنداس پىكىردى ؛ىت ساراپشى ەرلان وسپان دا ايتقان بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر