17 ءساۋىر, 2020 ايماقتار
qamshy.kz
اقتوبەدە وبلىستىق ءماسليحات دەپۋتاتتارى «؛نۇر-عاسىر»؛ مەشىتىمەن بىرىگىپ قايىرىمدىلىق شاراسىن وتكىزدى. بۇل اكسيا قاسيەتتى رامازان ايىنا وراي ۇيىمداستىرىلدى.
داستۇرلى تۇردە بۇل قاسيەتتى ايدا ەل تۇرعىندارى مۇقتاج جاندارعا كومەك كورسەتۋدە اسقان بەلسەندىلىك تانىتادى, ويتكەنى, ورازا ايىندا ءپىتىر-ساداقا جانە زەكەت بەرۋ مول ساۋاپقا كەنەلتەدى. ؛
بۇل ايداعى يگى ىستەر مەن مۇقتاج جانە ناۋقاستارعا كورسەتىلگەن جومارتتىلىق ءۇشىن اللا تاعالانىڭ سىيى ەسەلەنىپ, ادامدى وزىنە جاقىنداتادى.
اتالمىش اكسيا اياسىندا 99 مۇگەدەك بالالارعا جالپى سوماسى 2 ملن. تەڭگەنى قۇرايتىن ازىق-تۇلىك قورجىندارى (ەت, ۇن, كۇرىش, شەكەر, كامپيتتەر, ت.ب.) ۇلەستىرىلدى.
اللا تاعالانىڭ 99 ەسىمى بولعاندىقتان 99 سانى دا كەزدەيسوق الىنعان جوق. سونداي-اق, بالالار جانە ولاردىڭ وتباسىلارى ءۇشىن اللا تاعالانىڭ 99 ەسىمى بەينەلەنگەن ارنايى سىيلىق ازىرلەندى.
بۇل ەسىمدەردى اتاپ وتىراتىنداردىڭ يمانى كۇشەيىپ, كۇمان مەن سەنىمسىزدىكتەرىن كەتىرەدى. ەگەر, بۇل ەسىمدەردى اتاپ, كەيىن بىرنەشە رەت دۇعا وقىلسا, ەم قونبايتىن اۋرۋلاردى ساۋىعۋعا ءوز اسەرىن بەرەدى,- دەيدى ۇيىمداستىرۋشىلار.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر