"؛بيلىكتىڭ ماقساتى – قازاقتىڭ جەرىن ساتۋ"؛. ۇكىمەت جەردى شەتەلدىكتەرگە بەرۋ ماسەلەسىن قايتا كوتەرە باستادى

7 ءساۋىر كۇنى egov پورتالىنا قۇرامىندا ەۋرازيالىق ەكونوميكالىق وداق ەلدەرىنىڭ ۇلەسى بار وتاندىق كاسىپورىندارعا جەر ۋچاسكەلەرىن قايتارىمسىز نەگىزدە بەرۋدى كوزدەيتىن ۇكىمەتتىك قاۋلىنىڭ جوباسى جاريالاندى. ول بويىنشا جەر ۋچاسكەلەرى بەرىلەتىن قازاقستانداعى وندىرىستىك كاسىپورىنداردىڭ ارنايى تىزبەسى جاسالۋعا ءتيىس بولعان.

قوعامدىق تالقىلاۋعا شىعارىلىپ, ارتىنشا الىنىپ تاستالعان قاۋلى. سكرينقيىندىنى kaztag ءجۋرناليسى جاساعان

 ؛

الايدا كوپ ۇزاماي جوبا پورتالدان الىنىپ تاستالدى. يندۋستريا جانە ينفراقۇرىلىمدىق دامۋ مينيسترلىگى مۇنى "مەملەكەتتىك ورگاندار مەن اككرەديتتەلگەن قاۋىمداستىقتار ەۋرازيالىق ەكونوميكالىق وداققا مۇشە مەملەكەتتەردىڭ قاتىسى بار كاسىپورىندارعا ۇكىمەتتىڭ جەر ۋچاسكەلەرىن بەرۋ قۇزىرەتى جوقتىعىن ايتقاندىقتان, قاۋلىنىڭ جوباسى تالقىلاۋدان جانە ودان ءارى قاراۋدان الىندى" دەپ تۇسىندىردى.

قوعام بەلسەندىلەرى قاۋلىنىڭ الىنىپ تاستالۋىنا "شىن مانىندە حالىقتىڭ نارازىلىعى سەبەپ بولدى" دەپ سانايدى.

قامشى تىلشىسىمەن سويلەسكەن بەلسەندى جانبولات ماماي "بيلىك حالىقتىڭ وزىنە قارسى شىعىپ وتىرعانىن جاريالى تۇردە مويىنداعىسى كەلمەيدى" دەگەن پىكىردە.

&ndash؛ "ۇسىنىسىمىزدى حالىق قابىلدامادى, وعان قارسى بولدى" دەپ بيلىك مويىنداعىسى كەلمەيدى. شىن مانىندە ۇكىمەتتىڭ جەردى شەتەلدىك كاسىپورىندارعا بەرۋدى كوزدەيتىن قاۋلىنى تالقىلاۋدان الۋىنىڭ سەبەبى ؛&ndash؛ حالىقتىق رەزونانستان, نارازىلىقتان قورىققانى دەپ ويلايمىن. مەن الەۋمەتتىك جەلى ارقىلى حالىققا "جەر ءۇشىن ميتينگىگە شىعۋعا دايىنسىزدار ما" دەگەن ساۋال قويدىم. سوندا مىڭداعان ادام دايىن ەكەنىن ايتتى. جالپى جەر ماسەلەسى &ndash؛ قازاقتى كوتەرەتىن, الاڭعا شىعاراتىن ماسەلە. وعان كارانتين دە, كوروناۆيرۋس تا كەدەرگى بولا المايدى. بيلىك مۇنىڭ ءبارىن كورىپ وتىر. سوندىقتان اياعىن تارتىپ, ماسەلەنى كەيىنگە قالدىردى, &ndash؛  ؛دەگەن بەلسەندى جەر ماسەلەسى ءالى دە اشىق كۇيدە ەكەنىن اتاپ ءوتتى.

ونىڭ سوزىنشە, جەردى ساتۋ, شەتەلدىكتەرگە بەرۋ ماسەلەسىنىڭ ارا-تۇرا كوتەرىلۋى, كارانتين كەزىندە مۇنداي قاۋلىنىڭ شىعۋى &ndash؛ بيلىكتىڭ جەردى ساۋدالاعىسى كەلەتىنىن انىق اڭعارتادى.

&ndash؛ قيىن قىستاۋ كەزدە, جۇرتتىڭ ءبارى كارانتيندە جاتقاندا, كوروناۆيرۋس اسقىنىپ تۇرعان شاقتا جەر ماسەلەسىن كوتەرۋ ؛&ndash؛ قىلمىس دەپ بىلەم. ءبارى ۇيىندە وتىرعاندا, بار نازارى كوروناۆيرۋسقا اۋىپ تۇرعاندا قوعامنىڭ, مەملەكەتتىڭ ءومىرى ءۇشىن اسا ماڭىزدى وسىنداي ماسەلەنى ىڭ-شىڭسىز وتكىزىپ جىبەرگىسى كەلگەندەگى بيلىكتىڭ ماقساتى &ndash؛ قازاقتىڭ جەرىن ساتۋ. مۇنداي قىسىلتاياڭ ۋاقىتتا ماسەلەنىڭ كوتەرىلۋىندە بيلىكتىڭ جىمىسقى ويىنان باسقا سەبەپتى كورىپ تۇرعانىم جوق. قاۋلى 21 ساۋىرگە دەيىن قوعامدىق تالقىلاۋدا بولادى دەپ قويىپتى. كارانتين جاعدايىندا قانداي قوعامدىق تالقىلاۋ؟ كوشەگە شىقساڭ, پوليسيا ايىپپۇل سالادى نەمەسە ۇستاپ الىپ كەتەدى. سوندىقتان بۇل ادەيى جاسالعان ارەكەت, &ndash؛ دەيدى جانبولات ماماي.

قوعام بەلسەندىسى "جەردى ەۋرازيالىق ەكونوميكالىق وداق ەلدەرىنىڭ ۇلەسى بار كاسىپورىندارعا بەرۋ دەگەن قازاق جەرىنە ارمەنيا, رەسەي, قىرعىزستان, بەلارۋس ەلدەرىنىڭ ازاماتتارى يەلىك ەتەتىن بولادى دەگەن ءسوز. اتالعان ەلدەرگە كاسىپورىندارىن تىركەپ قويعان قىتاي ازاماتتارى ءۇشىن قازاق جەرىنە توتە جول اشىلادى. بۇل &ndash؛ جەرىمىزدىڭ, تاۋەلسىزدىگىمىزدىڭ تۇتاستىعىنا تونگەن ۇلكەن ءقاۋىپ" دەپ سانايدى.

ونىڭ ايتۋىنشا, قاۋلى الىنىپ تاستالعانىمەن, جەر ماسەلەسى ءالى دە كۇن تارتىبىنەن تۇسكەن جوق. ونى تۇبەگەيلى شەشۋ ءۇشىن جەر تۋرالى جاڭا زاڭ قابىلداپ, وندا جەر شەتەلدىكتەرگە جالعا بەرىلمەيدى دە, ساتىلمايدى دا دەپ تايعا تاڭبا باسقانداي ەتىپ جازىلۋعا ءتيىس.

ۇلتتىق قوعامدىق سەنىم كەڭەسىنىڭ مۇشەسى مۇحتار تايجان دا "ۇكىمەت قاۋلىسىنىڭ تالقىلاۋدان الىنۋى &ndash؛ حالىق بەلسەندىلىگىنىڭ ارقاسى" دەپ سانايدى.

سونداي-اق مۇحتار تايجان بيلىك جەر ماسەلەسىن تۇبەگەيلى شەشۋدى سوزىپ كەلە جاتقانىن ايتتى.

&ndash؛ مەن ءتورت جىلدان بەرى "جەر ماسەلەسى ۋاقىتشا ەمەس, تۇبەگەيلى شەشىلسىن" دەپ ايتىپ ءجۇرمىن. ءبىراق بيلىك وكىلدەرى "اقىلداسايىق", "شەشىلەدى عوي" دەپ سوزباققا سالىپ كەلەدى. جاريالانعان موراتوريي مەرزىمى اياقتالۋعا تاياپ قالدى. ەندى كەشىكتىرمەي جەر ماسەلەسىن ءبىرجاقتى ەتۋىمىز كەرەك. ول ءۇشىن حالىق ماسەلەگە بەيجاي قاراماي, بەلسەندىلىك تانىتۋى قاجەت, &ndash؛ دەدى بەلسەندى قامشى تىلشىسىنە.