اشىق دەرەككوز
پرەزيدەنتتىڭ تاپسىرماسىن ءتيىمدى جۇزەگە اسىرۋ ءۇشىن اقتوبە وبلىسىندا الەۋمەتتىك قولداۋدىڭ بارلىق شارالارى جاسالۋدا. توتەنشە جاعداي كەزىندە حالىقتىڭ الەۋمەتتىك وسال توپتارىن قولداۋعا بيۋدجەتتەن 900 ملن.تەڭگە ءبولىندى. بۇل 44534 وتباسىعا كومەك بولماق.
ازىق-تۇلىك جانە ءبىرىنشى كەزەكتەگى تۇرمىستىق تاۋارلارىمەن قامتاماسىز ەتۋ ءۇشىن 500 ملن.تەڭگە ءبولىندى. بۇل ءبىرىنشى كەزەكتە الەۋمەتتىك ماڭىزى بار تاۋارلارعا باعانى تۇراقتاندىرۋعا باعىتتالادى. الەۋمەتتىك وسال ساناتتاعى 3 مىڭنان استام وتباسىنىڭ بالالارىن قاشىقتان وقىتۋ ءۇشىن 500 ملن. تەڭگە قاراجات ءبولىندى. كوروناۆيرۋستىق ينفەكسيامەن كۇرەسۋ ءۇشىن ءبىرىنشى كەزەكتەگى قاجەتتى مەديسينالىق جابدىقتاردى ساتىپ الۋعا 529 ملن. تەڭگە ءبولىندى. سونىمەن قاتار, توتەنشە جاعداي كەزىندە ءوڭىر حالقىن قولداۋ ماقساتىندا وبلىس اكىمدىگى كوممۋنالدىق مەكەمەلەرمەن كەلىسسوزدەر جۇرگىزۋ ناتيجەسىندە اقتوبە قالاسىنىڭ تۇرعىندارى ءۇشىن سۋ, جىلۋ, كارىز تولەمدەرىنىڭ تاريفتەرى 20%-عا, ەلەكتر جارىعى 10%-عا تومەندەسە, وبلىستىڭ 5 اۋدانىندا (العا, مۇعالجار, تەمىر, حرومتاۋ, شالقار) بۇل تاريفتەر 50%-عا دەيىن تومەندەتىلدى. جالپى وسىنداي كومەك كورسەتۋ بويىنشا ؛ وبلىس باسشىلىعىنىڭ باسقا دا جەكە ءىرى كومپانيالارمەن كەلىسىمدەرى بار. الداعى ۋاقىتتا دا وسىنداي كومەك كەلەدى. جانە دە ءدارىحانالارعا حالىق ءۇشىن ءتيىمدى باعامەن ساتىلۋىنا بەرىلەتىن بولادى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر