كوروناۆيرۋس كۇدىگىمەن كارانتيندە جاتقان ناۋقاس جاعدايىن باياندادى

قازاقستاندا اۋە بايلانىسى توقتاماي تۇرعاندا شەتەلدەن ۇشىپ كەلگەن ازاماتتار 14 كۇنگە كارانتينگە جاتقىزىلاتىن. الايدا ەلگە ورالعانداردىڭ ءبارى بىردەي كارانتينگە جابىلماعان. بۇل تۋرالى قامشى تىلشىسىنە كارانتينگە جاتقىزىلماعان جاقىندارىنان كوروناۆيرۋس انىقتالىپ, ولارمەن بايلانىستا بولعانى ءۇشىن الماتى وبلىسى شامالعان ەلدىمەكەنىندەگى جۇقپالى اۋرۋلارعا ارنالعان ەمحانادا جاتقان ايگەرىم سەنبيەقىزى ايتىپ بەردى.

ناۋقاستىڭ ءىنىسى مەن كەلىنى 25 ناۋرىز كۇنى نيۋ-يوركتەن ماسكەۋ ارقىلى الماتىعا ۇشىپ كەلگەن. ولار وتىرعان ۇشاقتا ەكى ادامنان كوروناۆيرۋس انىقتالىپ, ۇشاق اۋەجايعا قونىسىمەن, جولاۋشىلاردى جانگەلدين كوشەسى بويىنداعى اۋرۋحاناعا جەتكىزگەن.

&ndash؛ ءىنىم مەن كەلىنىمنەن اناليز الىپ, تەست جاساپ, ولاردى 24 ساعات اۋرۋحانادا ۇستادى. تەست ناتيجەلەرى تەرىس شىعىپ, ەشقانداي سىرقات بەلگىلەرى بايقالماعان سوڭ ولارعا «؛ۇيدەن شىقپاڭدار»؛ دەپ ەسكەرتىپ, 26 ناۋرىزدا ءۇي كارانتينىنە جىبەردى. شەتەلدەن كەلگەندەردى اۋرۋحاناعا 14 كۇنگە جاتقىزادى دەۋشى ەدى عوي. ولاردى ويتپەدى. ىنىمدەر ۇيلەرىنە جەدەل جاردەم كولىگىمەن ەمەس, كادىمگى تاكسيمەن كەلدى. جاقىن ماڭدا بولعاندىقتان ماعان ازىق-تۇلىك الىپ كەلۋىمدى ءوتىندى. مەن كەرەك-جاراقتارىن اپارىپ, كوپتەن كورمەگەن جاقىندارىممەن اڭگىمەلەسىپ بىرنەشە ساعات وتىرىپ قالدىم. مەديسينالىق تەكسەرۋدەن وتكەندىكتەن تۋىستارىمدا ۆيرۋس انىقتالادى دەگەن وي باسىما كىرىپ شىققان ەمەس, &ndash؛ دەيدى ايگەرىم سەنبيەقىزى.

ونىڭ سوزىنشە, كوپ ۇزاماي كەلىنىنىڭ تاماعى اۋىرىپ, جوتەل پايدا بولعان. 27 ناۋرىز كۇنى شاقىرىلعان جەدەل جاردەم كولىگى ولاردى قاسكەلەڭدەگى جۇقپالى اۋرۋلارعا ارنالعان ەمحاناعا الىپ كەتكەن. ول جاقتا تاپسىرىلعان تەستتەر ناۋقاستىڭ كەلىنىندە وڭ, ىنىسىندە تەرىس ناتيجە كورسەتكەن.

&ndash؛ ەكەۋى ەكى ءتۇرلى ناتيجە كورسەتكەندىكتەن, بولەك بولمەلەرگە وقشاۋلاندى. كەلەسى كۇنى ولارمەن تىكەلەي بايلانىستا بولعاندىقتان مەنى دە جەدەل-جاردەم الىپ كەتىپ, شامالعانعا كارانتينگە جاپتى. ءىنىم مەن كەلىنىممەن ۇنەمى سويلەسىپ تۇردىم. كەلەسى كۇندەردىڭ بىرىندە كەلىنىمنىڭ جانىنا جاڭادان كەلىپ تۇسكەن ناۋقاستى ورنالاستىرىپتى. كەلىنىمىز جۇكتى ەدى. ءوزىنىڭ جانە قۇرساعىنداعى بالانىڭ دەنساۋلىعى ءۇشىن ونى باسقا بولمەگە اۋىستىرۋدى تالاپ ەتتىك. سودان كەيىن بارىپ قانا ەرتەسىنە دارىگەرلەر جاڭا كەلىپ تۇسكەن ناۋقاستى باسقا پالاتاعا ورنالاستىردى, &ndash؛ دەدى كەلىنشەك.

كارانتيندە جاتقان ايگەرىم سەنبيەقىزى ءوزىنىڭ جاعدايى قاناعاتتانارلىق ەكەنىن, دارىگەرلەر دەنە قىزۋىن ءجيى-جيى تەكسەرىپ جاتقانىن ايتتى. كارانتينگە جاتقىزىلعالى ودان ەكى رەت كوروناۆيرۋسقا تەست الىنعان. ودان ىندەتتىڭ بەلگىلەرى انىقتالماعان.

&ndash؛ مەن 28 ناۋرىزدا كارانتينگە جاتقىزىلدىم. سول كۇنى تەست الدى. 29-ى ناۋرىزدا ەكىنشى رەت تەست الدى. نەگىزى تەست ءبىر رەت الىنىپ, 14 كۇنگە دەيىن جاقسى بولساڭ, تەست ەكىنشى رەت الىنبايدى ەكەن دەگەندى ەستىگەنمىن. ال مەنەن ەكى رەت الىندى. دارىگەرلەر مۇنىڭ سەبەبىن اشىپ-جارىپ ايتپادى. سوندىقتان دەنساۋلىق ساقتاۋ مينيسترلىگىنە شىقتىم. مينيسترلىك وكىلى ماعان قاتىستى ەكى رەت تەست الىنعانى تۋرالى دەرەك جوقتىعىن ءمالىم ەتتى. ەكى كۇن قاتارىنان تەست الىپ, ناتيجەسىن ايتپاي وتىرعاندارى الاڭداتىپ وتىرعانىن نەسىن جاسىرايىن. دەسە دە دارىگەرلەر جاعدايىمدى قاناعاتتانارلىق دەپ وتىر, &ndash؛ دەدى ايگەرىم سەنبيەقىزى.

سونىمەن قاتار ول باستاپقىدا ءىنىسى مەن كەلىنى جاتقان قاسكەلەڭدەگى جۇقپالى اۋرۋلارعا ارنالعان ەمحانادا جاعدايدىڭ ناشار بولعانىن اتاپ ءوتتى.

&ndash؛ ءا دەگەندە قاسكەلەڭدەگى اۋرۋحانانىڭ جاعدايى سىن كوتەرمەيتىن. ونى ءىنىم ۆيدەوعا ءتۇسىرىپ, الەۋمەتتىك جەلىگە سالىپ جىبەردى. وسىدان كەيىن ەمحاناعا جوندەۋ جۇرگىزىلىپ, ناۋقاستارعا كوبىرەك كوڭىل بولىنە باستادى. ارتىنشا, اۋرۋحانا باسشىلىعى ۆيدەونى الىپ تاستاۋدى جانە جاعدايلارىنىڭ جاقسى ەكەنى تۋرالى قايتادان ۆيدەو ءتۇسىرىپ جەلىگە جۇكتەۋدى ءوتىندى. اۋرۋحانانىڭ باس دارىگەرى اعاما حابارلاسىپ, جىبەرىلگەن قاتەلىكتەر ءۇشىن كەشىرىم سۇرادى. قازىرگى ۋاقىتتا ءبارىمىزدىڭ جاعدايىمىز جامان ەمەس, &ndash؛ دەيدى ناۋقاس.

ايگەرىم سەنبيەقىزى كارانتيندە جاتقان, كوروناۆيرۋس انىقتالعان ناۋقاستارعا قاجەتتى ەم جاسالىپ, ءدارى بەرىلىپ جاتقانىن اتاپ ءوتتى.

&ndash؛ كۇندەلىكتى تەمپەراتۋرامىزدى 3-4 رەت ولشەپ, قان قىسىمىمىزدى تەكسەرىپ, يممۋنيتەتتى كوتەرەتىن دارى-دارمەك جانە دارۋمەندەر بەرەدى, ؛&ndash؛ دەگەن ول و باستاعى كەلەڭسىزدىكتەرگە قاراماستان, اۋرۋحانا ۇجىمى مەن دارىگەرلەرگە ريزاشىلىعىن ءبىلدىردى.

ونىڭ سوزىنشە, اۋرۋحانادا جوندەۋ ءالى كۇنگە دەيىن ءجۇرىپ جاتىر.

 ؛

 ؛

 ؛