«قىتاي بيلىگى مىسىق پەن يت ەتىن جەۋگە تىيىم سالادى». شەتەلدىك باسپاسوزگە شولۋ

reuters: قىتاي بيلىگى ازاماتتارىنىڭ مىسىق پەن يت ەتىن جەۋىنە تىيىم سالماق.

كوروناۆيرۋس پاندەمياسى پايدا بولعاننان بەرى قىتايدىڭ شەنچجەن قالاسىندا جابايى جانۋارلار ساۋداسىن ازايۋتۋ ماقساتىندا قالا تۇرعىندارىنىڭ يت مەن مىسىق ەتىن جەۋىنە تىيىم سالىنباق.

عالىمدار كوروناۆيرۋس ادامدارعا جانۋارلاردان جۇققان دەپ كۇدىكتەنەدى. العاشقى كوروناۆيرۋس ۋحان قالاسىنداعى جابايى جانۋارلار بازارىنا بارعان ادامداردان تابىلعان بولاتىن. ول بازاردا جىلان, سيۆيان جانە باسقا دا جانۋارلاردىڭ ەتى ساتىلعان.

شەنچجەن قالاسى بيلىگى جاريالاعان وسىنداي شەكتەۋدەن كەيىن, قالا تۇرعىندارى اراسىندا نارازىلىق تۋعان. الايدا, بۇل باستامانى جانۋارلاردى قورعاۋ توپتارى قولدادى.

قىتاي بيلىگى يتتەر مەن مىسىقتاردى جەۋگە تىيىم سالاتىن زاڭ 1 مامىردان باستاپ كۇشىنە ەنەتىندىگىن مالىمدەدى.

cnbc: ترامپ قىتاي ستاتيستيكاسىنا سەنىمسىزدىك ءبىلدىردى

اقش پرەزيدەنتى دونالد ترامپ سارسەنبىدە قىتايدىڭ كوروناۆيرۋس بويىنشا ستاتيستيكاسى «؛تومەندەتىلىپ كورسەتىلگەن»؛ دەپ مالىمدەدى. اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى دە پەكيننىڭ ساندارىنىڭ دۇرىستىعىن ءبىلۋ مۇمكىن ەمەس دەپ ايتتى.

رەسپۋبليكالىقتار پارتياسى جاعىنان پەكيننىڭ دەرەكتەرىنە كۇمان كەلتىرگەننەن كەيىن وسىنداي كۇدىكتەر ايتىلعان. bloomberg news اقش بارلاۋ قىزمەتىنىڭ اقپاراتتارى بويىنشا قىتايدىڭ ءولىم-جىتىم ستاتيستيكاسى سەنىمسىز ەكەنىن جازدى.

cnn: يتاليادا قارتتار ۇيىندەگى قارتتاردىڭ ۇشتەن بىرىنەن استامى كوروناۆيرۋستان قازا تاپقان.

يتاليانىڭ ميلان قالاسى ماڭىنداعى قارتتار ۇيىندەگى ەگدە جاستاعى ازاماتتاردىڭ ۇشتەن بىرىنەن استامى كوروناۆيرۋس پاندەمياسىنىڭ العاشقى ءبىر ايىنىڭ ىشىندە كوز جۇمدى.

سارا اراگنو سارسەنبىدە cnn-گە بەرگەن سۇحباتىندا ناۋرىزدىڭ باسىنان بەرى مەديگليا مۋنيسيپاليتەتىندە ورنالاسقان borromea residence-تەگى 150 تۇرعىننىڭ ء63-ى قازا تاپقانىن ايتتى.

قارتتاردى امان الىپ قالۋ اسا قيىنعا سوعۋدا.

&ndash؛ ەگدە جاستاعى ادامداردىڭ ءولىم سالىستىرماسى جوعارى, كوروناۆيرۋستان كوز جۇمعانداردىڭ 80%-دان استامى 70 جاستان اسقاندار, &ndash؛ دەگەن يتاليا دەنساۋلىق ساقتاۋ جوعارى كەڭەسىنىڭ باسشىسى فرانكو لوكاتەللي كونفەرەنسيادا.

the new york times: كوكتەمگى سەرۋەنگە شىققان 70 ستۋدەنتتىڭ ء44-ى كوروناۆيرۋس جۇقتىرعان

نيۋ يورك تايمس اقش-تىڭ تەحاس شتاتىندا كوكتەمگى سەرۋەنگە شىققان 70 ستۋدەنتتىڭ ء44-ى كوروناۆيرۋس جۇقتىرعانىن جازدى.

وستيندەگى تەحاس ۋنيۆەرسيتەتىنىڭ 70-كە جۋىق ستۋدەنتى مەكسيكادا كوكتەمگى دەمالىسىن وتكىزگەن. ارتىنشا ولاردىڭ اراسىنداعى 44 ستۋدەنتتەن كوروناۆيرۋس انىقتالعان.

قازىر ستۋدەنتتەر وقشاۋلانعان. ستۋدەنتتەردىڭ كوپشىلىگى باقىلاۋدا, دەپ حابارلادى ۋنيۆەرسيتەت باسشىلارى.

70 ستۋدەنتتەن قۇرالعان توپ وستين اۋەجايىنان 14 ناۋرىزدا مەكسيكاعا دەمالۋ ءۇشىن جولعا شىققان جانە ولاردىڭ كوپشىلىگى 19 ناۋرىزدا ورالعان. ساپاردى juscollege اتتى كومپانيا ۇيىمداستىرعان.

the guardian: الەم بويىنشا كوروناۆيرۋس جۇقتىرعاندار سانى ميلليونعا جۋىقتادى.

ال, the guardian باسىلىمىنىڭ جازۋىنشا, قازىرگە دەيىن الەم بويىنشا ميلليونعا جۋىق ادام كوروناۆيرۋس جۇقتىرعان. پاندەميا بۇكىل الەمدە 937 ؛170-تان استام ادامعا جۇعىپ, ولاردىڭ 50 مىڭعا جۋىعى قازا تاپقان.