حابار24
بىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاسيالار قىزمەتىندەگى بريفينگتە ورتا ءبىلىم دەڭگەيىندە قاشىقتان وقىتۋ 4 باعىت بويىنشا جۇرگىزىلەتىنىن ايتتى.
ينتەرنەت جەلىسى جوق ءارى تارالۋى ناشار ەلدىمەكەندەر ءۇشىن ساباق تەلەديدار ارقىلى جۇرەدى. بۇگىندە بالاپان جانە ەلارنا تەلەارنالارىمەن كەلىسىم جاسالعان. كۇنىنە 8 ساعات بويى ءتيىستى ساباقتار وسى ارنالار ارقىلى كورسەتىلەدى.
مينيستردىڭ ايتۋىنشا, 4-توقسانداعى وقۋ باعدارلاماسىن قامتۋ ءۇشىن 3360 ساباق ءتۇسىرىلۋى قاجەت. قازىرگى ساتتە ونىڭ 300-دەن استامى تۇسىرىلگەن. ايماعامبەتوۆ ۇستازدار تەلەجۇرگىزۋشى رولىنە ەنىپ, ساباقتى 10-15 مينيۋتقا سىيعىزىپ, مازمۇندى ەتىپ قىسقارتۋ ءۇشىن ۇلكەن ەڭبەك ەتىپ جاتقانىن اتاپ ءوتتى.
قاشىقتان وقىتۋدىڭ كەلەسى باعىتى رەتىندە راديو تاڭدالعان. تەلەديدار سيگنالى جەتپەيتىن جەرلەردە ساباق قازاق راديوسى ارقىلى جۇرگىزىلەدى.
ۇشىنشى باعىت پوچتا ارقىلى, ءتورتىنشى باعىت ينتەرنەت ارقىلى ونلاين تۇردە جۇرگىزىلەدى.
مينيستر ينتەرنەت ارقىلى وقىتۋ بويىنشا ونلاين پلاتفورمالار دايىن ەكەنىن, ول بويىنشا پىسىقتاۋ جۇمىستارى ءجۇرىپ جاتقانىن ايتسا, پوچتا ارقىلى وقىتۋ تۇرىنە توقتالعان جوق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر